যিশাইয় 44:9 - Chakma Bible

⁹ যিগুনে খোদাই গোজ্যে মূত্তি বানান্ তারা অপদাত্ত; তারার্ এই দামী জিনিস্‌ছানি উপকারী নয়। সেই মূত্তিগুনোর্ তপ্পে ওইনে যিগুনে কধা কন্ তারা চোগ্ কান্‌, কিচ্চু হবর্ ন-পান্; সেনত্তে তারা লাজত্ পড়িবাক্।‌

যিশাইয় 44:9 Iomraidhean Croise

২ রাজাবলী 19:18

তারা দেবেদাগুনোরে তারা আগুনোত্‌ ফেলেইনে বর্‌বাত গুরি দুয়োন্‌। সিগুন্‌ দঅ গোজেন্‌ নয়, মান্‌জ্য আঢে বানেয়্যে তক্তা আর পাত্তর্‌ বানা; সেনত্তে তারা তারারে ভস্ত গুরি পাজ্যন্।

গীতসংহিতা 115:4

তারার মুত্তিগুন্ সোনা আর রূবোলোই মান্‌জ্যর্ আঢ্‌তোই বানেয়্যে।

গীতসংহিতা 115:8

যে ইগুনোরে বানায় আর তারা উগুরে বিশ্বেজ্ আর ভর্ গরে তারায়ো সেধোক্ক্যেন মূত্তি ধোক্ক্যেন অবাক্।

গীতসংহিতা 135:18

যিগুনে ইগুনোরে বানান্ আর তারা উগুরে বিশ্বেজ্ আর নির্ভর গরন তারায়ো সেবাবোত্যে মুত্তিগুনো ধোক্ক্যেন অবাক্।

গীতসংহিতা 97:7

যিগুনে মূত্তিপূজো গরন আর দেব-দেবেদালোই বাড়্‌বো গরন্ তারা বেক্কুনে লাজত্ পোড়োদোক্; লগেপ্রভুর মুজুঙোত্ দেব-দেবেদাগুনে মাঢা নিগিরোদোক্।

যিশাইয় 26:11

ও লগেপ্রভু, তঅ আঢ্‌‌তান তুই অজলত্ তুল্যচ্, মাত্তর্ তারা সিয়েন ন-দেগন্। তঅ মানুচ্চুনোত্তে তঅ আওজ্‌চান্ তারা দেগোদোক্ আর লাজাদোক্; আগুনানে তঅ শত্রুগুনোরে পুড়ি ফেলোক্।

যিশাইয় 41:24

মাত্তর্ আজলে তুমি কিচ্চু নয়, আর তমা কামানিয়ো কিচ্চু নয়; যে তমারে বেঈ লোইয়্যে তে ঈচ্ গরা হেইয়্যে।

যিশাইয় 41:29

চঅ, তারা বেক্কুনে বাজে, তারার্ কামানি কিচ্চু নয়। তারার্ ছাজিনে ঢাল্যে মূত্তিগুন্ বোইয়্যের বাদে আর্ কিচ্চু নয়; তারা কিচ্চু গুরি ন-পারন্।”

যিশাইয় 42:17

মাত্তর্ যিগুনে বানেয়্যে মূত্তি উগুরে বিশ্বেজ্ গরন, যিগুনে ছাজিনে ঢাল্যে মূত্তিগুনোরে কন্, তুমি আমার দেবেদা, মুই তারারে অমকদ লাজত্ ফেলেইনে ফিরেই দিম্।

যিশাইয় 42:18

“ও বহ্‌রা মানুচ্চুন্, শুনো, আর কান্ মানুচ্চুন, তুমি রিনি চঅ।

যিশাইয় 43:8

যিগুনে চোগ্ থাগদেয়ো কান্ আর কান্ থাগদেয়ো বহ্‌‌রা তারা নিগিলি এজোদোক্।

যিশাইয় 43:9

বেক্ জাদ্‌তুনে একসমারে এগত্তর্ ওদোক্ আর মানুচ্চুনে এক জাগাত্ মিলোদোক্। তারা ভিদিরে কন্না আমা ইদু আগাম্ কধা কোই পারে আর পুরোণি বেপারানি কোই পারে? তারার্ কধানি যে ঠিগ্ সিয়েনি প্রমাণ গুরিবাত্তে তারা তারার্ সাক্ষিগুন্ আনদোক্ যেন সেই সাক্ষিগুনে সিয়েনি শুনিনে কোই পারন্, “ঠিগ্ কধা।” ‌‌‌‍‍‌‌‍‍

