যিশাইয় 48:2 - Chakma Bible

² তুমি দঅ নিজোরে সুদ্ধো-সাংগ শঅরর্ আদাম্মে বিলি কোই থাগঅ আর ইস্রায়েলর গোজেন উগুরে বিশ্বেজ্ গরঅ, যিবের নাঙান বেগত্তুন্ খেমতাবলা লগেপ্রভু।

যিশাইয় 48:2 Iomraidhean Croise

নহিমিয় 11:1

মানুচ্চুনোর নেতাগুনে যিরূশালেমত্‌ বজত্তি গুরিদাক্‌। বাদবাগি মানুচ্চুনে চাম্বা চেলাক্‌ যেনে তারা ভিদিরে পত্তি দশজনে একজন পবিত্র শঅর্‌ যিরূশালেমত্‌ বজত্তি গুরি পারন্‌, আর বাদবাগি নয়জনে তারার্‌ নিজোর নিজোর্‌ আদামত্‌ থেবাক্‌।

নহিমিয় 11:18

পবিত্র শঅরর্‌ লেবীয়গুনে বেক্কুনে অলাক্‌ দ্বিশঅ চুরোশি জন।

গীতসংহিতা 48:1

আমা গোজেনর শঅরত্, তার সুদ্ধো-সাংগ মুড়োবোত্, লগেপ্রভু দাঙর্ আর বেগত্তুন বেশ্ নাঙ্ গিনিবার।

গীতসংহিতা 87:3

ও গোজেনর শঅরান্, তঅ পৌইদ্যেনে বোউত্ বাঈনীর্ কধা কুয়ো ওইয়্যে।

যিশাইয় 10:20

সেদিন্যে ইস্রায়েলর বাঁজি থেইয়্যে মানুচ্চুন্, অত্তাৎ যাকোব বংশর বাদ-বাগি মানুচ্চুন্ তারারে আঘাত্ গুরিয়্যেগুনো উগুরে আর্ বিশ্বেজ্ ন-গুরিবাক্, মাত্তর্ লগেপ্রভু উগুরে, ইস্রায়েলর সেই পবিত্র মানুচ্চো উগুরে ঘেচ্চেক্‌গুরি বিশ্বেজ্ গুরিবাক্।

যিশাইয় 47:4

আমা উদ্ধোরগুরিয়্যে অলঅ ইস্রায়েলর সেই সুদ্ধো-সাংগ মানুচ্চো; তা নাঙান বেগত্তুন্ খেমতাবলা লগেপ্রভু গোজেন।

যিশাইয় 51:13

তমারে যিবে বানেয়্যে তারে কিত্তে তুমি ভুলি যেইয়ো? তে দঅ আগাজ্‌চানরে বিজেই দিয়্যে আর পিত্‌থিমীর গড়াগান গাড়েয়্যে। যে অত্যেচারিবো ভস্ত গুরিবাত্তে লাগি আঘে তার দর্‌গরেপারা রাগ্‌‍‍কানত্তে কিত্তে তুমি পত্তিদিন যে কনঅ সময় দোরে দোরেই বজত্তি গরর্? সেই অত্যেচারি দর্‌গরেপারা রাগ্‌‍‌কান কিচ্চু নয়। ‍‍

যিশাইয় 51:15

মুয়ই লগেপ্রভু, তমা গোজেন। মুই সাগরানরে লাড়িলে তার তুবোলানিয়ে গুজুরি উদে। মঅ নাঙান বেগত্তুন্ খেমতাবলা লগেপ্রভু।

যিশাইয় 52:1

ও সিয়োনান্, উঠ্, উঠ্, তঅ খেমতাগান ফগদাং গর্। ও সুদ্ধো-সাংগ শঅর্ যিরূশালেম, তর্ জোগ্‌জোগ্যে কাবড়ানি উর্। সুন্নত ন-গোজ্যে আর অসিজি মান্‌জ্যে তঅ ভিদিরে আর্ সোমেই ন-পারিবাক্।‍‍

যিরমিয় 10:16

যিবে যাকোবর্ পাওনার ভাগ্ তে ইগুনো ধোক্ক্যেন নয়, কিত্তে তে বেক্ জিনিস্‌‍‍চানি বানেয়্যে আর ইস্রায়েলে তার বিশেষ সোম্বোত্তি। তা নাঙান বেগত্তুন খেমতাবলা লগেপ্রভু।

যিরমিয় 21:2

“বাবিলর রাজা নবূখদ্‌নিৎসরে আমা লগে যুদ্ধো গরের্; সেনত্তে তুই আমাত্তে লগেপ্রভু ইধু কোজোলী গর্ যেনে তে আমা ইত্তুন্ ফিরি যায়। অয়ত লগেপ্রভু আমাত্তে আগঅ ধোক্ক্যেন আমক্ অইদ্যে কাম্ গুরিবো।”

