যিশাইয় 49:14 - Chakma Bible

¹⁴ মাত্তর্ সিয়োনে কলঅ, “লগেপ্রভু মরে ছাড়ি যেইয়্যে, তে মরে ভুলি যেইয়্যে।”

যিশাইয় 49:14 Iomraidhean Croise

গীতসংহিতা 13:1

ও লগেপ্রভু, আর কয়দিন? জনমত্তে কি তুই মরে ভুলিনে থেবে? মঅ মুজুঙোত্তুন্ আর কয়দিন তুই তর্ মুয়োন্ ফিরেই রাগেবে?

গীতসংহিতা 22:1

গোজেনে মর্, গোজেনে মর্, কিত্তে তুই মরে ছাড়ি যেইয়োচ্? মরে রোক্ষ্যে ন-গুরিনে, মর্ চোগো পানিয়ে-ভোজ্যে তবনাগান ন-শুনিনে, কিত্তে তুই দূরোত্ সুরি আগচ্?

গীতসংহিতা 31:22

মুই দোরেইনে কোইয়োঙে, “তঅ মুজুঙোত্তুন্ মুই ফারগ্ ওই যেইয়োং”; মাত্তর্ বল্ পেবাত্তে যেক্কেনে মুই তরে ডাক্কোং সেক্কেনে তুই মর্ কোজোলিগান শুন্যচ্।

যিশাইয় 40:27

ও যাকোব, কিত্তে তুই কোইয়োচ্, ও ইস্রায়েল, কিত্তে তুই এ আবিত্তিগান্ গোজ্যস্, “মঅ পথ্‌তান লগেপ্রভুত্তুন্ লুগেয়্যে রোইয়্যে, মর্ ন্যায়বিচের্ পেবার অধিকার মর্ গোজেনে এলাফেলা গোজ্যে”?

যিশাইয় 49:13

ও আগাজ্‌চান, হুজিয়ে রঅ ছাড়্; ‌‍‍‍ ও পিত্‌থিমীগান, ফুত্তি গর্; ও মুড়ো-মুড়িগুন, দাঙর্ দাঙর্ গুরি হুজিয়ে গান গঅ; কিত্তে লগেপ্রভু তা মানুচ্চুনোরে বুঝেব আর তার অত্যেচার ওইয়্যে মানুচ্চুনো উগুরে মেয়্যে গুরিবো।

যিশাইয় 49:15

সেনত্তে লগেপ্রভু কোইয়্যেদে, মাবো কি তার্ দুধো পুয়োবোরে ভুলি যেই পারে? যে পুয়োবোরে তে জর্ম দিয়্যে তারে কি তে মেয়্যে ন-গুরিবো? এমন্অ ওই পারে, মাবো ভুলি যেই পারে মাত্তর্ মুই কনদিন্অ তরে ভুলি ন-যেম্।।

যিশাইয় 54:6

তুই ছুড়্ কাবোজ্ দিয়্যে আর মনত্ দুঘ্ পেইয়্যে মোগো ধোক্ক্যেন ওইয়োচ্, গাবুজ্যে জিংকানিত্ দূর গুরি দিয়্যে মোগো ধোক্ক্যেন ওইয়োচ্; মাত্তর্ লগেপ্রভু আরঅ তরে ডাক্ক্যে। মুই তর্ গোজেন এ কধাগান কঙর্।

যিরমিয় 23:39

সালে মুই ঘেচ্চেকগুরি মঅ মুজুঙেত্তুন তমারে তুলি নিইনে মেলা মারি দিম আর যে শঅরান্ মুই তমারে আর তমা পুরোণিমানুচ্চুনোরে দুয়োং সেই শঅরানরেয়ো মঅ মুজুঙেত্তুন মেলা মারি দিম।

যিরমিয় 31:3

সে অক্তত্ ইস্রায়েলীয়গুনে কোইয়োন, লগেপ্রভু দূরোত্তুন্ তারারে দেগা দিয়্যে। সেক্কে লগেপ্রভু তারারে কোইয়্যেদে, “অমকদ কোচ্‌‌পানালোই মুই তমারে কোচ্‌‌পেইয়োং; অমকদ কোচ্‌‌পানালোই মুই তমারে কায়কুরে টান্যং।”

আবিলেচ্ 5:20

তুই কি উমরত্তে আমারে ভুলি যেবে? এদক্ দিন ধুরিনে কিত্তে তুই আমারে ছাড়িনে আগচ্?

যিহিষ্কেল 33:10

ও মান্‌জ্যর পুয়োবো‌‌‌‌‌‌‌‌‌‌‌, তুই ইস্রায়েল জাদরে কঅ, তুমি কত্তে তমা ভান্ন্যেয়ানি আর পাপর্ ভারানি তমা উগুরে চাবি দিয়্যে আঘে; সেনত্তেই তুমি ক্ষয় ওই যর্, বাঁজিবার আজা নেই।