যিশাইয় 48:9 - Chakma Bible

⁹ মর্ নিজো সুনাঙত্তেই মঅ রাগ্‌কানরে মুই দোঙেই রাগেয়োং; মরে বাঈনী গুরিবাত্তে মুই সিয়েন মানা গুরি রাগেয়োং যেনে তমারে শেজ্ গুরি ফেলা ন-অয়।

যিশাইয় 48:9 Iomraidhean Croise

গীতসংহিতা 106:8

তো তে তার নাঙান্ রোক্ক্যে গুরিবাত্তে, তার্ খেমতাগান ফগদাঙ্ গুরিবাত্তে তারারে উদ্ধোর্ গুরিলো।

গীতসংহিতা 143:11

ও লগেপ্রভু, তঅ নাঙান্ রোক্ক্যে গুরিবাত্তে মরে নুয়ো গুরি খেমতা দে; তর্ ধার্মিক্কান্দোই দজাত্তুন্ তুই মরে উদ্ধোর গর্।

গীতসংহিতা 25:11

মর্ অন্যেয়র বুধিবো অমকদ বেশ্, সেনত্তে ও লগেপ্রভু, তর্ নাঙান্ রোক্ষ্যে গুরিবাত্তেই মর্ সেই অন্যেয়ানি তুই খেমা গর্।

গীতসংহিতা 78:38

তো তে দোয়্যে-মেয়্যেলোই ভরা বিলিনে তারার অন্যেয়ানি খেমা গুরিলো, তারারে ভস্ত ন-গুরিলো; তা রাগ্‌কান তে বার বার দোঙেই রাগেল, তা বেক্ রাগ্‌কান ফুলি ন-উদিলো।

গীতসংহিতা 79:9

ও আমা উদ্ধোর গুরিয়্যে গোজেন, তর্ বাঈনী গুরিবাত্যে তুই আমারে এজাল্ দে; তর্ সুনাঙ্ রাগেবাত্তে আমারে উদ্ধোর গর্ আর আমা পাপ্পানি খেমা গর্।

গম্ উপদেজ্ 19:11

যে মানুচ্চোর বুদ্ধি আঘে সে বুদ্ধিগানে তারে সহজে রাগ গুরিবাত্তে ন-দে; তা বিরুদ্ধে কনজনে দুষ্ গুরিলে সিয়েন ন-ধরানা তা পক্ষে বাঈনী গরে পারা।

যিশাইয় 30:18

তো লগেপ্রভু তমা উগুরে দোয়্যে গুরিবাত্তে বাজ্জেই আঘে; তমারে মেয়্যে গুরিবাত্তে তে যুক্কোল্ ওই আঘে। লগেপ্রভু ন্যায়বিচেরর্ গোজেন; যিগুনে তাত্তে বাজ্জেই আগন্ তারা বর্ পেইয়্যে।

যিশাইয় 37:35

মুই মত্তে আর মঅ চাগর্ দায়ূদোত্তে এ শঅরান্ ঘিরি রাগেনে সিয়েন রোক্ষ্যে গুরিম।’ ”

যিশাইয় 43:25

“মুই, মুয়ই মর্ নিজোত্তে তঅ অন্যেয়ানি ফুজি ফেলাং; মুই তঅ পাপ্‌‌‌‍পানি আর ইদোত্ ন-তুলিম।‍

যিশাইয় 48:11

মুই যিয়েনি গরং সিয়েনি মর্ নিজোত্তে, বানা মর্ নিজোত্তে গরং। মর্ নিজোর বাঈনী ন গরানাগান্ মুই কেধোক্ক্যেন গুরি অবাত্তে দি পারং? মর্ বাঈনীগান্ মুই অন্যরে পেবাত্তে দি ন-পারং।

যিশাইয় 65:8

লগেপ্রভু কোইয়্যেদে, “আংগুরোর্ থুবোত্ রস আঘে দেগিনে মান্‌জ্যে কন্, ‘বর্‌বাত্ ন-গোজ্য, ইক্কিনেয়ো সিবে ভিদিরে গম্ জিনিস কিজু আঘে,’ সেবাবোত্যে মুই মঅ চাগর বেক্কুনোরে ভস্ত ন-গুরিম।‍‍ ‍

