যিশাইয় 45:1 - Chakma Bible

¹ লগেপ্রভু তার অভিষেগ্ গোজ্যে মানুচ্ কোরস পৌইদ্যেনে কত্তে, “তা মুজুঙোত্ জাদ্‌তুনোরে দোঙেবাত্তে আর রাজাগুনোরে বল্‌পোজ্যে গুরিবাত্তে মুই তার ডেন্ আঢ্‌‌তান ধোজ্যং। মুই তা মুজুঙোত্ দোরানি খুলি দিম্ যেনে গেট্‌‌‌‌তুন বন্ধ ন-থান্।”

যিশাইয় 45:1 Iomraidhean Croise

১ রাজাবলী 19:15

সেক্কে লগেপ্রভু তারে কলঅ, “তুই যে পধেন্দি এচ্ছোস্‌ সে পধেন্দি ফিরি যেইনে দামেস্কর্‌ ধূল্যেচর-চাগালাত্‌ যাহ্। সিদু লুমিনে তুই হসায়েলরে অরামর রাজার পদথ্‌ অভিষেগ্ গর্‌।

ইষ্রা 1:1

যিরমিয়রে দিইনে কোইয়্যে লগেপ্রভুর কধানি পূরোণ অবাত্যে পারস্যের রাজা কোরসর রাজাগিরির পত্তম্ বজরত্ লগেপ্রভু কোরসর মনত্ এমন আওজ্ দিলো যিয়েনত্যে তে তার্ বেক রেজ্যত্ মুুয়োদি আর লিগিনে এই ফগদাঙান্ গুরিলো:

ইষ্রা 1:2

পারস্যের রাজা কোরসে এই কধাগান কোইয়্যেদে, স্বর্গর গোজেন লগেপ্রভু পিত্‌থিমীর পুরো রেজ্যগান্ মরে দিয়্যে আর যিহূদা দেজর্ যিরূশালেমত্ তাত্তেই এক্কান ঘর বানেবাত্যে মরে নেযা ওইয়্যে।

ইয়োব 12:21

তে দাঙর্‌ পোজিশনর্‌ মানুচ্চুনোরে ঘিনাই আর বোলীগুনোরে আত্যার্‌ছাড়া গরে।

গীতসংহিতা 73:23

তো মুই নিত্য তঅ সমারে সমারে আগং; তুই মর্ ডেন আঢ্‌তান ধুরি রাগেয়োচ্।

যিশাইয় 13:2

লগেপ্রভু কোইয়্যেদে, “তুমি গাজ্ বাজ্ নেইয়্যে মুড়োবো মাঢা উগুরে এক্কান্ বাবতা তুলো; রঅ ছাড়িনে যোদ্ধাগুনোরে ডাগ আর আজল্ মানুচ্চুনোর গেদো ইন্দি সোমেবাত্তে আঢ্‌তোই যোদ্ধাগুনোরে ইজিরে দুয়ো।‌

যিশাইয় 13:3

মঅ নাঙে যুদো গোজ্যে মানুচ্চুনোরে মুই উগুম দুয়োং; মঅ রাগ্‌কান ঢালি দিবাত্তে মুই মঅ যোদ্ধাগুনোরে ডাক্কোং। মর্ বাঈনী গরানাগান ফগদাং ওইয়্যে বিলিনে তারা হুজিয়ে বাড়্‌বো গত্তন্।”

যিশাইয় 41:13

কিত্তে মুই লগেপ্রভু, তর্ গোজেন; মুই তর্ ডেন আঢ্‌‌‌‌তান ধুরি আগং আর তরে কঙত্তে, ন-দোরেচ্; মুই তরে সাহায্য গুরিম।

যিশাইয় 41:2

“কন্না পূগেন্দিত্তুন্ এবাত্তে একজনরে উত্তেজিত গোজ্যে? ন্যায়বলা গোজেনে তা কামত্তে তারে ডাক্যে। তে সেই মানুচ্চোর্ আঢত্ জাদ্‌তুনোরে তুলি দিবো আর তা মুজুঙোত্ রাজাগুনোরে লোঙেব। তা তলোয়ারান্দোই তে তারারে ধূল্যে ধোক্ক্যেন্ গুরিবো আর তা ধনুগান্ মুজুঙোত্ বোইয়্যেরে লাড়াইদ্যে ধোক্ক্যেন্ তারারে উড়েই দিবো।‌

