যিশাইয় 48:4 - Chakma Bible

⁴ কিত্তে তুমি যে কিবাবোত্যে একবুচ্চ্যে সিয়েন মুই হবর্ পেদুং; তমা গত্তনা য়েরানি লুয়ো ধোক্ক্যেন আর কবালান্ পিদোল ধোক্ক্যেন।

যিশাইয় 48:4 Iomraidhean Croise

২ রাজাবলী 17:14

মাত্তর্‌ তারা সে কধানিলোই কান্‌ ন-পাদন্‌। তারার্‌ পূরোণিমানুচ্চুনে যিগুনে তারার্‌ গোজেন্‌ লগেপ্রভুর উগুরে বিশ্বেজ্ নঅ-গুরিদাক্‌, তারা ধোক্ক্যেন তারা একগেয়েমি গুরিদাক্‌।

২ বংশধর 30:8

“তুমি তমা পূরোণি মানুচ্চুনো ধোক্ক্যেন গত্তনাগুন্‌ দর ন-গুরিবা বরং লগেপ্রভুর আঢত্ নিজোরে দি দুয়ো। যে সুদ্ধো-সাংগ ঘরানরে তে উমরত্তে নিজোর্‌ নাঙে যুদো গোজ্যে তুমি সে ঘরানত্‌ এজঅ আর তোমা গোজেন লগেপ্রভুরে সেবা গরগি যেনে তমা উগুরেত্তুন্‌ তার্‌ দর্‌গরেপারা রাগকান্‌ যাইয়োই।

২ বংশধর 36:13

ইয়েনিবাদে রাজা নবূখদ্‌নিৎসর, যিবে গোজেনর নাঙে তারে শমক্‌ খাবেয়্যে, তার্‌ বিরুদ্ধে তে উল্লোমি গুরিলো। তে একগেয়েমি গুরিনে আর নিজো মনান্‌ দর গুরিনে ইস্রায়েলর গোজেন লগেপ্রভুর ইন্দি ন-ফিরিলো।

নহিমিয় 9:28

মাত্তর্‌ যে তারা জিরেন্‌ পেদাক্‌ এম্‌নে আরঅ তারা তঅ চোগেন্দি যিয়েনি ভান্ন্যেই সিয়েনি গুরিদাক্‌। সে পরেন্দি তুই শত্রুগুনোর্‌ আঢত্‌ তারারে ছাড়ি দুয়োচ্‌ যেনে শত্রুগুনে তারার্‌ গিরোজ্‌ ওই পারন্‌। মাত্তর্‌ আরঅ যেক্কে তারা তইদু কানিদাক্‌ সেক্কেনে স্বর্গত্তুন্‌ সিয়েনি শুনিনে তর্‌ দোয়্যেই তুই বার্‌ বার্‌ তারারে উদ্ধোর্‌ গুরিদে।

গীতসংহিতা 75:5

তমা শিঙুন ন-পাত্যেয়ো আর গত্তনা বেঙা গুরিনে কধা ন-কোইয়ো। ”

গীতসংহিতা 78:8

ইয়ন্দোই তারার পুরোণি মানুচ্চুনো ধোক্ক্যেন তারা একবুচ্যে আর উল্লোমি ন-অবাক্; সেই পুরোণি মানুচ্চুনোর মনানি গোজেন উগুরে যোগাজ্যে ন-এলঅ আর মনানিয়ো বিশ্বেজি ন-এলঅ।

যাত্রা 32:9

লগেপ্রভু মোশিরে আরঅ‌ কলঅ‌, “এই বেক্‌ মানুচ্চুনোরে মুই চিনোং। ইগুনে এক বাবোত্যে উল্ল্য জাত্‌।”

যাত্রা 33:3

সিদু দুধ, মধু আর কনঅ‌ কিজুর্‌ চিদে চজ্জা নেই। মাত্তর্‌ তুমি এক্কো একবুচ্চ্যে জাদ্ বিলিনে মুই তমা লগে ন-যেম্‌, গেলে পদথ্‌ মুই তমারে শেজ্ গুরি দিম্‌।”

যাত্রা 33:5

কিত্তে লগেপ্রভু মোশিরে কোইয়্যেদে, “ইস্রায়েলীয়গুনোরে কোইদে, তারা এক্কো একবুচ্চ্যে জাদ্। সেনত্যে যুনি মুই কানক্কন্অ তারা সমারে থাং, সালে মুই‌ তারারে শেজ্ গুরি ফেলেম্‌। তারার কিয়্যেত্‌ সনা-রূবো যেদক্কানি আঘে সিয়েনি ইক্কিনে তারা খুলি ফেলাদোক্‌। সে পরেদি মুই ঠিগ্ গুরিম্‌ তারারে নিইনে মুই কি গুরিম্‌।”

যাত্রা 9:7

ফরৌণে মানুচ্‌ পাধেইনে হবর্‌ নিইনে জানি পারিলো, ইস্রায়েলীয়গুনোর্‌ এক্কো য়েমান্অ ন-মরন্‌। তো ফরৌণ মনান্‌ দরঅ ওই রলঅ; তে মানুচ্চুনোরে যেবাত্তে ন-দিলো।

