যিশাইয় 48:1 - Chakma Bible

¹ ও যাকোবর্ বংশ, তুমি শুনো। তমারে দঅ ইস্রায়েল নাঙে ডাগা অয়, তুমি যিহূদার বংশত্তুন্ এচ্চ্য, তুমি লগেপ্রভুর নাঙে শমক্ খঅ আর ইস্রায়েলর গোজেন ইদু তবনা গুরি থাগঅ, মাত্তর্ সত্য বা গমেডালে সিয়েনি ন-গরঅ।

যিশাইয় 48:1 Iomraidhean Croise

পত্থম 32:28

মানুচ্চো কলঅ, “তুই গোজেন আর মান্‌জ্য লগে যুদ্ধো গুরিনে জিত্যস্ বিলিনে তঅ নাঙান আর্ যাকোব ন-থেবঅ, তঅ নাঙান অবঅ ইস্রায়েল (যিয়েনর্ ভেদ্‌তান্ ‘যিবে গোজেন লগে যুদ্ধো গরে’)।”

২ রাজাবলী 17:34

এচ্ছে সং তারা সে সুদোমানি মানি চলদন্‌। তারা আজলে লগেপ্রভুরে তবনা ন-গরন্‌, কিত্তে লগেপ্রভু যে যাকোব নাঙান্‌ ইস্রায়েল রাগেয়্যে সে যাকোব পুয়োগুনো ইদু লগেপ্রভুর দিয়্যে সুদোম, হুকুম, আইন আর উগুমানি তারা মানি ন-চলন্‌।

গীতসংহিতা 63:11

মাত্তর্ রাজা গোজেনরে লোইনে ফুত্তি গুরিবো; যিগুনে গোজেনর নাঙে শমক্ খান তারা বেক্কুনে তাল্লোই বার্‌বো গুরিবাক্; মাত্তর্ মিজেকধা কোইয়্যেগুনোর মুয়োনি বানি দিয়্যে অবঅ।

গীতসংহিতা 66:3

গোজেনরে কঅ, “তর্ কাম দেগিনে মনত্ কত্তমান দর্ আর ভোক্তি জাগে। তর্ দাঙর খেমতার মুজুঙোত্ তর্ শত্রুগুনে মাঢা লোঙেবার্ ভান গুরিবাক্।

গীতসংহিতা 68:26

তমার বেক তেম্মাঙুনোত্ গোজেনরে বাঈনী গরঅ; তুমি যিগুনে ইস্রায়েল-বংশর মানুচ্, তুমি লগেপ্রভুর বাঈনী গরঅ।

গীতসংহিতা 68:27

বেক্কুনোত্তুন্ চিগোন যে বিন্যামীন, উইয়ো যাদন্দে তার্ বংশবো, যিগুনোর আঢত্ রাজলুদিক্কো আঘে; উইয়োবু যিহূদার নেতাগুনে, যিগুনে দল দরমর; উইয়োবু সবূলূনোর নেতাগুন আর উই যাদন নপ্তালির নেতাগুনে।

যাত্রা 23:13

মুই তমারে যেদক্কানি উগুম্‌ দিলুং সিয়েনি বেক্কানি হামাক্কায়্‌ পালেবা। কনঅ‌ দেবেদার নাঙ্‌ মুয়োত্‌ ন-আনিবা, সিয়েনি যেনে তমা মুয়োত্তুন্‌ শুনো ন-যায়।

গম্ উপদেজ্ 5:16

তর্ নিজো পয়নালাবোর্ পানিগান কিত্তে বারেদি পুরিবো? তর্ নালা পানিগান কিত্তে পদথ্ পুরিবো?

