যিশাইয় 44:8 - Chakma Bible

⁸ তুমি গির্‌‌‌নগিরেয়ো বা ন-দোরেয়ো। মুই কি ভালোক্ দিন আগে ইয়েনি ফগদাং ন-গরং আর ন-জানাং? তুমি মর্ সাক্ষী; মুই বাদে আর কি কনঅ গোজেন আঘে? না, আর কনঅ আশ্রয়-মুড়ো নেই; মুই আর কনজনরে হবর্ ন-পাং‌।”

যিশাইয় 44:8 Iomraidhean Croise

পত্থম 46:3

গোজেনে কলঅ, “মুই গোজেন, তঅ বাবপোর্‌ গোজেন। মিসর দেজত্‌ যাদে ন-দোরেস্‌, কিত্তে মুই সিধু তমা ভিদিরেত্তুন্‌ এক্কো দাঙর্‌ জাদ্ বানেই দিম।

পত্থম 48:19

মাত্তর্‌ তা বাবে সেক্কে আবিত্তি জানেইনে কলঅ, “মুই সিয়েন্‌ হবর্‌ পাং বাবা, মুই দঅ হবর্‌ পাং। তেয়ো দাঙর্ অবঅ আর তা বংশ মানুচ্চুনে এক্কো জাদ্ ওইনে উদিবাক্। মাত্তর্‌ তা চিগোন্‌ ভেইবো তাত্তুন্‌ বেশ্‌ দাঙর্‌ অবঅ আর্‌ তা বংশ মানুচ্চুনো ভিদিরেত্তুন্‌ ভালোক্কুন্‌ জাদ্ উদিবাক্।”

২ শমূয়েল 22:32

বানা লগেপ্রভু বাদে গোজেন আর্ কন্না অাঘে? আমা গোজেনে বাদে আর কি কনঅ আশ্রয়-মুড়ো আঘে?

ইষ্রা 1:2

পারস্যের রাজা কোরসে এই কধাগান কোইয়্যেদে, স্বর্গর গোজেন লগেপ্রভু পিত্‌থিমীর পুরো রেজ্যগান্ মরে দিয়্যে আর যিহূদা দেজর্ যিরূশালেমত্ তাত্তেই এক্কান ঘর বানেবাত্যে মরে নেযা ওইয়্যে।

ইষ্রা 8:22

পধত্ আমা শত্রুগুনো আঢত্তুন্ আমারে রোক্ষ্যে গুরিবাত্তে রাজা ইধু সৈন্য আর ঘোড়া বাহিনী চেবাত্তে মুই লাজেলুং, কিত্যে আমি রাজারে কোইয়্যেদে, “যিগুনে গোজেনর্ আওজ্ মজিম চলন্ তারার্ পত্তিজন উগুরে তার্ ভালেদির্ আঢ্ আঘে, মাত্তর্ যিগুনে তারে ছাড়িনে যান্ তার্ রাগ্‌কান্ আর সাজাগান্ তারার্ বেক্কুনো উগুরে লামি এজে।”

গীতসংহিতা 18:31

লগেপ্রভু বাদে গোজেন আর্ কন্না আঘে? আমা গোজেনে বাদে আর কি কনঅ আশ্রয়-মুড়ো আঘে?

গীতসংহিতা 18:32

গোজেনে মঅ কমরত্ বল্ দিয়্যে আর সাব্ গোজ্যে মঅ আঢিবার পথ্‌তান।

গীতসংহিতা 86:10

তুই দাঙর্ আর আমক্ অবার্ কাম গুরি থাচ্; বানা তুয়ই গোজেন।

যিশাইয় 17:10

তর্ উদ্ধোরগুরিয়্যে গোজেনরে তুই ভুলি যেইয়োচ্; সেই আশ্রয়-মুড়োবোরে তুই ইদোত্ ন-রাগাচ্। সেনত্তে যুনিয়ো তুই দোল্ দোল্ চারা আর বিদেশত্তুন্ আন্যে আংগুর লুদি লাগর্,

যিশাইয় 26:4

তুমি উমরত্তে লগেপ্রভু উগুরে বিশ্বেজ্ গরঅ, কিত্তে লগেপ্রভু, সেই লগেপ্রভুই উমরত্তে আশ্রয়-মুড়ো।