যিশাইয় 44:11

যিগুনে মূত্তি লগে থান্ তারারে লাজত্ ফেলা অবঅ; তারার কালিগরুনে মানুচ্ বাদে আর্ কিচ্চু নয়। তারা বেক্কুনে এইনে একসমারে থিয়্যেদোক্; তারা দরে গির্‌গিরেবাক্ আর একসমারে অসর্মান অবাক্।‌‌‌

যিশাইয় 44:18

সেই মানুচ্চুনে কিচ্চু হবর্‌অ ন-পান্, নয়ো বুঝোন্। তারার্ চোগ্‌কুন বন্ধ বিলিনে তারা ন-দেগন্ আর মনানি বন্ধ বিলিনে তারা নয়ো-বুঝোন্।‍

যিশাইয় 44:20

তে ছেই হাইদ্যে ধোক্ক্যেন গুরি কাম্ গরে আর তার ঠগাইদ্যে মনানে তারে দজাত্ ফেলায়। তে নিজোরে উদ্ধোর্ গুরি ন-পারে বা নয়ো কয়, “মঅ ডেন্ আঢর্ এ জিনিস্‌‍‍ছান কি মিজে নয়?”

যিশাইয় 45:16

যিগুনে মূত্তি বানান্ তারা বেক্কুনে লাজত্ পড়িবাক্ আর অসর্মান অবাক্; তারা এক সমারে অগমান পেইনে যেবাক্কোই।

যিশাইয় 45:20

ও অন্য জাদর্ বাঁজি থেইয়্যে মানুচ্চুন্, তুমি এক সমারে এগত্তর্ ওইনে এজঅ। যিগুনে গাজ মূত্তি বুয়োইনে বেড়ান্ আর এবাবোত্যে দেবেদা ইদু তবনা গরন্ যে উদ্ধোর গুরি ন-পারে তারা কিচ্চু হবর্ ন-পান।

যিশাইয় 57:12

তর্ সততাগান আর তঅ কামানি যে কি সিয়েনি মুই ফগদাং গুরিম; সিয়েনি দঅ তর্ কনঅ উপকারত্ ন-এবঅ।

যিশাইয় 65:13

সেনত্তে প্রভু লগেপ্রভু কোইয়্যেদে, মঅ চাগরুনে হেবাক্, মাত্তর্ তুমি পেট্ পরায় মুরিবে; মঅ চাগরুনে পানি হেবাক্, মাত্তর্ তুমি পানি তিরেস্ পেই পেই থেবা; মঅ চাগরুনে ফুত্তি গুরিবাক্, মাত্তর্ তমারে লাজ্ দিয়্যে অবঅ।

যিরমিয় 14:22

জাদ্‌তুনোর বাজে মূত্তিগুনে কি ঝড় আনি পারন? আগাজ্‌চানে নিজে নিজে কি এক লেজা ঝড় দি পারে? ও আমার গোজেন লগেপ্রভু, বানা তুয়ই সিয়েন পারচ্। সেনত্তে তঅ উগুরে আমি আজা রাগেই, কিত্তে তুয়ই ইয়েনি গুরি থাচ্।‍‍‍‍‍‌‍‍‍‍‍‌

যিরমিয় 2:11

যুনিয়ো জাদ্‌‍‍তুনোর দেব-দেবেদাগুনে গোজেন নয় তো কনঅ জাদে নিজোর্ দেব-দেবেদাগুনোর পরিবত্তন্ ন-গরন; মাত্তর্ মঅ মানুচ্চুনে তারার বাঈনী গরেদে গোজেনর বদলে অপদাত্ত দেবেদাগুনোরে মানি লোইয়োন্। ‍

যিরমিয় 2:26

“চুর্ ধরা পড়িলে যেবাবোত্যেগুরি অসর্মান অয় সেবাবোত্যেগুরি ইস্রায়েলর বংশবো অসর্মান ওইয়্যে। তারা নিজে, তারার রাজাগুনে আর কাম্ গুরিয়্যেগুনে, তারার ধর্মগুরুগুনে আর ভাববাদীগুনে বেক্কুনে অসর্মানিত ওইয়োন।