যিরমিয় 14:7

ও লগেপ্রভু, আমা পাপ্পানিয়ে যুনিয়ো আমা বিরুদ্ধে সাক্ষি দে তো তঅ সুনাঙত্তে কিজু গর্। আমি ভালোক্‌বার ভান্ন্যেই পধেদি যেইয়্যেই; আমি তঅ বিরুদ্ধে পাপ গোজ্যেই।‌‌‍

যিহিষ্কেল 20:14

মাত্তর্ মঅ সুনাঙান রোক্ষ্যে গুরিবাত্তে মুই সিয়েন ন-গরং, যেনে যে জাদ্‌‌‌‌‌তুনো মুজুঙোত্ মুই তারারে নিগিলেই আন্যং তারা ইধু মঅ নাঙান্ অসিজি ন-অয়।

যিহিষ্কেল 20:22

মাত্তর্ মঅ আঢ্‌‌তান মুই সোরেই রাগেলুং আর মর্ সুনাঙান রোক্ষ্যে গুরিবাত্তে মুই সিয়েন ন-গরং যেনে যিদুক্কুন্ জাদ মুজুঙোত্ মুই তারারে নিগিলেই আন্যং তারা ইধু মর্ নাঙান অসিজি ন-অয়।

যিহিষ্কেল 20:44

ও ইস্রায়েলীয়গুন, মুই তমার ভান্ন্যেই আচার-বেবহার আর ভান্ন্যেই কাম মজিম্ তমা সমারে বেবহার ন-গুরিম, মাত্তর্ নিজো সুনাঙান্ রোক্ষ্যে গুরিবাত্তে তমা সমারে গম্ বেবহার গুরিম। সেক্কে তুমি হবর্ পেবা যে, মুয়ই লগেপ্রভু।’ মুই প্রভু লগেপ্রভু এ কধাগান কঙর্।”

যিহিষ্কেল 20:9

মাত্তর্ মঅ সুনাঙান্ রোক্ষ্যে গুরিবাত্তে মুই সিয়েন ন-গরং, যেনে তারা যে জাদ্‌‌‌‌তুনো ভিদিরে বজত্তি গোজ্যন তারা ইধু মঅ নাঙান্ অসিজি ন-অয়। মিসর দেজত্তুন্ ইস্রায়েলীয়গুনোরে নিগিলেই আনিনে সেই বেক্ জাদ্‌‌‌‌তুনোর চোগো মুজুঙোত্ মুই ইস্রায়েলীয়গুনো ইধু নিজোরে ফগদাং গুরিলুং।

যিহিষ্কেল 36:21

মর্ নাঙানর্ পবিত্রতাগান্ রোক্ষ্যে গরানা ইন্দি মর্ মনযোগ এলঅ, কিত্যে ইস্রায়েল জাদে যিদুক্কুন্ জাদ ভিদিরে যেইয়্যে সিদু মর্ নাঙান্ অপবিত্র গোজ্যে।

যিহোশূয় 7:9

কনানীয়গুনে আর এ দেজর্‌ অন্য মানুচ্চুনে এ কধানি শুনিবাক্‌ আর তারা আমারে ঘিরিবাক্‌ আহ্‌ দুনিয়ের্‌ বুগোত্তুন আমা নাঙানি বাদ দিবাক্‌। ইয়েনর্ পরেন্দি তুমি কিঙিরিনে তমার সুনাঙানি রোক্ষ্যে গুরিবা?”

১ শমূয়েল 12:22

লগেপ্রভু তার দাঙর্‌ নাঙানত্তে তার মানুচ্চুনোরে কনদিনঅ ছাড়ি ন-যেবঅ, কিত্যে তে নিজোর্ আওজ্‌‌লোই তমারে তার নিজোর মানুচ্‌ ইজেবে নেযেয়্যে।