যিশাইয় 30:29

সুদ্ধো-সাংগ পরব্ পালানা রেদো ধোক্ক্যেন্ তুমি গান গেবা। মান্‌জ্যে যেক্কে বাশিলোই লগেপ্রভুর্ মুড়োবো উগুরে উদিনে ইস্রায়েলর আশ্রয়-মুড়োবো ইদু এজন্ সেক্কে যেবাবোত্যে হুজি অন্ সেবাবোত্যেগুরি তমার্ মনানিয়ো হুজি অবঅ।

যিশাইয় 41:23

আগামিদি কি অবঅ সিয়েনি আমারে কঅ, সালে আমি হবর্ পেবঙে, তুমি দেবেদা। গম্ ওক্ বা বজং ওক্ এক্কান কিজু গরঅ যিয়েনি দেগিনে আমি ওলোমোত্য অবং।

যিশাইয় 42:9

চাহ্, পুরোণি ঘটনাগানি ঘুদি যেইয়্যে আর ইক্কিনে মুই নুয়ো ঘটনাগানির্ কধা ফগদাং গুরিম; সিয়েনি ঘুদিবার আগেদি তমাইদু সিয়েনি জানাঙর্।”

যিশাইয় 43:10

লগেপ্রভু ইস্রায়েলীয়গুনোরে কোইয়্যেদে, “তুমিই মর্ সাক্ষি আর মর্ বেঈ লোইয়্যে চাগর্, যেন তুমি হবর্ পঅ আর মঅ উগুরে বিশ্বেজ্ গুরি পার আর বুঝি পার যে, মুয়ই তে। মঅ আগেদি কনঅ গোজেন বানা ন-অয় আর মঅ পরেদিয়ো অন্য কনঅ গোজেন ন-থেবঅ।

যিশাইয় 43:11

মুই, মুয়ই লগেপ্রভু, মুই বাদে আর কনঅ উদ্ধোরগুরিয়্যে নেই।

যিশাইয় 43:12

মুয়ই ফগদাং গোজ্যং, উদ্ধোর্ গোজ্যং আর জানেই দুয়োং; সেক্কে তমা ইধু কনঅ দেবেদা ন-এলঅ। এ পৌইদ্যেনে তুমি মর্ সাক্ষি। মুই লগেপ্রভু এ কধাগান কোইয়োং, মুয়ই গোজেন।

যিশাইয় 43:9

বেক্ জাদ্‌তুনে একসমারে এগত্তর্ ওদোক্ আর মানুচ্চুনে এক জাগাত্ মিলোদোক্। তারা ভিদিরে কন্না আমা ইদু আগাম্ কধা কোই পারে আর পুরোণি বেপারানি কোই পারে? তারার্ কধানি যে ঠিগ্ সিয়েনি প্রমাণ গুরিবাত্তে তারা তারার্ সাক্ষিগুন্ আনদোক্ যেন সেই সাক্ষিগুনে সিয়েনি শুনিনে কোই পারন্, “ঠিগ্ কধা।” ‌‌‌‍‍‌‌‍‍

যিশাইয় 44:2

লগেপ্রভু, যিবে তরে বানেয়্যে, মা পেদত্ দাঙর্ গোজ্যে আর তরে সাহায্য গুরিবো, তে এ কধাগান কোইয়্যে, ‘ও মর্ চাগর্ যাকোব, মর্ বেঈ লোইয়্যে যিশুরূণ, তুই ন-দোরেস্;

যিশাইয় 44:6

লগেপ্রভু, যিবে ইস্রায়েলর রাজা আর উদ্ধোরগুরিয়্যে, যিবে বেগত্তুন্ খেমতাবলা লগেপ্রভু, তে এ কধাগান কোইয়্যেদে, “মুয়ই পত্তম আর মুয়ই শেজ্; মুই বাদে আর কনঅ গোজেন নেই।

যিশাইয় 45:19

কনঅ আন্ধার দেজর্ কনঅ জাগাত্তুন্ মুই গুমরত্ কধা ন-কং। যাকোবর বংশবোরে মুই ন-কং, তুমি মিজে মিজে মরে ডাগঅ। মুই লগেপ্রভু ন্যায্য কধা কং; যিয়েন ঠিগ্ সিয়েনই ফগদাং গরং।

যিশাইয় 46:9

তুমি ভালোক্ দিন আগ পৌইদ্যেনে ইদোত্ তুলো। মুয়ই গোজেন, অন্য আর কনজন নয়; মুয়ই গোজেন, মঅ ধোক্ক্যেন আর কনজন নেই।