দানিয়েল 11:38

সিগুনোর্ বদলে তে যুদ্ধোর দেবেদাবোরে সর্মান গুরিবো; যে দেবেদাবো পূরোণি মানুচ্চুনোর হবর্ ন-পেইয়্যে তারেই তে সনা, রূবো, মংগা মংগা পাত্তর্ আর বক্‌‌‌শিজ দিইনে সর্মান দেগেব।

দানিয়েল 5:23

সিয়েনর বদলে তুই নিজোরে স্বর্গর্ প্রভুর বিরুদ্ধে থিয়্যেয়োচ। গোজেন ঘরত্তুন আন্যে পিলেগুন তুই আনিবাত্যে বাজেই দুয়োচ্ আর তুই, তর্ আজল্ মানুচ্চুন, তঅ মোগ্‌‌কুনে আর যেরেদি ঘর মোগ্‌‌কুনে সিগুন্দোই আংগুর-রস হেইয়োন। তুই রূবো, সনা, পিদোল, লুয়ো, তক্তা আর পাত্তর্‌লোই বানেয়্যে যে দেবেদাগুনে ন-দেগন, ন-শুনোন্ আর ন-বুঝোন্ তারারে নাঙ্ গিনোদন। মাত্তর্ তুই গোজেনরে বাঈনী ন-গরচ্, যিবে আঢত্ আঘে তঅ জিংকানিগান আর তর্ বেক পথ্‌‌তানি।

রোমীয় 1:22

যুনিয়ো তারা নিজোরে জ্ঞানী বিলিনে দাবী গরলেয়ো আজলে তারা অঘা ওইয়োন।

১ করিন্হীয় 8:4

এবেরা মূত্তি ইধু উৎসর্ব-গোজ্জ্যে হানা পৌইদ্যেনে কঙর্। আমি কোই পারিই, জগদত্ মূত্তি আজলে কিচ্চু নয় আর গোজেন্অ বানা একজন বাদে আর নেই।

২ করিন্হীয় 4:4

অবিশ্বেজি মানুচ্চুনোর মনানি এ যুগোর্ দেবেদাগুনে কান্ গুরি দুয়োন যেন তারা গম্ হবরর্ পহ্‌রান্ ন-দেগন্। এ গম্ হবরানত্ খ্রীষ্টর্ মহিমাগান্ ফুদি উঠ্যে; আর এ খ্রীষ্টই অলঅ গোজেনর্ অবিকল্ ফগদাং।

ইফিষীয় 4:18

তারার্ মনানি আন্ধারত্ পড়ি আঘে। মনানি দরঅ বিলিনে তারা গোজেন পৌইদ্যেনে কিচ্চু কোই ন-পারন্, আর সেনত্যে গোজেনর্ দিয়্যে জিংকানিত্তুন্ তারা বোউত্ দূরোত্ আঘন।

ইফিষীয় 5:8

কিয়া তুমি আগে আন্ধারত্ থেলেয়ো ইক্কিনে প্রভু সমারে মিজেইনে পহ্‌রত এচ্চ্য। পহ্‌রে ভরা মান্‌জ্যর্ যেধোক্ক্যেন চলানা উচিত তুমি সেধোক্ক্যেন গুরি চলঅ,

দ্বি’লম্বর বিররণ 27:15

সে মানুচ্চো অভিশাব্ পেইয়্যে, যে ছাঝি ফেলায় বা তক্তা বা পাত্তর্‌ খুরিনে কনঅ মূত্তি বানায় আর পূজোত্তে সিয়েনি গুমুরো জাগাত থিদেবর্ গরে। এ বেক্ মূত্তিগুন লগেপ্রভুর ঘিনাইদে জিনিস, কালিগরর্‌ আদর কাম্‌ বানা। সেক্কে বেক্কুনে কবাক, আমেন।

দ্বি’লম্বর বিররণ 4:28

সিয়েনত্‌ তুমি মান্‌জ্যর্‌ বানেয়্যে তক্তার্‌ আর পাত্তরর্‌ দেবেদা পূজো গুরিবা যিগুনে চেই ন-পারন্‌, ন-শুনোন্‌, হেই ন-পারন্‌, তুম্বাজ্‌ নেযেই ন-পারন।

বিচের গুরিয়্যেগুন 10:14

যে দেব-দেবেদাগুনোরে তুমি বেই লোইয়ো তারার ইদু যেইনে কা ন গোই। দযার্ সময়োত্‌ তারা তমারে উদ্ধোর গুরিবাক্।”