গম্ উপদেজ্ 29:1

ভালোক্‌‌বার সংশোধনর কধা শুনিনেয়ো যে মানুচ্চো গত্তনাবো দরমর গুরি রাগায় তে যে কনঅ সময়োত ভস্ত ওই যেবঅ; তে আর উদি ন-পারিবো।

যিশাইয় 30:9

এ মানুচ্চুনে উল্লোমী আর মিজে কধা কোইয়্যে; তারা লগেপ্রভুর্ শিক্ষ্যেনি শুনিবাত্তে রাজি নয়।

যিশাইয় 46:12

ও একবুস্যে মনর্ মানুচ্চুন, তুমি যিগুনে মর্ গুজি লনাত্তুন দূরোত্ আগ, মঅ কধাগান শুনো।

যিরমিয় 19:15

“ইস্রায়েলর বেগত্তুন খেমতাবলা লগেপ্রভু কলঅ, ‘শুন, মুই এ শঅরানর আর তা কায়-কুরে আদামানি উগুরে যেদক্কানি দজা ঘোদেবার কধা কোইয়োং মুই সেই বেক্কানি তারা উগুরে ঘোদেম্, কিত্তে তারা গত্তনা দরমর গোজ্যন আর মঅ কধাগান ন-শুনোন।’ ”

যিরমিয় 3:3

ইয়েনত্তে ঝরানরে থামা ওইয়্যে আর বসন্তকালত্ ঝর্‌অ ন-পড়ে। তো তঅ চোগেদি আঘেদে বেশ্যের বেগেয়্যে রিনি চানা; তর্ কনঅ লাজ্ নেই।

যিরমিয় 5:3

ও লগেপ্রভু, তুই কি সত্যগান দেগিবাত্তে ন-চাজ্? তুই তারারে আঘাত্ গুরিলেয়ো তারা পিড়ে ন-পান; তুই তারারে গুড়ি গুরিলেয়ো তারা সংশোধনান্ এলাফেলা গোজ্যন্। তারার মুয়োনি তারা পাত্তরত্তুন্‌অ বেশ্ দর গুরিনে মনান ফিরেদে অস্বিগের্ গোজ্যন।

যিরমিয় 7:26

মাত্তর্ তুমি মঅ কধানি ন-শুনো বা মনযোগ্‌অ ন-দুয়ো। তুমি গত্তনাবো দর গুরিনে তমা পুরোণি মানুচ্চুনোত্তুন্‌অ আরঅ বেশ্ ভান্ন্যেই কাম গোজ্য।

যিহিষ্কেল 2:4

যে মানুচ্চুনো ইধু মুই তরে পাদাঙর্ তারা একবুস্যে আর জেদী। তুই তারা ইধু প্রভু লগেপ্রভুর কধা কবে।

দানিয়েল 5:20

মাত্তর্ যেক্কে তা মনান্ বাড়্‌বো আর অহংকারে দরমর ওই উদিলো সেক্কে তারে তা সিংহাসনত্তুন্ লামেই দিয়্যে অলঅ আর তা সর্মানান নেযা অলঅ।

প্রেরিত্‌ 7:51

ও একবুচ্চ্যে জাদ্! অযিহূদীগুনো ধোক্ক্যেন্ তমার কানানি আর মনানি, আর তুমিয়ো ঠিগ্ তমা পূরোণি মানুচ্চুনো ধোক্ক্যেন্। তুমি আমিযে পবিত্র আত্মাগানরে মানা গুরি থাগঅ।

রোমীয় 2:5

মাত্তর্ তঅ মনান্ দরঅ; তুই দঅ পাপত্তুন্ মনান্ ফিরেবার ন-চাজ্। সেনত্তে যেদিন্ন্যে গোজেনর্ রাগ্‌কান্ ফগদাং পেবঅ সেই দিন্নোত্তে তুই তর্ পাওনা সাজা থুবেই থর্। সেই সময়োত্ গোজেনর্ ন্যায়বিচের্ ফগদাং পেবঅ।

দ্বি’লম্বর বিররণ 10:16

সেনত্যে তুমি তমার্‌ মনানরে তনা গরঅ; একগেঁয়েমি ওইনে আর ন-থেইয়ো।

দ্বি’লম্বর বিররণ 31:27

তুমি যে কেধোক্ক্যেন একবুস্যে আর উল্লোমি সিয়েন মর্‌ জানা আঘে। মুই তমা সমারে বাঁজি থাগদে যেক্কে তুমি লগেপ্রভুর বিরুদ্ধে উল্লোমি গোজ্য সেক্কে মুই মুরি যানার পরেন্দি আরঅ কত্তমান্‌ সিয়েন গুরিবা।

ইব্রীয় 3:13

ইয়েনত্তুন্ যেদকদিন পবিত্র বোইবোর্ “এচ্চ্যে” কধাগান কুয়ো যায়, সিয়েনর পত্তি দিন তুমি একজন আরেকজনরে উচ্চোমি দুয়ো, যেনে তমার্ কারঅ মন পাপর্ ছলনাত পড়িনে আগাত্যে ন-অয়;