যিশাইয় 46:6 - Chakma Bible

⁶ কেউ কেউ তারার থৈল্যেত্তুন্ সনা ঢাল আর পাল্লালোই রূবো মাবন্। সিয়েনিলোই তারা দেবেদা বানেবাত্তে সনা বান্যেগুনোরে দুয়োন; পরেদি তারা সেই দেবেদাগুনোরে জু জু জানান্ আর পূজো গরন।

যিশাইয় 46:6 Iomraidhean Croise

১ রাজাবলী 12:28

রাজা যারবিয়ামে সেক্কে সুল্লুক্‌ গুরিনে দ্বিবে সোনার্‌ গোরু ছঅ বানেল। সে পরেন্দি তে মানুচ্চুনোরে কলদে, “যিরূশালেমত্‌ যানা তমাত্তে অমকদ দুগোর্‌ কধা। ও ইস্রায়েল, ইগুনে তমার্‌ দেবেদা, ইগুনে মিসর দেজত্তুন্‌ তমারে নিগিলেই আন্যন্‌।”

গীতসংহিতা 115:7

তারার আত্ আঘে মাত্তর্ ধুরি ন-পারন্, টেঙ্ আঘে মাত্তর্ আহ্‌দি ন-পারন্, মুয়োন্দি কনঅ রঅয়ো নিগিলেই ন-পারন্।

যাত্রা 32:8

এ ভিদিরে তারা মর্‌ উগুমোত্তুন্‌ দূরোত্‌ সুরি যেইয়োন্। তারা নিজোত্তেই গোরু ছঅ ধোক্ক্যেন এক্কো মূত্তি বানেয়োন। তারা মাদিত্‌ পুরিনে সিবেরে পূজো গোজ্যন্‌ আর সিবের্‌ নাঙে য়েমান্‌-উৎসর্ব গুরিনে কোইয়োন, ভেইলক্‌, ইবে ভিদিরে আগন্‌ তমা দেব-দেবেদাগুন্‌। এই দেব-দেবেদাগুনে মিসর্‌ দেজত্তুন্‌ তমারে নিগিলেই আন্যন্‌।

যিশাইয় 2:8

ইয়েনি বাদেয়ো তারা দেজ্‌ছান মুত্তিলোই ভরা। তারা আঢ্‌তোই বানেয়্যে জিনিজো ইদু তারা জু জু গরন্, তারা যিয়েনি আঙুল্লোই বানেয়োন সিয়েনি ইদু মাঢাবো নিগিরোন্।

যিশাইয় 30:22

সেক্কে তুমি তমার্ রূবো আর সোনালোই বেড়েয়্যে মূত্তিগুন্ অসিজি গুরিবা; তুমি সিগুনোরে কজরা কাবড় ধোক্ক্যেন ফেলেই দিইনে কবাদে, “দূর্ অ, দূর্ অ!” ‍

যিশাইয় 45:20

ও অন্য জাদর্ বাঁজি থেইয়্যে মানুচ্চুন্, তুমি এক সমারে এগত্তর্ ওইনে এজঅ। যিগুনে গাজ মূত্তি বুয়োইনে বেড়ান্ আর এবাবোত্যে দেবেদা ইদু তবনা গরন্ যে উদ্ধোর গুরি ন-পারে তারা কিচ্চু হবর্ ন-পান।

যিরমিয় 10:14

বেক্ মানুচ্চুন জ্ঞান নেইয়্যে আর ভুল্; পত্তি সনাবান্যে তা মূত্তিগুনোত্তে লাজ্ পায়। তার ছাজনিলোই ঢাল্যে মূত্তিগুন মিজে, সিগুনো ভিদিরে নিজেস্ নেই।

যিরমিয় 10:9

তর্শীশত্তুন্ পিদেয়্যে রূবো আর ঊফসত্তুন সোনা আনা অয়। কালিগর আর বান্যেগুনে সিয়েনিলোই মূত্তিগুন বেড়েই থন্ । সিগুনোরে য়েল্ আর বিগুনি রঙ কাবড় উরো অয়; সিয়েন কাবিল্ কালিগর আঢ্‌তোই বানেয়্যে।‌‍‌‍‍

যিরমিয় 50:38

হরানে তার বেক্ পানিগান শুগেই যেবঅ, কিত্তে সিয়েন অলঅ মূত্তিগুনোর দেজ্, আর সেই দর্‌গরেপারা মূত্তিগুন সিদুগো মানুচ্চুনোরে পাগল গুরিবাক্।

দানিয়েল 3:1

রাজা নবূখদ্‌নিৎসরে ষায়েট আত্ অজল্ আর ছয় আত্ দাদঅ এক্কো সোনার মূত্তি বানেইনে বাবিল রেজ্যর্ দূরা কলগত্ রাগেল।

হোশেয় 13:2

ইক্কিনে তা মানুচ্চুনে আরঅ বেশ্ গুরি পাপ গোজ্যন্; তারার্ রূবোগানিলোই তারা নিজোত্তে কাবিল আঢ্‌‌তোই বানেয়্যে মূত্তি, অত্তাৎ কাবিল্ আত্‌‌‌‌তোই মূত্তি বানেয়্যন; সিগুন বেক্কুন্ কালিগর কাম। এ মূত্তিগুনো পৌইদ্যেনে তারা কন্, “যিগুনে উৎসর্ব গরন্ তারা গোরু ছঅ-মূত্তিগুনোরে চুমোদোক্।”

প্রেরিত্‌ 17:29

সালে আমি যেক্কে গোজেনর্ পুয়ো সেক্কে গোজেনরে মান্‌জ্য আঢ্‌তোই আর চিন্তেশক্তিলোই বানেয়্যে সনা, রূবো বা পাত্তর মূত্তি মনে গরানা আমার্ উচিত্ নয়।