যিশাইয় 45:13 - Chakma Bible

¹³ মর্ ন্যায্যতালোই মুই কোরসরে উত্তেজিত গুরিম; মুই তার বেক্ পথ্‌তান উজু গুরিম। তে মর্ শঅরান আরঅ বানেই দিবো, মর্ যে মানুচ্চুনে বন্দী এলাক্ তে তারারে ইরি দিবো মাত্তর্ তে কনঅ দাম বা বক্‌শিজত্তে সিয়েন ন-গুরিবো।’ বেগত্তুন্ খেমতাবলা লগেপ্রভু এ কধাগান কত্তে।”

যিশাইয় 45:13 Iomraidhean Croise

ইষ্রা 1:3

তা মানুচ্চুনো ভিদিরে অত্তাৎ তমা ভিদিরে যে চায় তে যিহূদা দেজর্ যিরূশালেমত্ যেইনে ইস্রায়েলর্ গোজেন লগেপ্রভুর ঘর বানোক্। কিত্যে তে যিরূশালেমত্ আঘে। যিগুনে সিয়েনত্ যেবাক্ তারার্ গোজেনে তারা সমারে থোক্।

গীতসংহিতা 65:5

ও আমার উদ্ধোর্ গুরিয়্যে গোজেন, তর্ ন্যায্য ভোক্তিবলা দর্‌বুক লাগাইদ্যে কাম্বোই তুই আমা ডাগনিলোই শমক্ দিবে। পিত্‌থিমীর বেক্ মানুচ্চুন, এমন কি, বেগত্তুন দূরোত্ আর দূরো গাঙ পাড়র মানুচ্চুনেয়ো তঅ উগুরে বিশ্বেজ্ গরন।

গম্ উপদেজ্ 3:6

তর্ আঢিবার পধত্ গোজেনরে মুজুঙোত্ রাগেচ্; তেয়ই তর্ বেক পথ্‌তানি উজু গুরি দিবো।

যিশাইয় 13:17

“চঅ, মুই তারা বিরুদ্ধে মাদীয়গুনোরে কাট্ট্যেই দিম্। তারা রূবোনি ইন্দি খিয়েল্ ন-গুরিবাক্ আর সনালোইয়ো ফুত্তি ন-গুরিবাক্।

যিশাইয় 14:17

ইবে কি সিবে, যে সংসারানরে ধূল্যেচর ধোক্ক্যেন গুরিদো, শঅরানিরে উল্ল্যেই ফেলেদ, আর বন্দীগুনোরে ঘরত্ ফিরি যেবাত্তে ন-দিদো?

যিশাইয় 41:2

“কন্না পূগেন্দিত্তুন্ এবাত্তে একজনরে উত্তেজিত গোজ্যে? ন্যায়বলা গোজেনে তা কামত্তে তারে ডাক্যে। তে সেই মানুচ্চোর্ আঢত্ জাদ্‌তুনোরে তুলি দিবো আর তা মুজুঙোত্ রাজাগুনোরে লোঙেব। তা তলোয়ারান্দোই তে তারারে ধূল্যে ধোক্ক্যেন্ গুরিবো আর তা ধনুগান্ মুজুঙোত্ বোইয়্যেরে লাড়াইদ্যে ধোক্ক্যেন্ তারারে উড়েই দিবো।‌

যিশাইয় 41:25

“পূগেদি এক্কো মান্‌জ্যে মঅ নাঙান্ ফগদাং গুরিবো; তারে মুই উত্তোরেদিত্তুন্ এবাত্তে উত্তেজিত গোজ্যং, আর তে এচ্চ্যে। যেবাবোত্যেগুরি চিবিদি আর পানি মিজে অয় আর কুমোরুনে মাদি মলন্ সেধোক্ক্যেন গুরি তে শাজন্‌ গুরিয়্যেগুনোর টেঙোই দুলিবো।

যিশাইয় 42:6

মুই লগেপ্রভু তরে গমেডালে ডাক্যং; মুই তঅ আঢ্‌‌‍‍তান ধুরি রাগেম। মুই তরে রোক্ষ্যে গুরিম আর মঅ মানুচ্চুনোত্তে তরে এক্কান বেবস্থা ধোক্ক্যেন গুরিম আর অন্য জাদ্‌তুনোত্তে পহ্‌‌‍‍‌‍‍‌‌‍‍র ধোক্ক্যেন গুরিম।

যিশাইয় 44:28

মুই কোরস পৌইদ্যেনে কঙর্, তে মর্ গরক্; মুই যেনে হুজি অং তে সিয়েনি বেক্কানি গুরিবো। তে যিরূশালেম পৌইদ্যেনে কবঅ, ‘সিয়েন আরঅ বানা ওক্,’ আর উবোসনা-ঘরান পৌইদ্যেনে কবঅ, ‘সিয়েনর্ গড়াগান্ থিদেবর্ গরা ওক্।’ ”

যিশাইয় 45:2

তে কোরসরে কত্তে, মুই তঅ আগে আগে যেইনে অজল্-নিজো জাগায়ানি সং গুরি দিম; মুই পিদলর্ বেক্ গেট্‌‌তুন্ ভাঙি দিম আর লুয়োর্ হেবাগুন্ কাবি ফেলেম।

যিশাইয় 46:11

মঅ উদ্দেশ্যগান পুরেবাত্তে মুই এক্কো মান্‌জ্যরে দূর দেজত্তুন্ ডাগি আনিম; তে পূগ দেজত্তুন্ শিগেরী পেগো ধোক্ক্যেন্ এবঅ। মুই যিয়েনি কোইয়োং সিয়েনি মুই সফল গুরিম আর যিয়েনি পরিকল্পনা গোজ্যং সিয়েনি গুরিম।

যিশাইয় 49:25

মাত্তর্ লগেপ্রভু কোইয়্যেদে, “অয়, যুদ্ধোগুরিয়্যেগুনো আঢত্তুন্ বন্দীগুনোরে নেযা অবঅ আর দর্‌গরেপারা মানজ্যর্ আঢত্তুন্ লুদেয়্যে পযাপিরানি উদ্ধোর গরা অবঅ। যিগুনে তঅ লগে কোজ্যে বাজেবাক্ তারা লগে মুয়ই কোজ্যে বাজেম্ আর তঅ পুয়োগুনোরে মুয়ই রোক্ষ্যে গুরিম।‍

যিশাইয় 52:5

আর ইক্কিনে ইয়েনত্ মর্ কি আঘে? মঅ মানুচ্চুনোরে দঅ এনেবাদে নেযা ওইয়্যে, আর তারার্ শাজন্‌গুরিয়্যেগুনে তারারে গেইল্ দুয়োন্; নিত্য মঅ নাঙানরে ইংসে গরা অয়।

মীখা 4:10

ও সিয়োন-ঝিবো, পুয়ো-ফুদোইদ্যে দুঘ্ পেইয়্যে মিলে ধোক্ক্যেন তুই পীড়েলোই এগুর্ উগুর্ হা, কিত্যে ইক্কিনে তত্তুন্ শঅর্ ছাড়িনে খুলো মাদত্ যেইনে থাহ্ পড়িবো। তুই বাবিলোত্ যেবে; সিয়েনত্ তুই উদ্ধোর্ পেবে। লগেপ্রভু সিয়োদোই তঅ শত্রুগুনো আঢত্তুন্ তরে উদ্ধোর্ গুরিবো।