যিশাইয় 44:3 - Chakma Bible

³ কিত্তে মুই মাদি ফাদি যেইয়্যে ভূইয়ো উগুরে পানি ঢালিম আর শুগুনো জাগা উগুরেদি পানি গঙার্ বুয়োই দিম। মুই তঅ পুয়ো-ছাগুনো উগুরে মঅ আত্মাগান ঢালি দিম আর তঅ বংশর মানুচ্চুনোরে বর্ দিম।

যিশাইয় 44:3 Iomraidhean Croise

ইয়োব 5:25

তুই হবর্‌ পেবে, তর্‌ ভালোক্কুন্‌ ঝি-পূঅ অবাক্‌ আর তঅ গুট্টিগুন মাদঅ ঘাজঅ‌ ধোক্ক্যেন্ বোউত্‌ অবাক্।

গীতসংহিতা 107:35

তে ধূল্যেচর-চাগালাগানরে পুয়োর্ বানায় আর শুগুনো জাগানরে গরে পয়নালা।

গীতসংহিতা 63:1

ও গোজেন, তুই মর্ গোজেন, মুই আওজ্ গুরিনে তরে ডাগঙর্; এ শুগুনো পানিনেইয়্যে দেজত্, যিবের খেত-খেত্তি দিবার বলঅ ফুরেই যেইয়্যে, সিয়েনত তত্তেই মর্ পরাণান আওজ্ গরের্, তত্তেই মর্ কিয়্যেগান থিদেবর্ নেইয়্যে ওইয়্যে।

গম্ উপদেজ্ 1:23

মর্ শাজন কধালোই যুনি তুমি শুনিদা, সালে মঅ আত্মাগান মুই তমা উগুরে ঢালি দিদুং, মঅ মনঅ কধানি তমারে জানেদুং।

যিশাইয় 27:3

মুই লগেপ্রভু সিয়েনর্ দেগাশুনো গরং; মুই নিত্য সিয়েনত্ পানি দুয়োং। যেনে কনজনে সিয়েনত্ খেতি গুরি ন-পারন্ সেনত্তে দিনে-রেদে মুই সিয়েনত্ চুগি দুয়োং।

যিশাইয় 32:2

তারাত্তুন্ পত্তি জনে অবাক্কে যেন বোইয়্যেরত্তুন্ পোল্যেয়্যে জাগা আর ঝড়ত্তুন্ আশ্রয়জাগা, যেন ধূল্যেচরত্ গঙার পানি আর রোদ্ পোজ্যে ভূইয়োত্ দাঙর্ পাত্তর ছাবা।

যিশাইয় 41:17

“দুঘি আর অভাবীগুনে পানি তগান্, মাত্তর্ পানি নেই; পানি তিরেজে তারার্ জিলানি শুগেই যেইয়্যে। মাত্তর্ মুই লগেপ্রভু তারারে জোব্ দিম; মুই ইস্রায়েলর গোজেন তারারে ছাড়ি ন-যেম্।

যিশাইয় 48:19

ইয়েনিবাদে তমা বংশধরুনে ধূল্যে ধোক্ক্যেন অদাক্ আর তমা ঝি-পুয়োগুনে অদাক্ ধূল্যেচর ধোক্ক্যেন গুণি ন-পুরেইয়্যে। তারা নাঙানি মঅ মুজুঙোত্তুন্ কনদিন্অ ফুজি ফেলা ন-অদঅ বা তারারে ভস্ত গরা ন-অদঅ।”

যিশাইয় 48:21

যেক্কেনে তে ধূল্যেচর ভিদিরেদি তারারে নেযার্ সেক্কেনে তারা পানি তিরেজে দুঘ্ ন-পান, কিত্তে তে পাত্তরত্তুন্ তারাত্তে পানি নাল্ দিয়্যে; তে পাত্তর ফাদি দিয়্যে আর সিবেত্তুন্ পানিগান নিগিলি এচ্চ্যে।

যিশাইয় 49:10

তারার পেট্ ন-পুরিবো, পানি তিরেস্অ ন-পেবঅ বা ধূল্যেচরর গরম বা বেলানর রোদে তারারে আঘাত গুরি ন-গুরিবো। তারা উগুরে যিবের্ মেয়্যে আঘে তেয়ই তারারে পথ্‌তান দেগেব আর পানির পয়নালা ইদু নেযেব।