যিশাইয় 48:3

লগেপ্রভু কোইয়্যেদে, যিয়েন ওই যেইয়্যে সিয়েন মুই ভালোক্ দিন আগেদি কোইয়োং; মুই সিয়েন জানেয়োং আর মঅ মুয়োনে সিয়েনি ফগদাং গোজ্যে। সে পরেদি মুই আদিক্ক্যেন্‌গুরি সিয়েন গুরিলুং আর সিয়েনি অলঅ,

যিশাইয় 48:5

সেনত্তে বোউত্ আগেদি মুই তমারে ইয়েনি কোইয়োং আর সিয়েনি ঘুদিবার আগেদি তমা ইদু ফগদাং গোজ্যং, যেনে তুমি কোই ন-পার, আমা মূত্তিগুনে ইয়েনি গোজ্যন্, আমা খোদাই গোজ্যে মূত্তিগুনে আর ছাজিনে ঢাল্যে মূত্তিগুনে ইয়েনি উগুম দুয়োন্।

যিরমিয় 10:7

ও জাদ্‌তুনোর রাজাবো, তরে কন্না ভোক্তি গুরিনে ন-দোরেব? ইয়েন দঅ তর্ পাওনা। জাদ্‌তুনোর বেক্ জ্ঞানী মানুচ্চুনো ভিদিরে আর তারার বেক্ রেজ্যগানি ভিদিরে কনজনে তঅ ধোক্ক্যেন নয়।‌‍‌‍‍‌‍‌‍‍

দানিয়েল 2:28

মাত্তর্ স্বর্গত্ এক্কো গোজেন আঘে যিবে গুমুরো বিষয়ে ফগদাং গরে। ভবিচ্চদে যিয়েনি ঘুদিবো সিয়েনি তে রাজা নবূখদ্‌‌‌‌‌নিৎসররে জানেয়্যে। তর্ স্ববনান্, অত্তাৎ বিচ্ছোনত্ পড়িনে যে দর্শনান্ তুই দেখ্যচ্ সিয়েন মুই ইক্কিনে কোম্।

দানিয়েল 2:47

রাজা দানিয়েলরে কলঅ, “তমা গোজেনে ঘেচ্চেকগুরি দেবেদাগুনোর্ গোজেন আর রাজাগুনোর গিরোজ্। মুই বুঝিলুং তে গুমুরো বিষয়ে ফগদাং গরে, কিত্যেই তুই এ গুমুরো বিষয়ান ফগদাং গুরি পাজ্যস্।”

দানিয়েল 4:25

তরে মানুচ্চুনো ইত্তুন্ ধাবেই দিয়্যে অবঅ আর তুই য়েমানুনো সমারে বজত্তি গুরিবে; তুই দামাড়া গোরু ধোক্ক্যেন ঘাস হেবে আর আগাজ শিরোপানিয়ে ভিজিবে। এবাবোত্যেগুরি সাত বজর্ যেবগোই, যেদক ভিলোন্ সং তুই মানি ন-নেযেব, মান্‌‍‍জ্য রেজ্যনি উগুরে দাঙর্ গোজেনে কাবিদ্যঙি গরে আর তেয়ই সিদুগোর্ বেক রেজ্যগানি সেই বেক্ রেজ্যগানি যিবেরে আওজ্ তারে দে।

দানিয়েল 6:22

মর্ গোজেনে তার্ দূত পাধেইনে সিংহগুনোর মুয়োনি বানি দিয়্যে। তারা মরে আঘাত্ ন-গরন, কিত্যে গোজেনর চোগেদি মুই নিদ্দুযি এলুং। ও মহারাজ, তঅ মুজুঙোত্অ মুই কনঅ দুষ ন-গরং।”

যোয়েল 2:27

সেক্কে তুমি হবর্ পেবা, মুই ইস্রায়েলীয়গুনো ভিদিরে আগং আর মুয়ই তমার্ গোজেন লগেপ্রভু, অন্য কনজন নয়; মঅ মানুচ্চুনে আর কনদিন্‌অ ন-লাজেবাক্।

যোহন 1:1

পত্তমে কধাগান্ এলঅ, কধাগান্ গোজেন সমারে এলঅ আর কধাগান্ নিজেই গোজেন এলঅ।

যোহন 10:30

মুই আর বাবা এক্।”