যিশাইয় 26:13

ও লগেপ্রভু, আমা গোজেন্, তুই বাদে অন্য প্রভুগুনেয়ো আমা উগুরে সদ্দার্ ওইয়োন্, মাত্তর্ বানা তরে আমি স্বিগের্ গুরিই।

যিশাইয় 44:5

একজনে কবঅ, তে লগেপ্রভুর্; আর একজনে যাকোব নাঙে নিজোর্ পরিচয়ান্ দিবো; অন্য আর একজনে নিজো আঢ উগুরে লিগিবো, তে লগেপ্রভুর্, আর তে ইস্রায়েল নাঙান্ মানি লবঅ।’ ”

যিশাইয় 45:23

মুই নিজো নাঙে শমক্ গোজ্যং, মর্ ন্যায্যতালোই মুই এ কধাগান কোইয়োং, আর সিয়েন বাদ্ ন-যেবঅ। সে কধাগান অলঅ, মঅ মুজুঙোত্ বেক্কুনে আঢু পাদিবাক্ আর মর্ অধীনতাগান স্বিগের্ গুরিবাক্।

যিশাইয় 46:12

ও একবুস্যে মনর্ মানুচ্চুন, তুমি যিগুনে মর্ গুজি লনাত্তুন দূরোত্ আগ, মঅ কধাগান শুনো।

যিশাইয় 51:1

লগেপ্রভু কত্তে, তুমি যিগুনে গমেডালে চলিবাত্তে চঅ আর মঅ আওজ্‌মজিম চলিবার চেট্ট্যা গরর্, তুমি শুনো। যে পাত্তর্‌বোত্তুন্ তমারে কাবি নেযা ওইয়্যে আর যে গাদ্‌তোত্তুন্ তমারে খুড়িনে তুলো ওইয়্যে সিবে ইন্দি রিনি চঅ।‍‌‌‍‌‍‌‌‍‌‍‌

যিশাইয় 51:2

তমা বাব্‌পো অব্রাহাম আর তমারে যে জর্ম দিয়্যে সেই সারা ইন্দি রিনি চঅ। মুই যেক্কেনে তারে ডাক্যং সেক্কে তে অলদে একজন, আর মুই তারে বর্ দিইনে জনেদি ভালোক্কুন্ গুরিলুং।

যিশাইয় 58:2

তারারে দেগিলে মনে অয় দিনকে দিন যেন তারা মঅ আওজ্ মজিম চলদন্ আর মঅ পথ্‌তান জানিবাত্তে তারার আওজ্ আঘে; তারা যেন এমন এক্কো জাদ্ যিগুনে ঠিগ্ কাম গরন্ আর তারার গোজেন উগুমান্ ন-ছাড়ন্; তারা যেন মইদু ন্যায় বিচের পৌইদ্যেনে জানিবাত্তে চান্ আর যেন গোজেন ইদু এবাত্তে আওজি।‌

যিশাইয় 62:8

লগেপ্রভু তার ডেন্ আঢ্, তার খেমতাবলা আঢ্‌তানিলোই শমক্ হেইনে কোইয়্যেদে, “মুই আর কনদিন্অ তর্ শোজ্যগানি হানা ইজেবে শত্রুগুনোরে ন-দিম্ আর যে আংগুর-রস্‌‌‌‌চানিত্তে তুমি কাম্ গোজ্য সিয়েনি বিদেশীগুনে আর কনদিন্অ ন-হেবাক্।

যিশাইয় 64:6

আমি বেক্কুনে অসিজি মান্‌‌জ্য ধোক্ক্যেন ওইয়্যেই আর আমা বেক্ গম্ কামানি কজরা কাবড় ধোক্ক্যেন। আমি বেক্কুনে পাদা ধোক্ক্যেন শুগেই যেইয়্যেই, আমা পাপ‌্পানিয়ে বোইয়্যের ধোক্ক্যেন গুরি আমারে উড়েই নেযেয়্যে।‌

যিশাইয় 65:16

দেজ ভিদিরে যে কনঅ মান্‌জ্যে বর্ পেবাত্তে চেবঅ তে সত্যময় গোজেন ইদু সিয়েন চেবঅ; দেজঅ ভিদিরে যে কনজনে শমক্ হেবাক্ তে সত্যময় গোজেন নাঙে সিয়েন গুরিবো; কিত্তে মানুচ্চুনে আগ দুঘ্‌‍‍কানি ভুলি যেবাক্ আর মঅ চোগো মুজুঙোত্তুন্ সিয়েনি লুগেই তুয়ো অবঅ।

