যিশাইয় 45:7 - Chakma Bible

⁷ মুয়ই পহ্‌‌র আর আন্ধারানরে বানেয়োং; মুয়ই ভালেদি আনং আর সর্বনাশ সৃট্টি গরং। মুই লগেপ্রভু ইয়েনি গুরি থাং।

যিশাইয় 45:7 Iomraidhean Croise

২ রাজাবলী 19:25

তুই কি ন-শুনোজ্‌, বোউত্‌ আগেন্দি মুই সিয়েনি ঠিগ্‌ গুরি রাগেয়োং? ভালোক্‌দিন আগেন্দি মুই সিয়েনির সল্লা গোজ্যং। আর ইক্কিনে মুই সিয়েনি ঘোদেলুং। সেনত্তে দঅ তুই দেবাল-ঘিজ্যে শঅরানি পাত্তর কুর্‌ গুরি পাজ্যস্‌।

ইয়োব 10:13

মাত্তর্‌ ইয়েনই তঅ মনত্‌ তুই লুগেই রাগেয়োচ্‌, আর মুই হবর্‌ পাং ইয়েন তঅ মনত্‌ রোইয়্যে,

ইয়োব 2:10

মাত্তর্‌ ইয়োবে তারে কলঅ, “তুই এক্কো বেদমা মিলে ধোক্ক্যেন্ কধা কোইয়োচ্‌। আমি গোজেন ইত্তুন্‌ কি বানা ভালেদি চেবং, অমংগল ন-চেবং?” ইয়েনি ঘুদি গেলেয়ো ইয়োবে তা কধালোই পাপ ন-গুরিলো।

ইয়োব 34:29

হামাক্কাই তে জুরো গুরি থেলেয়ো কনজনে তারে দুষি গুরি ন-পারন; তে মুয়োন লুগেলে কনজনে তারে ন-দেগে। তো তে মানুচ্ আর জাদ উগুরে আঘে,

গীতসংহিতা 105:28

তে আন্ধার্ পাদেল, সেক্কে আন্ধার পাদেল; তা কধানির বিরুদ্ধে তারা উল্লোমি ন-গুরিলাক্।

গীতসংহিতা 29:11

লগেপ্রভু তা মানুচ্চুনোরে বল্ যুগেই দিবো; সুগ-শান্দি দান গুরিনে তে তারারে আশিদ্‌বাদ গুরিবো।

গীতসংহিতা 74:16

দিন্নো তর্, রেত্তোয়ো তর্; চান্নো-তারাবো আর বেলান তুয়ই থিদেবর্ গোজ্যস্।

গীতসংহিতা 75:7

মাত্তর্ গোজেনে বিচের গরে; তে একজনরে তলে লামায় আর আর একজনরে উগুরে তুলে।

গীতসংহিতা 8:3

মুই যেক্কে তঅ আঢ্‌‌তোই বানেয়্যে আগাজ ইন্দি রিনি চাং আর সিদু তর্ থিদেবর্ গোজ্যে চানান্ আহ্ তারাগুনোরে দেগং,

যিশাইয় 31:2

মাত্তর্ তার কি কনঅ জ্ঞান নেই? তে দঅ দজা ঘোদেব; তা কধাগান তে ফিরেই ন-নিবো। তে পাজিগুনোর্ বিরুদ্ধে আর তারার সাহায্যগুরিয়্যেগুনোর্ বিরুদ্ধে উদিবো।

যিশাইয় 42:16

মুই কান্ মানুচ্চুনোরে তারার হবর্ ন-পেইয়্যে পধেদি নেযেম্, যে পথ্‌তান তারা হবর্ ন-পান সে পধেদি তারারে চালেম্। তারার্ আগে আগে মুই আন্ধারানরে পহ্‌‌র গুরিম আর সং নেইয়্যে জাগানরে সং গুরি দিম্। ইয়েনি বেক্কানি মুই গুরিম, ঘেচ্চেকগুরি গুরিম।

যিশাইয় 44:24

লগেপ্রভু, যিবে তর্ উদ্ধোরগুরিয়্যে, যিবে তরে পেদত্ দাঙর্ গোজ্যে তে কোইয়্যেদে, “মুই লগেপ্রভু; মুয়ই বেক্কানি বানেয়োং। মুই গায় গায় আগাজ্‌‌চানরে বিজেই দুয়োং আর নিজেই পিত্‌থিমীগানরে মেলি দুয়োং।‌

যিশাইয় 47:11

মাত্তর্ তঅ উগুরে দজা লামি এবঅ, আর তুই হবর্ ন-পেবে কেধোক্ক্যেন গুরি যাদুর্ বলে সিয়েনি দূর্ গরা যেবঅ। তঅ উগুরে দজা এবঅ, আর তুই সিয়েনি আক্‌‌সোই ন-পারিবে। যে দজাগান পৌইদ্যেনে তুই আগেদি হবর্ ন-পেদে সিয়েনি আদিক্ক্যেন্‌গুরি তঅ উগুরে এবঅ।

যিরমিয় 10:16

যিবে যাকোবর্ পাওনার ভাগ্ তে ইগুনো ধোক্ক্যেন নয়, কিত্তে তে বেক্ জিনিস্‌‍‍চানি বানেয়্যে আর ইস্রায়েলে তার বিশেষ সোম্বোত্তি। তা নাঙান বেগত্তুন খেমতাবলা লগেপ্রভু।

যিরমিয় 13:16

তুমি তমার গোজেন লগেপ্রভুরে বাঈনী গরঅ, সিয়েন ন-গুরিলে তে আন্ধার্ আনিবো আর আন্ধার ওই এচ্চ্যে বেক্ মুড়োমুড়িগুনো উগুরে তমা টেঙানিয়ে উজোত্ হেবঅ। তুমি পহ্‌‌‍র আশা গুরিলে তে সিয়েন অান্ধার গুরি দিবো, ঘুর্‌‌‍‍‍গুজ্যে আন্ধার্ গুরি দিবো।