যিরমিয় 44:26

মাত্তর্ মিসরত্ বজত্তি গুরিয়্যে বেক্ যিহূদীগুন, তুমি লগেপ্রভুর কধানি শুনো। লগেপ্রভু কোইয়্যেদে, ‘মুই মঅ নাঙে শমক্ হেইনে কঙর্, মিসরর্ যে কনঅ জাগাত্ বজত্তি গুরিয়্যে যিহূদার কনঅ মানুচ্ মঅ নাঙে শমক্ হেইনে ন-হবাক্, জেদা লগেপ্রভুর নাঙে কঙর্।

দানিয়েল 9:24

তর্ মানুচ্চুনোত্তে আর তর্ সুদ্ধো-সাংগ শঅরত্তে সত্তুর্ গুণ সাত বজর ঠিগ্ গরা ওইয়্যে। সেই সময়ো ভিদিরে ভান্ন্যেয়ানি বন্ধ গরা অবঅ, অন্যেয়র্ থুম্ অবঅ, পাপ নাঢি দিয়্যে অবঅ, উমরত্যে ন্যায্যতা থিদেবর্ গরা অবঅ, দর্শন আর আগাম্ বাণী পূরোণ গরা অবঅ আর দাঙর্ সুদ্ধো-সাংগ জাগানরে অভিষেগ্ গরা অবঅ।

মীখা 3:11

সিদুগোর্ নেতাগুনে ঘুষ হেইনে বিচের্ গরন, ধর্মগুরুগুনে বেতন নিইনে শিক্ষ্যে দৈন্ আর ভাববাদীগুনে টেঙা নিইনে ভাগ্যগান গণান্। আর তো তারা লগেপ্রভুর সাহায্যর্ আজা গুরিনে কন্, “লগেপ্রভু কি আমা ভিদিরে নেই? আমা উগুরে কনঅ দযা ন-এবঅ।”

মথি লেখ্যে গম্ হবর্ 27:53

তারা গোরত্তুন্ নিগিলি এলাক্ আর যীশু মরণত্তুন্ জেদা ওই উদোনার্ পরেদি পবিত্র শঅর ভিদিরে গেলঅ। তারা সিদু ভালোক্ জনরে দেগা দিলাক্।

মথি লেখ্যে গম্ হবর্ 4:5

সেক্কে শদান্নো যীশুরে পবিত্র শঅর্ যিরূশালেমত্ নেযেল আর উবোসনা-ঘর মাঢা উগুরে তারে থিয়্যেই রাগেইনে কলঅ,

রোমীয় 2:17

তুই নিজোরে যিহূদী কোই থাচ্, নয়-নে? তুই মোশির রীদি-সুদোম উগুরে বিশ্বেজ্ গরচ্ আর নিজে গোজেনর্ মানুচ্‌ বিলিনে দেমাগ্ দেগেই থাচ্।

ফগদাং পেইয়্যে 11:2

মাত্তর্ উবোসনা-ঘরর্ বারেদি যে উদোনান্ আঘে সিয়েন বাদ দিচ্‌, ন-মাবিচ্; কিয়া সিয়েন অযিহূদীগুনোরে দিয়্যে ওইয়্যে। তারা বিয়াল্লিশ্ মাস সং পবিত্র শঅরান টেঙোই উরিবাক্।

ফগদাং পেইয়্যে 21:2

যেরেদি মুই সেই পবিত্র শঅরানরে, অত্তাৎ নুয়ো যিরূশালেমানরে স্বর্গ ভিদিরেত্তুন্ আর গোজেন ইত্তুন লামি এত্তে দেগিলুং। বৌরে যেধোক্ক্যেন গুরি তা জামেইবোত্যে সাজা অয়, এই শঅরানরেয়ো ঠিগ্ সেধোক্ক্যেন গুরি সাজা ওইয়্যে।

ফগদাং পেইয়্যে 22:19

আর এ বোইবোর্ বেক কধানি, অত্তাৎ গোজেনর্ কধাত্তুন্ যুনি কেঅ কিজু বাদ্ দে সালে গোজেনেয়ো এ বোইবোত্ লেখ্যে জিংকানি-গাজ্ আর পবিত্র শঅরর্ অধিকার তা জিংকানিত্তুন্ বাদ্ দিবো।

বিচের গুরিয়্যেগুন 17:13

মীখা কলদে, “এক্কো লেবীয় যেক্কে মর্‌ ধর্মগুরু ওইয়্যে সেক্কে মুই হবর্‌ পাংগে, লগেপ্রভু মরে ভালেদি গুরিবো।”