যিরমিয় 4:2

যুনি তুই সত্যলোই, ন্যায়লোই আর সততালোই ‘জেদা লগেপ্রভুর নাঙে’ শমক্ খাচ্, সালে মুই অন্য জাদ্‌তুনোরে বর্ দিম্ আর তারা মরে নিইনে বাঈনী গুরিবাক্।”‌‍‌

যিরমিয় 44:26

মাত্তর্ মিসরত্ বজত্তি গুরিয়্যে বেক্ যিহূদীগুন, তুমি লগেপ্রভুর কধানি শুনো। লগেপ্রভু কোইয়্যেদে, ‘মুই মঅ নাঙে শমক্ হেইনে কঙর্, মিসরর্ যে কনঅ জাগাত্ বজত্তি গুরিয়্যে যিহূদার কনঅ মানুচ্ মঅ নাঙে শমক্ হেইনে ন-হবাক্, জেদা লগেপ্রভুর নাঙে কঙর্।

যিরমিয় 5:2

যুনিয়ো তারা হবর্ কন, ‘জেদা লগেপ্রভুর নাঙে,’ তো তারা মিজে গুরিনে শমক্ হান্।”

লেবীয় 19:12

মর্‌ নাঙে মিজে শমক্‌ হেইনে তমার গোজেনর্‌‌ নাঙানর্‌ পবিত্রতাগান্‌ বর্‌বাদ্ ন-গুরিবা। মুই লগেপ্রভু।

মীখা 2:7

ও যাকোবর বংশ, তমার্ এ কধাগান কনা উজিত্ নয়, “লগেপ্রভুর আত্মাগান অধৈয্য ন-অয়; তে এ কামানি ন-গরে।” লগেপ্রভু কত্তে, “যিগুনে ন্যায় পধেদি চলন্ বানা তারা উগুরে মঅ কধানিয়ে ভালেদি আনে।

সফনিয় 1:5

যিগুনে আগাজর্ বেক তারাগুনোরে পূজো গুরিবাত্তে ছালঅ উগুরে উদিনে জু জু গরন্ আর যিগুনে লগেপ্রভুর নাঙে জু জু গুরিনে শমক্ গরানার্ পরেদি মিল্‌কম দেবেদার নাঙেও শমক্ গরন তারারে মুই ভস্ত গুরি ফেলেম।

সখরিয় 5:3

তে মরে কলঅ, “ইয়েন অলঅ সেই অভিশাব্‌পান্ যিয়েন বেক্ দেজ্‌‌‌‌‌চানিত্ ফগদাং অবঅ। তার এক কিত্তেদি লেগা মজিম্ বেক্ চুরুনোরে দূর্ গুরি দিয়্যে অবঅ আর অন্য কিত্তেদি কধা মজিম মিজে শমক্ হেইয়্যেগুনোরেয়ো দূর্ গুরি দিয়্যে অবঅ।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

গণাণা 24:7

বুয়োদে গুয়োড় কুমোত্তুন্‌ পানি উগুরি পরিবো, তারার্‌ বিঝিগুনে বোউত্‌ পানি পেবাক্। তারার্‌ রাজাবো অবঅ অগাগরত্তুন্‌ বেশ্‌ দাঙর্‌, তারার্‌ রেজ্যগান্‌ মহিমায় বোউত্‌ অজলত্ থেবঅ।

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

যোহন 1:47

যীশু নথনেলরে নিজো ইন্দি এত্তে দেগিনে তা পৌইদ্যেনে কলঅ, “উইয়ো চাহ্, এক্কো আঝল্ ইস্রায়েলীয়। তা মনত্ কনঅ ছলনা নেই।”

