যিশাইয় 48:5 - Chakma Bible

⁵ সেনত্তে বোউত্ আগেদি মুই তমারে ইয়েনি কোইয়োং আর সিয়েনি ঘুদিবার আগেদি তমা ইদু ফগদাং গোজ্যং, যেনে তুমি কোই ন-পার, আমা মূত্তিগুনে ইয়েনি গোজ্যন্, আমা খোদাই গোজ্যে মূত্তিগুনে আর ছাজিনে ঢাল্যে মূত্তিগুনে ইয়েনি উগুম দুয়োন্।

যিশাইয় 48:5 Iomraidhean Croise

যিশাইয় 43:19

চঅ, মুই এক্কান নুয়ো কাম গুরিবাত্তে যাঙর্। সিয়েন ইক্কিনে আরাম্ভ অবঅ আর সিয়েন তুমি হবর্ পেবা। মুই ধূল্যেচর চাগালা ভিদিরে পথ বানেম আর ধূল্যেচরত্ গাঙ বোজেই দিম।

যিশাইয় 44:7

সালে মঅ ধোক্ক্যেন আর কন্না আঘে? তে সিয়েন ফগদাং গোরোক্। তে ফগদাং গোরোক আর মরে হোক্, মুই আগ দিনো মানুচ্চুনোরে থিদেবর্ গরানার্ পরেদি কি ঘোট্যে আর কি এজঅ সং ন-ঘদে; অয়, যিয়েন ঘুদিবো তে সিয়েন আগে হোক্।

যিশাইয় 44:8

তুমি গির্‌‌‌নগিরেয়ো বা ন-দোরেয়ো। মুই কি ভালোক্ দিন আগে ইয়েনি ফগদাং ন-গরং আর ন-জানাং? তুমি মর্ সাক্ষী; মুই বাদে আর কি কনঅ গোজেন আঘে? না, আর কনঅ আশ্রয়-মুড়ো নেই; মুই আর কনজনরে হবর্ ন-পাং‌।”

যিশাইয় 45:20

ও অন্য জাদর্ বাঁজি থেইয়্যে মানুচ্চুন্, তুমি এক সমারে এগত্তর্ ওইনে এজঅ। যিগুনে গাজ মূত্তি বুয়োইনে বেড়ান্ আর এবাবোত্যে দেবেদা ইদু তবনা গরন্ যে উদ্ধোর গুরি ন-পারে তারা কিচ্চু হবর্ ন-পান।

যিশাইয় 46:10

মুই শেজ্ কাল পৌইদ্যেনে আগে আগে কং আর যিয়েনি এজঅ ন-অয় সিয়েনি আগে জানাং। মুই কোইয়োংগে যে, মঅ উদ্দেশ্যগান থির্ থেবঅ; মর্ বেক আওজ্‌‌চান মুই পুরেম্।

যিশাইয় 48:3

লগেপ্রভু কোইয়্যেদে, যিয়েন ওই যেইয়্যে সিয়েন মুই ভালোক্ দিন আগেদি কোইয়োং; মুই সিয়েন জানেয়োং আর মঅ মুয়োনে সিয়েনি ফগদাং গোজ্যে। সে পরেদি মুই আদিক্ক্যেন্‌গুরি সিয়েন গুরিলুং আর সিয়েনি অলঅ,

লূকে লেখ্যে গম্ হবর্ 1:70

এ কধাগান তার্ পবিত্র ভাববাদীগুনোর্ মুয়োদি তে ভালোক্ দিন কোইয়্যে।

প্রেরিত্‌ 15:18

ভালোক্ দিন আগেত্তুন্ ধুরি ইবে তা মনঅ ভিদিরে এলঅ।”