যিরমিয় 31:35

যিবে দিনোত্ বেলানরে আর রেদোত্ চান্নোরে আর তারাগুনোরে পহ্‌র দিবাত্তে উগুম দে, যিবে সাগরানরে উলোত্ পালত্ গরে যেনে তার তুবোলুন গুজুরি উদে, যিবের্ নাঙান বেগত্তুন্ খেমতাবলা লগেপ্রভু, ‍‍‍‍‍‍‍‍‍‍‍

যিরমিয় 51:20

লগেপ্রভু কোইয়্যেদে, “ও বাবিল, তুই মর্ যুদ্ধোর্ মুগোড়্, মর্ যুদ্ধোর্ আত্যের্; তরে দিইনে মুই জাদ্‌‌‌‌‌‌‌‌‌‌‌তুনোরে চুরমার গুরিম, তরে দিইনে রেজ্যগানিরে ভস্ত গোজ্যং;

আবিলেচ্ 3:38

মহান গোজেন মুয়োত্তুন্ কি অমংগল আর মংগল ন-নিগিলে?

যিহিষ্কেল 32:8

তঅ উগুরে আগাজর্ বেক পহ্‌‌‌‌‌‌রান মুই কালা গুরি দিম; তঅ দেজ উগুরে মুই আন্ধার্ আনিম। মুই প্রভু লগেপ্রভু এ কধাগান কঙর্।

দানিয়েল 2:22

তে গভীন্ আর লুগেয়্যে বেপারানি ফগদাং গরে; তে হবর্ পায় আন্ধার ভিদিরে কি আঘে; তা সমারে পহ্‌‌‌‌রানে বজত্তি গরে।

যোয়েল 2:2

সিবে আন্ধার্ আর অমকদ আন্ধারর্ দিন, মেঘর্ আর ঘুর্‌গুজ্যে আন্ধারর দিন। মুড়ো-মুড়ি উগুরে যেবাবোত্যে বেন্যেপোত্যে পহ্‌‌রান্ ছিদি পড়ে সেবাবোত্যেগুরি এক্কো দাঙর্ আর বোলী পুগ্-যুগর সৈন্যদল এজের্। এবাবোত্যে সৈন্যদল আগ-কালত্ কনদিন্‌অ ন-এলঅ, আর যিদুক্কুন যুগ এত্তন্ সেক্কেনেয়ো ন-থেবাক্।

আমোষ 3:6

শঅরত্ শিংগার রঅ শুনিলে কি মানুচ্চুনে ন-গির্‌গিরান? লগেপ্রভু ন-ঘোদেলে কি শঅরত্ দযা ঘদে?

আমোষ 4:13

মনত্ রাগা, যিবে মুড়ো-মুড়ি বানায়, বোইয়্যের্ বানায় আর মান্‌‌‌‌জ্য ইধু নিজোর্ চিন্তেগানি ফগদাং গরে, যিবে পহ্‌‌‌‌রানরে আন্ধার্ গরে আর পিত্‌‌‌‌থিমীর মুড়ো-মুড়ি উগুরেদি আঢে সিবে নাঙান্ বেগত্তুন্ খেমতাবলা লগেপ্রভু গোজেন।

আমোষ 5:6

তুমি লগেপ্রভু ইধু যঅ সেক্কে বাঁজিবা; সিয়েন ন-অলে তে আগুনো ধোক্ক্যেন গুরি যোষেফর, অত্তাৎ ইস্রায়েল মানুচ্চুনো ভিদিরে জুলি উদিবো। সে আগুনানে গিলি ফেলেব আর বৈথেলর কনজনে সিয়েন মারেই ন-পারিবো।

নহূম 1:8

মাত্তর্ তে ডুবেই দিয়্যে বান পানিলোই নীনবী শঅরান্ এক্কুবারে শেজ্ গুরিবো; তার্ বিপক্ষগুনোরে তে আন্ধারত্ লোড়েব।

প্রেরিত্‌ 4:28

তর্ খেমতালোই আর আওজ্‌সোই যিয়েনি ঘুদিবো বিলি তুই আগে ঠিগ্ গুরি থোইয়োচ্ তারা সিয়েনই গোজ্যন্।

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

যাকোব 1:17

জিংকানির্ পত্তি দোল্ জিনিস আর থুদো নেইয়্যে দান স্বর্গত্তুন্ লামি এজে, আর সিয়েন এজে গোজেনত্তুন্, যিবে বেক্‌ পহ্‌রানর্ বাপ্। থির্ নেইয়্যে ছাবা ধোক্ক্যেন গুরি তে বুদুলি ন-যায়।

যিহূদা 1:13

ইগুনে ঝরত্ সাগর তুবোল ধোক্ক্যেন; সাগর ফেনা ধোক্ক্যেন ইগুনোর্ লাজ্ গরেপারা কামানি ভাযি উদে। ইগুনে ঘুরি বেড়েয়্যে তারা ধোক্ক্যেন; উমরত্যে ভারী আন্ধারান ইগুনোত্যে জমা গুরি থুয়ো ওইয়্যে।

যিহূদা 1:6

ইয়েনবাদে যে স্বর্গদূত্‌তুনে নিজোর্ অধিকারান রোক্ষ্যে ন-গুরিনে নিজোর্ জাগায়ানি ফেলেই যেইয়োন তারার কধানি ইদোত্ তুলো। সেই দাঙর্ দিন্নোর্ বিচেরর্ আজায় গোজেনে তারারে উমরত্যে আন্ধারত্ বানি থোয়্যে।