যিশাইয় 41:25

“পূগেদি এক্কো মান্‌জ্যে মঅ নাঙান্ ফগদাং গুরিবো; তারে মুই উত্তোরেদিত্তুন্ এবাত্তে উত্তেজিত গোজ্যং, আর তে এচ্চ্যে। যেবাবোত্যেগুরি চিবিদি আর পানি মিজে অয় আর কুমোরুনে মাদি মলন্ সেধোক্ক্যেন গুরি তে শাজন্‌ গুরিয়্যেগুনোর টেঙোই দুলিবো।

যিশাইয় 42:6

মুই লগেপ্রভু তরে গমেডালে ডাক্যং; মুই তঅ আঢ্‌‌‍‍তান ধুরি রাগেম। মুই তরে রোক্ষ্যে গুরিম আর মঅ মানুচ্চুনোত্তে তরে এক্কান বেবস্থা ধোক্ক্যেন গুরিম আর অন্য জাদ্‌তুনোত্তে পহ্‌‌‍‍‌‍‍‌‌‍‍র ধোক্ক্যেন গুরিম।

যিশাইয় 44:28

মুই কোরস পৌইদ্যেনে কঙর্, তে মর্ গরক্; মুই যেনে হুজি অং তে সিয়েনি বেক্কানি গুরিবো। তে যিরূশালেম পৌইদ্যেনে কবঅ, ‘সিয়েন আরঅ বানা ওক্,’ আর উবোসনা-ঘরান পৌইদ্যেনে কবঅ, ‘সিয়েনর্ গড়াগান্ থিদেবর্ গরা ওক্।’ ”

যিশাইয় 45:5

মুয়ই লগেপ্রভু, অন্য আর কনজন নেই; মুই বাদে অন্য গোজেন নেই। তুই মরে ন-চিনিলেয়ো মুই তরে বল্ দুয়োং,

যিশাইয় 48:15

মুই, মুই লগেপ্রভু কধা কোইয়োং; অয়, মুয়ই তারে ডাক্যং। মুই তারে আনিম আর তে তা কামত্ ফোলেব।

যিরমিয় 27:6

ইক্কিনে মুই তমার বেক দেজ্‌চানি মর্ চাগর বাবিলোর রাজা নবূখদ্‌নিৎসরর আঢত্ তুলি দিম; এন্ কি, ঝার্‌বো এ্যামানুনোরেয়ো মুই তা অধীনোত্ গুরিম।‌‍‌‌‌‌‍‍‍‌‍‌‌‌‌‍‍

যিরমিয় 43:10

সে পরেদি তারারে কঅ, ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, ‘মুই মঅ চাগর্ বাবিল রাজা নবূখদ্‌নিৎসররে ডাগি আনিম আর যে পাত্তরুন্ মুই ইয়েনত্ লুগেই রাগেয়োং সিগুনো উগুরে তা সিংহাসনান্ বোজেম; তে সিয়েন উগুরে তা রাজ-চাদরান বিজেব।

যিরমিয় 50:3

উত্তোরেত্তুন্ এক্কো জাদে তারে আক্রমণ গুরিবো আর তা দেজ্‌‌‌‌‍চানরে ফেলা যেইয়্যে ভূই গুরি রাগেব। কনজনে সিয়েন ভিদিরে বজত্তি ন-গুরিবাক্; মানুচ্ আর য়েমানে দ্বিবে ধেই যেবাক্।

যিরমিয় 50:35

লগেপ্রভু কোইয়্যেদে, বাবিলীয়গুনো বিরুদ্ধে, বাবিল আদাম্মেগুনো বিরুদ্ধে আর তা দাঙর্ পোজিশনর্ কামগুরিয়্যে আর জ্ঞানী মানুচ্চুনো বিরুদ্ধে তলোয়ার রোইয়্যে।

