যিশাইয় 48:21 - Chakma Bible

²¹ যেক্কেনে তে ধূল্যেচর ভিদিরেদি তারারে নেযার্ সেক্কেনে তারা পানি তিরেজে দুঘ্ ন-পান, কিত্তে তে পাত্তরত্তুন্ তারাত্তে পানি নাল্ দিয়্যে; তে পাত্তর ফাদি দিয়্যে আর সিবেত্তুন্ পানিগান নিগিলি এচ্চ্যে।

যিশাইয় 48:21 Iomraidhean Croise

নহিমিয় 9:15

পেট্‌পরা বুগ্‌মারেবাত্তে তুই স্বর্গত্তুন্‌ তারারে হানা দুয়োচ্‌ আর পানিতিরেজ্ মারেবাত্তে পাত্তরত্তুন্‌ পানি নিগিলেই দুয়োজ্‌। যে দেজ্‌ছান দিবাত্তে তুই শমক্‌ খেইয়োজ্‌ সিদু যেইনে সিয়েন্‌ অধিকার্‌ গুরিবাত্তে তুই তারারে উগুম্‌ দুয়োজ্‌।

নহিমিয় 9:20

তুই তারারে শিক্ষ্যে দিবাত্তে তর্‌ মংগলময় আত্মাবোরে দান গোজ্যস্‌। তারার্‌ হানা-দানাত্তে তুই যে মান্না দুয়োচ্‌ সিয়েনি বন্ধ গুরি ন-দুয়োচ্‌; তুই তারারে পানিতিরেজ্ কাদেবাত্তে পানি দুয়োচ্‌।

গীতসংহিতা 105:41

তে পাত্তর্ খুলি দিলো, সেক্কে পানি নিগিলি এলঅ; শুগুনো জাগা ভিদিরেন্দি সিয়েনে গাঙ ধোক্ক্যেন বেঈ গেলঅ।

গীতসংহিতা 74:15

তুই পয়নালা আর চিগোন ছড়াগানির পথ্‌‌‌তানি খুলি দুয়োচ্; ভালোক্ দিনোর বেই যেইয়্যে গাঙানি তুয়ই শুগেই ফেলেয়োচ্।

গীতসংহিতা 78:15

ধূল্যেচর-চাগালাত্ শীল্ ফাদিনে মাদি তলেত্তুন্ তে তারারে বোউত্ হেবার পানি দিলো।

গীতসংহিতা 78:16

মুড়ো ধোক্ক্যেন শিলোত্তুন্ তে পানি গঙার নিগিলেই আনিলো; সেই পানিগান তে ছড়া ধোক্ক্যেন বুয়োই দিলো।

গীতসংহিতা 78:20

তে শিল্লোত্ আঘাত গুরিলো আর সিয়োত্তুন ঠেলা মাজ্যে পানি গঙার্ নিগিলি এলঅ; সিয়েন গরে বিলিনে কি তে আমারে রুটি দি পারিবো? তে কি তা মানুচ্চুনোত্যে য়েরা যুক্কোল্ গুরি পারিবো?”

যাত্রা 17:6

সে পরেদি মুই হোরেব মুড়োবোর্‌ ইদু তঅ মুজুঙোত্‌ এক্কো পাত্তর উগুরে যেইনে ঠিয়েম্‌। তুই সেই পাত্তর্‌বোত্‌ আঘাত্‌ গুরিবে আর সেক্কে মানুচ্চুনে হেবাত্তে সিয়োত্তুন্‌ পানি নিগিলি এবঅ‌।” ইস্রায়েলীয় বুড়ো নেতাগুনো মুজুঙোত্‌ মোশি সিয়েনোই গুরিলো।

যিশাইয় 30:25

সেই দযার্ দিনোত্ যেক্কে ভালোক্ জনরে মারে ফেলা অবঅ আর ঘরানি ভাঙি পড়িবো সেক্কে বেক্ মুড়ো-মুড়িগুনো উগুরেদি বেইনে পানি গঙারান্ বেঈ যেবঅ।

যিশাইয় 49:10

তারার পেট্ ন-পুরিবো, পানি তিরেস্অ ন-পেবঅ বা ধূল্যেচরর গরম বা বেলানর রোদে তারারে আঘাত গুরি ন-গুরিবো। তারা উগুরে যিবের্ মেয়্যে আঘে তেয়ই তারারে পথ্‌তান দেগেব আর পানির পয়নালা ইদু নেযেব।

যিরমিয় 31:9

তারা কানি কানি এবাক্; মুই যেক্কে তারারে ফিরেই আনিম সেক্কে তারা তবনা গুরি গুরি এবাক্। সং পধেদি মুই পানি গঙার ইন্দি তারারে আনিম; সিয়েনত্ তারা উজোত্ ন-হেবাক্, কিত্তে মুই ইস্রায়েলর, অত্তাৎ ইফ্রয়িমর বাপ্ আর তে মর্ পোইল্যা পুয়োবো।

গণাণা 20:11

এই কধাগান্‌ কোইনে মোশি আত্‌ তুলিনে তার্‌ লুদিক্কোলোই সেই পাত্তর্‌বোরে দ্বিবার্‌ বারি দিলো; সেক্কে সিয়োত্তুন্‌ জোরে বোউত্‌ পানি নিগিলি এজা ধুরিলো আর ইস্রায়েলীয়গুনে আর তারার্‌ য়েমানপালুনে সিয়েন্‌ খেলাক।