যিশাইয় 46:3 - Chakma Bible

³ ও যাকোবর বংশ, ইস্রায়েলর বংশর বাঁজি থেইয়্যে মানুচ্চুন্, তুমি মঅ কধাগান শুনো। পেদত্ এবার অক্তত্তুন্ ধুরি আর জর্মর পরেত্তুন্ ধুরি মুই তমা ভারান্ বুয়োঙর্।

যিশাইয় 46:3 Iomraidhean Croise

গীতসংহিতা 28:9

ও লগেপ্রভু, তঅ মানুচ্চুনোরে তুই রোক্ষ্যে গর্, তর্ সোম্বোত্তিগানরে তুই আশিদ্‌বাদ গর্; তুই তারার্ পালক অ আর উমরত্যে তারারে বুয়োই নেযা।

গীতসংহিতা 71:6

জর্মত্তুন ধুরি মুই তঅ উগুরে নির্ভরশীল; তুই মরে মা পেদত্তুন নিগিলেই আন্যচ্। তুই নিত্য মর্ বাঈনী গুরিবার্ বিষয়।

যাত্রা 19:4

তারা নিজেই‌ দেখ্যন্‌, মিসরীয়গুনোর্‌ দশা মুই কি গোজ্যং। ঈগল পেগোর্‌ ডুয়োগানিলোই বুয়োই নেযাইদে ধোক্ক্যেন গুরি মুই ইস্রায়েলীয়গুনোরে নিজোর কায়-কুরে আন্যং।

যিশাইয় 1:9

বেগত্তুন্ খেমতাবলা লগেপ্রভু আমাত্তে যুনি কয়েক জনরে জেদা ন-রাগেদ সালে আমা অবস্থা সদোম আর ঘমোরা শঅর ধোক্ক্যেন্ অদঅ।

যিশাইয় 10:20

সেদিন্যে ইস্রায়েলর বাঁজি থেইয়্যে মানুচ্চুন্, অত্তাৎ যাকোব বংশর বাদ-বাগি মানুচ্চুন্ তারারে আঘাত্ গুরিয়্যেগুনো উগুরে আর্ বিশ্বেজ্ ন-গুরিবাক্, মাত্তর্ লগেপ্রভু উগুরে, ইস্রায়েলর সেই পবিত্র মানুচ্চো উগুরে ঘেচ্চেক্‌গুরি বিশ্বেজ্ গুরিবাক্।

যিশাইয় 10:21

বাঁজি থেইয়্যে মানুচ্চুনে ফিরি এবাক্; যাকোবর্ বাদ্‌বাগি মানুচ্চুন্ খেমতাবলা গোজেন ইদু ফিরি এবাক্।

যিশাইয় 10:22

ও ইস্রায়েল, যুনিয়ো তমা মানুচ্চুন্ সাগর পার ধূল্যেচর ধোক্ক্যেন্ তো বানা কয়েকজন মান্‌জ্যে ফিরি এবাক্। ইস্রায়েলত্তে ভস্ত অনাগান ঠিগ্ গরা আঘে আর সেই পেবার্ সাজাগান তারা উগুরে এবদে এবঅ।

যিশাইয় 11:11

সেদিন্যে তার্ বাঁজি থেইয়্যে মানুচ্চুনোরে আসিরিয়াত্তুন্, মিসর আর পথ্রোষত্তুন, কূশ, এলম, বাবিল, হমাৎ আর দ্বিব্‌পুনোত্তুন্ উদ্ধোর্ গুরি আনিবাত্তে দ্বিবার তা আঢ্‌তান বাড়েই দিবো।‌‌

যিশাইয় 37:4

আসিরিয়ার্ রাজা জেদা গোজেনরে ঠাট্টা-মশ্‌‌‌কারি গুরিবাত্তে রব্‌শাকিরে পাদেয়্যে, মাত্তর্ তর্ গোজেন লগেপ্রভু অয়ত সে কধানি শুনিনে তারে সাজা দিবো। সেনত্তে যিগুনে এজঅ বাঁজি আগন্ তারাত্তে তুই তবনা গর্।”

যিশাইয় 4:3

সেদিন্যে সিয়োনত্ যিগুনে বাগি থেবাক্, অত্তাৎ যিরূশালেমত্ যিগুনে বাঁজি থেবাক্ তারারে পবিত্র বিলিনে ডাগা অবঅ। যিরূশালেমত্ বাঁজি থেবাত্তে সেই মানুচ্চুনোর্ নাঙানি লেগা আঘে।

যিশাইয় 44:21

“ও যাকোব, ও ইস্রায়েল, তুই ইয়েনি বেক্কানি মনত্ রাগা, কিত্তে তুই মর্ চাগর। মুই তরে বানেয়োং, তুই মর্ চাগর; ও ইস্রায়েল, মুই তরে ভুলি ন-যেম্।

যিশাইয় 46:12

ও একবুস্যে মনর্ মানুচ্চুন, তুমি যিগুনে মর্ গুজি লনাত্তুন দূরোত্ আগ, মঅ কধাগান শুনো।

যিশাইয় 48:1

ও যাকোবর্ বংশ, তুমি শুনো। তমারে দঅ ইস্রায়েল নাঙে ডাগা অয়, তুমি যিহূদার বংশত্তুন্ এচ্চ্য, তুমি লগেপ্রভুর নাঙে শমক্ খঅ আর ইস্রায়েলর গোজেন ইদু তবনা গুরি থাগঅ, মাত্তর্ সত্য বা গমেডালে সিয়েনি ন-গরঅ।

যিশাইয় 51:1

লগেপ্রভু কত্তে, তুমি যিগুনে গমেডালে চলিবাত্তে চঅ আর মঅ আওজ্‌মজিম চলিবার চেট্ট্যা গরর্, তুমি শুনো। যে পাত্তর্‌বোত্তুন্ তমারে কাবি নেযা ওইয়্যে আর যে গাদ্‌তোত্তুন্ তমারে খুড়িনে তুলো ওইয়্যে সিবে ইন্দি রিনি চঅ।‍‌‌‍‌‍‌‌‍‌‍‌

যিশাইয় 51:7

“যিয়েন ঠিগ্ তুমি যিগুনে সিয়েন হবর্ পহ্ আর যিগুনোর মনত্ মঅ শিক্ষ্যেগান আঘে, তুমি শুনো। তুমি মানজ্যর্ ঈচ্ গরানাগানি বা তারার্ অগমান গরানাগানি ন-দোরেয়ো,

যিশাইয় 63:9

তারার বেক্ দুঘ্‌‌খানিত্ তেয়ো দুঘ্ পেলঅ আর তার্ হবর্ কোইয়্যেবো তারারে উদ্ধোর্ গুরিলো। তার কোচ্‌পানা আর দোয়্যেই তে তারারে উদ্ধোর্ গুরিলো; আগ কালত্ বেক্ দিনুনোত্ তে তারারে তুলিনে বুয়োই নিলো।‌‍‍‍‌‍‍‍