যিরমিয় 51:11

তুমি সেলুন্ ধারঅ, ঢাল নেযঅ। লগেপ্রভু মাদীয় রাজাগুনোরে রাগ্ তুলি দিয়্যে, কিত্তে তা উদ্দেশ্যগান অলঅ বাবিলরে ভস্ত গরানা। লগেপ্রভু হামাক্কায় তা ঘরানত্তে হেনা সুজিবো।

যিরমিয় 51:30

বাবিল যোদ্ধাগুন যুদ্ধো গরানা থামেয়োন; তারা তারার তাম্বুলো ভিদিরে রোইয়োন। তারার খেমতা ফুরেই যেইয়্যে; তারা মিলে ধোক্ক্যেন বল্‌‌‌‌‌‌পোজ্যে ওই যেইয়োন। তারার থেবার জাগানিত্ আগুন বাজেই দিয়্যে ওইয়্যে; বাবিলর্ বেক্ গেট্‌‌‌‌‌‌তুনোর্ লাগাড়াগুন ভাঙি ফেলা ওইয়্যে।

যিরমিয় 51:58

বাবিল দাডঅ দেবালান্ ভাঙিনে সং গুরি ফেলা অবঅ আর তার অজল্ গেট্‌‌‌‌‌‌‌‌‌‌‌তুনোত্ আগুন ধুরি দিয়্যে অবঅ। মানুচ্চুনে মিজে মিজে নিজোরে বল্‌পোজ্যে গুরিবাক্, জাদ্‌‌‌‌‌‌‌‌‌‌‌তুনোর কামর্ ফল আগুনোত্ পড়ি যেবঅ।”

যিহিষ্কেল 29:20

তার কামর্ পাওনা ইজেবে মুই তারে মিসর দেজ্‌‌‌‌‌‌‌চান দুয়োং, কিত্তে তে মত্তে কাম্ গোজ্যে। মুই প্রভু লগেপ্রভু এ কধাগান কঙর্।

দানিয়েল 5:6

তা মুয়োন কালা ওই গেলঅ আর তে এদক্ দোরেলদে যে, তা কমরত্ ধুরিলো আর আঢুগিলেগুন গির্‌গিরে ধুরিলাক্।‌‌‌‌‌‌

দানিয়েল 7:5

সে পরেদি মুই দ্বিলম্বর য়েমান্নো দেগিলুং। সিবে রিনি চাদে এলদে ভালুগো ধোক্ক্যেন্। তার এক কিত্তেত্তুন্ অন্য কিত্তেদি অজল্ এলঅ আর তা মুয়ো ভিদিরে ডাগ আড়র্ তিন্নো আড়্ এলঅ। তারে কুয়ো অলঅ, তুই যেইনে পেদা টিং টিং গুরি য়েরা হাঃ।

দানিয়েল 8:3

মুই রিনি চেইনে এক্কো পাদা ভেড়ারে ছড়া পারত্ থিয়্যেই থাগদে দেগিলুং। তার দ্বিবে লাম্বা শিং এলঅ। এক্কো শিং আর এক্কোত্তুন্ লাম্বা আর সিবে যেরেদি উঠ্যে।

দানিয়েল 8:4

মুই দেগিলুং ভেড়াবো পোজিমেদি, উত্তোরেদি আর দোগিণেদি গুদো মারিলো। তা মুজুঙোত্ কনঅ য়েমানে ঠিগি ন-পারিলো আর তা আঢত্তুন্ উদ্ধোর গুরি পারন্ এমন কনজন ন-এলাক্। তে যিয়েন হুজি সিয়েনই গুরিদো আর তে খেমতাবলা ওই উদিলো।

নহূম 2:6

গাঙর্ গদা দোরানি ভাঙি পোজ্যে আর রাজঘর ভস্ত ওই যার্।

নহূম 3:13

তঅ সৈন্যগুন দঅ বেক্কুন্ মিলে ধোক্ক্যেন্। তঅ দেজর্ গেইট্টুন্ তঅ শত্রুগুনোর্ মুজুঙোত্ এক্কুবারে খুলো রোইয়্যে; আগুনানে সিগুনোর হুক্কুন্ পুড়ি ফেলেয়্যে।