যোহন 4:24

গোজেনে আত্মা; যিগুনে তার্ উবোসনা গরন্, আত্মায় আর সত্যলোই তারার্ সে উবোসনা গরা পুরিবো।”

রোমীয় 2:17

তুই নিজোরে যিহূদী কোই থাচ্, নয়-নে? তুই মোশির রীদি-সুদোম উগুরে বিশ্বেজ্ গরচ্ আর নিজে গোজেনর্ মানুচ্‌ বিলিনে দেমাগ্ দেগেই থাচ্।

রোমীয় 9:6

গোজেন কধানি যে মিজে ওই যেইয়্যে সিয়েন নয়, কিয়া যিগুনে ইস্রায়েল জাদ ইধু জোর্মেয়োন তারা বেক্কুনে ঘেচ্চেকগুরি ইস্রায়েল নয়।

রোমীয় 9:8

ইয়েনর্ অত্তগান্ অলঅ, ইস্রায়েল জাদঅ ভিদিরে জর্ম ওইয়্যে বিলি কেঅ যে গোজেনর্ পুয়ো সিয়েন্ নয়, মাত্তর্ গোজেনর্ এগেম্ মজিম যিগুনোর্ জর্ম ওইয়্যে তারারে অব্রাহাম গুট্টির্ বিলিনে ধরা অবঅ।

দ্বি’লম্বর বিররণ 10:20

তুমি তমার্‌ গোজেন লগেপ্রভুরে ভোক্তি গুরিবা আর তারে সেবা গুরিবা; তারেই আজাবোদে ধুরি থেবা আর তার্‌ নাঙেই শমক্‌ গুরিবা।

দ্বি’লম্বর বিররণ 33:28

ইস্রায়েলে সিয়েনত্যেই গমেডালে থেবঅ। যাকোবর থান্‌জাঙান্‌ থেবঅ দজাগানর্-দুযির্‌ বারেন্দি; সিয়েনত্‌ থেবঅ ভালোক্কুন্‌ শোজ্য আর নুয়ো আংগুরো-রস, তা উগুরে আগাজর শিরোপানি ঝুরি পুরিবো।

দ্বি’লম্বর বিররণ 5:28

মঅ সমারে যেক্কে তুমি কধা কোইয়ো সেক্কে লগেপ্রভু তমা কধানি শুন্যে আর মরে কোইয়্যেদে, এই মানুচ্চুনে তরে যিয়েনি কোইয়োন সিয়েনি মুই শুন্যং। তারা যিয়েনি কোইয়োন্‌ সিয়েনি দোল্‌ কধা।

দ্বি’লম্বর বিররণ 6:13

তমার গোজেন লগেপ্রভুরে তুমি ভোক্তি গুরিবা, বানা তারেই সেবা গুরিবা আর তার্‌ নাঙেই শমক্‌ গুরিবা।

১ তীমথিয় 4:2

বিবেক বাজে ওই যেয়্যে এমন বেক্ মিজে মাদিয়্যে মানুচ্চুনোর ভন্ডামিত্যে এবাবোত্যে অবঅ।

ফগদাং পেইয়্যে 2:9

তর্ দুঘ্ আর রাদ কালর্ কধা মুই কোই পারং, মাত্তর্ তো তুই থাগোইয়্যে। নিজোরে যিহূদী কলেয়ো যিগুনে যিহূদী নয় বরং শদানর্ দলর মানুচ্‌, তারা তঅ বিরুদ্ধে যিয়েনি কন্ সিয়েনি মুই হবর্ পাং।

ফগদাং পেইয়্যে 3:9

যিগুনে নিজোরে যিহূদী কন্ অদচ যিহূদী নয়, শদানর্ দলর সেই মিজেমাদিয়্যে মানুচ্চুনোরে মুই তইধু আনিম আর তঅ টেঙত্ তলে সালাম গোরেম, আর তারারে জানেই দিম যে, মুই তরে কোচ্‌পাং।