যিশাইয় 46:4 - Chakma Bible

⁴ তমার বুড়ো বয়স সং মুই এক্কুই থেম্; তমা চুলান্ পাগিবার বয়স সং তমা ভারান্ বুয়োই দিম। মুয়ই তমারে বানেয়োং, মুয়ই তমা ভারান বুয়োম্; মুয়ই তমারে বুয়োম্ আর রোক্ষ্যে গুরিম।

যিশাইয় 46:4 Iomraidhean Croise

গীতসংহিতা 48:14

এ গোজেনেয়ই আমা উমরর্ গোজেন; তে আমারে মরণ সং পথ দেগেইনে যেবঅ।

গীতসংহিতা 68:19

ধন্য প্রভু, তে পত্তিদিন আমা ভারানি বুয়োর্; তেয়ই আমার উদ্ধোর্ গুরিয়্যে গোজেন।

গীতসংহিতা 71:18

ও গোজেন, এচ্চ্যে বুড়ো ওইনে চুল পাগিলেয়ো তুই মরে ছাড়ি ন-যেচ্; আগাম্ বংশধরুনোর ইদু তর্ খেমতার কধা, আগাম্ বংশধরুনোর ইদু তর্ বলর্ কধা মরে ফগদাং গুরিবাত্তে দে।

গীতসংহিতা 71:9

মর্ এ শেজ্ বয়জত মরে ফেলেই ন-দিচ্; মর্ বলান ফুরেই যেইয়্যে, মরে ফেলেই ন-যেচ্।

গীতসংহিতা 92:14

শেজ্ বয়জত্‌অ তারা ফল দিবাক্; তারা রসিক্ আর ফোত্‌পোত্যে অবাক্।

যিশাইয় 41:4

কন্না এ কামান্ গোজ্যে? কারে দিইনে এ কামান ওইয়্যে? বংশর্ পর বংশ ইদু কি ঘুদিবো সিয়েন কন্না পত্তম হইতে ঠিগ্ গুরি রাগেয়্যে? মুই লগেপ্রভু পৌইল্যেত্তুন্ ধুরি আগং আর শেজ্ সময়োর্ মানুচ্চুনোর সমারেয়ো থেম্।”

যিশাইয় 43:13

অয়, পৌইল্যেত্তুন্ ধুরি মুয়ই সিবে। কনজনে মঅ আঢত্তুন্ রোক্ষ্যে গুরি ন-পারে। মুই কাম্ গুরিলে কনজনে সিয়েন বাদ্ দি ন-পারে।”

যিশাইয় 43:25

“মুই, মুয়ই মর্ নিজোত্তে তঅ অন্যেয়ানি ফুজি ফেলাং; মুই তঅ পাপ্‌‌‌‍পানি আর ইদোত্ ন-তুলিম।‍

যিশাইয় 48:12

ও যাকোব, ও মর্ বেঈ লোইয়্যে ইস্রায়েল, তুমি মঅ কধাগান শুনো। মুয়ই সিবে; মুয়ই পত্তম্ আর মুয়ই থুম্।

মালাখি 2:16

ইস্রায়েলর গোজেন লগেপ্রভু কত্তে, “মুই মোগোরে ছাড়ি দেনা ঈচ্ গরং।” ইয়েনি বাদেয়ো বেগত্তুন্ খেমতাবলা লগেপ্রভু কত্তে, “যে মানুচ্চো কাবড়্ বুনেদে ধোক্ক্যেন নিজোরে অত্যেচার্ দিইনে সাজে তার সেই কামানি মুই ঘিনাং। সেনত্তে তুমি তমা মন পৌইদ্যেনে উজিয়ার অ, বেঈমানী ন-গোজ্য।”

মালাখি 3:6

“মুই লগেপ্রভু, মর্ কনঅ পরিবত্তন্ নেই। সেনত্তে ও যাকোবর্ বংশধরুন, তুমি ভস্ত ন-অর্।

রোমীয় 11:29

গোজেনে যিয়েন দান গরে আর যিবেরে ডাগে সে পৌইদ্যেনে তা মনান্ তে ন-বদলায়।

ইব্রীয় 1:12

সিয়েনিরে তুই কাবড় ধোক্ক্যেন গুচ্চ্যেই থবে, আর কাবড় ধোক্ক্যেন সিয়েনিরে বদলা অবঅ। মাত্তর্ তুই আগ ধোক্ক্যেন্ থেবে, আর তর্ জিংকানিগান কনদিনঅ থুম্ ন-অবঅ।”

ইব্রীয় 13:8

যীশু খ্রীষ্ট গেল্লে কেল্ল্যে যেধোক্ক্যেন এলঅ, এচ্চ্যেয়ো সেধোক্ক্যেন আঘে আর উমর্ সং সেধোক্ক্যেন থেবঅ।

যাকোব 1:17

জিংকানির্ পত্তি দোল্ জিনিস আর থুদো নেইয়্যে দান স্বর্গত্তুন্ লামি এজে, আর সিয়েন এজে গোজেনত্তুন্, যিবে বেক্‌ পহ্‌রানর্ বাপ্। থির্ নেইয়্যে ছাবা ধোক্ক্যেন গুরি তে বুদুলি ন-যায়।