যোহন 6:10

যীশু কলঅ, “মানুচ্চুনোরে বোজেই দুয়ো।” সে জাগানত্ বোউত্ ঘাস এলঅ। বেক্ মানুচ্চুনে ঘাচ উগুরে বুজিলাক্। সিয়েনত্ মরদ এলাক্কে কমেদি পাচ্ আজার্।

প্রেরিত্‌ 1:8

মাত্তর্ পবিত্র আত্মা তমা উগুরে এলে পরেদি তুমি বল্ পেবা, আর যিরূশালেম, গোদা যিহূদীয়া আর শমরিয়া রেজ্যত্ আর পিত্‌থিমীর থুম দুযি সং তুমি মর্ সাক্ষী অবা।”

প্রেরিত্‌ 14:15

“সমাজ্যেগুন, তুমি কিত্তে ইয়েনি গরর্? আমি দঅ বানা মানুচ্‌, তমা ধোক্ক্যেন স্বভাব। আমি তমা ইধু গম্ হবরান্ ফগদাং গুরির্ যেন তুমি এ বেক্‌ বাজে জিনিচ্চানি ছাড়িনে জেদা গোজেন ইন্দি ফিরো। তেয়ই আগাজ্, পিত্‌থিমী, সাগর আর সিয়েনি ভিদিরে যেদক্কানি আঘে বেক্কানি বানেয়্যে।

দ্বি’লম্বর বিররণ 32:31

শত্রুগুনোর জিরেবার-মুড়োবো আমার জিরেবার-মুড়োবো ধোক্ক্যেন নয়, ইয়েন আমার শত্রুগুনোরঅ রায়।

দ্বি’লম্বর বিররণ 32:39

এবেরা তুমি চিদে গুরি চঅ, মুয়ই সিবে; মুই বাদে আর কনঅ গোজেন নেই। মরানা-বাজানা মরই আদত্‌, মুই আঘাত গোজ্যং, মুয়ই গম্‌ গুরিম; মঅ আদত্তুন বাঁজেই পারন্‌ এধোক্ক্যেন কনঅ জন নেই।

দ্বি’লম্বর বিররণ 32:4

তেয়ই জিরেবার-মুড়ো, তার কামানি তেল্‌তেল্যে; তার বেক পথ্‌তানি ন্যায়র পথ। তে নির্ভরযোগ্য গোজেন, তে কনঅ অন্যায় ন-গরে; তে ন্যায়বলা আর গম্‌।

দ্বি’লম্বর বিররণ 4:35

তুমি যেনে হবর্‌ পঅ, লগেপ্রভুই গোজেন আর তে বাদে আর কনঅ গোজেন নেই, সেনত্যে এ বেক্কানি তমারে দেগা ওইয়্যে।

দ্বি’লম্বর বিররণ 4:39

“এচ্চ্যে তুমি এ কধাগান্‌ জানি রাগেয়ো আর মনত্‌ রাগেয়ো, লগেপ্রভুই উগুরে স্বর্গর আর তলেন্দি পিত্‌থিমীর গোজেন, আর তে বাদে অন্য কনঅ গোজেন নেই।

ইব্রীয় 12:1

সালে দেগা যাত্তে, গোজেন উগুরে বিশ্বেজর্ সাক্ষী ইজেবে বোউত্ মানুচ্‌ আমা চেরোকিত্যেদি ঝাগ্ গুরি আঘন্। ইয়েনত্যে এজঅ, আমি পত্তি ঝাগুলুগ্ জিনিস আর যে পাপ্পানিয়ে সহজে আমারে বেড়েকোরে ধুরিনে সিয়েনিরে দূরোত্ ঠেলি দিইনে মুজুঙেদি জিদেজিত্যে ধাবাদেনাত্ ধৈয্য ধুরিনে ধাবা দিই।

১ যোহন 1:2

সেই জিংকানিগান ফগদাং ওইয়্যে। আমি তারে দেক্ক্যেই আর তা পৌইদ্যেনে সাক্ষি দির্। যিবে বাব ইধু এলঅ আর আমা ইধু ফগদাং ওইয়্যে সেই উমর জিংকানির কধাগান তমারে জানাঙর্।

১ শমূয়েল 2:2

লগেপ্রভু ধোক্ক্যেন পবিত্র আর কনজন নেই, কিত্যে তুই বাদে আর কনঅ গোজেন নেই; আমা গোজেন ধোক্ক্যেন ঝিরেবার-মুড়ো আর নেই।