যিশাইয় 45:3 - Chakma Bible

³ মুই তরে আন্ধার জাগাত্ থোইয়্যে ধন-সোম্বোত্তি আর লুগেয়্যে জাগাত থুবেই থোইয়্যে ধন দিম, যেনে তুই হবর্ পাজ্, মুয়ই লগেপ্রভু, ইস্রায়েলর গোজেন, যিবে তঅ নাঙান্ ধুরিনে ডাগে।

যিশাইয় 45:3 Iomraidhean Croise

২ বংশধর 6:17

ও লগেপ্রভু, ইস্রায়েলর গোজেন, যে সমক্কান্‌ তুই তঅ চাগর্‌ দায়ূদো ইদু গোজ্যস্‌ সিয়েন্‌ ফোলোক্‌।

ইষ্রা 1:2

পারস্যের রাজা কোরসে এই কধাগান কোইয়্যেদে, স্বর্গর গোজেন লগেপ্রভু পিত্‌থিমীর পুরো রেজ্যগান্ মরে দিয়্যে আর যিহূদা দেজর্ যিরূশালেমত্ তাত্তেই এক্কান ঘর বানেবাত্যে মরে নেযা ওইয়্যে।

যাত্রা 33:12

পরেদি মোশি লগেপ্রভুরে কলঅ, “তুই মরে এই মানুচ্চুনোরে নেযেবাত্তে কোইয়োচ্‌, মাত্তর্‌ মর্‌ লগে কারে পাধেবে সিয়েন্‌ দঅ ন-কচ্‌। তুই কোয়োচ্চে তুই মরে তর্‌ নিজোর্‌ বিলিনেই জানচ্‌ আর মঅ‌ উগুরে তর্‌ দোয়্যে আঘে।”

যাত্রা 33:17

সেক্কে লগেপ্রভু মোশিরে কলঅ‌, “তুই যিয়েনি কোইয়োচ্‌ মুই সিয়েনি গুরিম্‌, কিত্তে মর্‌ দোয়্যেগান্‌ তঅ উগুরে আঘে আর মুই তরে মর্‌ নিজোর্‌ বিলিনে হবর্‌ পাং।”

যিশাইয় 41:23

আগামিদি কি অবঅ সিয়েনি আমারে কঅ, সালে আমি হবর্ পেবঙে, তুমি দেবেদা। গম্ ওক্ বা বজং ওক্ এক্কান কিজু গরঅ যিয়েনি দেগিনে আমি ওলোমোত্য অবং।

যিশাইয় 43:1

ও যাকোব, যিবে তরে সৃট্টি গোজ্যে, ও ইস্রায়েল, যিবে তরে বানেয়্যে, সেই লগেপ্রভু ইক্কিনে এ কধাগান কত্তে, “তুই ন-দোরেচ্, কিত্তে মুই তরে উদ্ধোর্ গোজ্যং। মুই তঅ নাঙান্ ধুরিনে ডাক্যং, তুই মর্।

যিশাইয় 48:15

মুই, মুই লগেপ্রভু কধা কোইয়োং; অয়, মুয়ই তারে ডাক্যং। মুই তারে আনিম আর তে তা কামত্ ফোলেব।

যিশাইয় 49:1

ও দূর্ দেজর মানুচ্চুন্, মঅ কধাগান শুনো; দূরোর জাদ্‌তুন, কানানি পাদঅ। মর্ জর্মেবার আগেদি লগেপ্রভু মরে ডাক্যে; তে মা পেদত্তুন্ ধুরি মঅ নাঙান কোই কোই এজের্।‌‌‌

যিরমিয় 41:8

মাত্তর্ তারা ভিদিরেত্তুন্ দশজনে ইশ্মায়েলরে কলাক্, “আমারে ন-মারিবে। মাদ ভিদিরে আমার গম, কেজ্‌বিজি, তেল আর মধু লুগেয়্যে ‌আঘে।” সেনত্তে ইশ্মায়েলে তারারে ইরি দিলো, অন্যগুনো সমারে মারে ন-ফেলেল।

যিরমিয় 50:26

ও বাবিল শত্রুগুন, তুমি দূরোত্তুন্ তা বিরুদ্ধে এজঅ। তা গোলাঘরানি খুলি ফেলঅ; এগত্তর্ গোজ্যে শোজ্য ধোক্ক্যেন সিয়েনরে কুড়্ বান। তারে পুরোপুরিভাবে ভস্ত গরঅ, সিয়েনর কিচ্চু বাগি ন-রাগেয়ো।

যিরমিয় 50:37

তার বেক্ ঘোড়া, রথ আর বিদেশী সৈন্যগুনো বিরুদ্ধে রোইয়্যেদে তলোয়ার; তারা মিলে ধোক্ক্যেন বল্‌‌পোজ্যে ওই যেবাক্। তা ধন-সম্পদ বিরুদ্ধে রোইয়্যেদে তলোয়ার; সিয়েনি বেক্কানি লুট্ ওই যেবঅ।

যিরমিয় 51:13

ও বাবিল, তুই দঅ বোউত্ পানি পারত্ বজত্তি গরচ্ আর বোউত্ ধন-সম্পদর গিরোজ্; তর্ থুমান এচ্চ্যে, তরে ছাজি ফেলেবার সময় ওইয়্যে।

যিরমিয় 51:53

বাবিলান যুনি আগাজত্ সংঅ লুমেগোই আর সিয়েনত্ দরমর ঘর্ তুলে, তো মুই তা বিরুদ্ধে ভস্তগুরিয়্যেগুনোরে পাধেই দিম্।”