যিশাইয় 55:1

লগেপ্রভু কত্তে, “ও তিরেস্ পেইয়্যে মানুচ্চুন্, তুমি বেক্কুনে পানি কায়-কুরে এজঅ; যিবের টেঙা-পোজে নেই তেয়ো এইনে কিনি হেই যোক্। এজঅ, টেঙা ছাড়া, এনেবাদে আংগুর-রস আর দুধ কিনো।

যিশাইয় 59:21

তারাত্তে মর্ বেবস্থাগান ইয়েন: মর্ যে আত্মাগান তমা উগুরে আঘে আর মর্ যে কধাগান মুই তমা মুয়োনত্ দুয়োং সিয়েন তমার, তমা ঝি-পুয়োগুনোত্তুন্ আর তারার বংশধরুনো মুয়োত্তুন্ সিয়েনি ন-যেবঅ; সিয়েনি ইক্কেত্তুন ধুরি উমর সং থেবঅ। মুই লগেপ্রভু এ কধাগান কঙর্।”

যিশাইয় 61:9

জাদ্‌‍‌‍তুনো ভিদিরে তারার বংশধরুনে আর মানুচ্চুনো ভিদিরে পুয়ো-ছাগুন নাঙ্ গোজ্যে অবাক্। যিগুনে তারারে দেগিবাক্ তারা বেক্কুনে বুঝি পারিবাক্, ইগুনে সেই জাদ্ যিগুনোরে লগেপ্রভু বর্ দিয়্যে।”

যিশাইয় 65:23

তারার্ কামানি মিজে ন-অবঅ আর তারার্ পুয়ো-ছাগুনে দজাত্ ন-পুরিবাক্, কিত্তে তারা আর তারার্ পুয়ো-ছাগুনে লগেপ্রভুর বর্ পেইয়্যে মানুচ্ অবাক্।

যিহিষ্কেল 34:26

মুই তারারে বর্ দিম আর মর্ মুড়োগুনোর্ চেরোকিত্তে জাগানিরে বর্ দিম। মুই ঠিগ্ সময়োত্ ঝড়্ পাদেম; সিয়েন অবঅ বর্ পানার্ ঝড়।

যিহিষ্কেল 36:27

তমা ভিদিরে মুই মর্ আত্মাগান থিদেবর্ গুরিম আর এমন গুরিম যেনে তুমি মর্ বেক সুদোমানি পালঅ। সেক্কে তুমি মর্ রীদি-সুদোমানি মানি চলদে মনযোগি অবা।

যিহিষ্কেল 39:29

তারা ইত্তুন্ মুই মর্ মুয়োন আর্ ফিরেই ন-রাগেম, কিত্যে ইস্রায়েলীয়গুনো উগুরে মুই মর্ আত্মাগান ঢালি দিম। মুই প্রভু লগেপ্রভু এ কধাগান কঙর্।”

যিহিষ্কেল 47:8

তে মরে কলঅ, “এ পানিগান পূগেদি বেঈ যার্ আর অরাবার ভিদিরেদি ধূল্যে-সাগরত্ যেইনে লুম্মেগোই। যেক্কে সিয়েন যেইনে সাগরত্ পোজ্যে সেক্কে সিদুগোর্ পানিগান মিদে ওই যায়।

হোশেয় 10:12

তুমি নিজোত্তে ন্যায়র্ বীজি ফেলঅ, বিশ্বেজর্ ফল কাবঅ আর তমার্ চাজ্ ন-গোজ্যে মনান্ ভাঙ, কিত্যে লগেপ্রভু ইন্দি ফিরিবার সময় ওইয়্যে। যেক্কে তুই সিয়েন গুরিবে সেক্কে তে এইনে তমা উগুরে সততার্ ঝড় দিবো।

যোয়েল 2:27

সেক্কে তুমি হবর্ পেবা, মুই ইস্রায়েলীয়গুনো ভিদিরে আগং আর মুয়ই তমার্ গোজেন লগেপ্রভু, অন্য কনজন নয়; মঅ মানুচ্চুনে আর কনদিন্‌অ ন-লাজেবাক্।

যোয়েল 2:28

সে পরেদি মুই বেক্ মানুচ্চুনো উগুরে মঅ আত্মাগান ঢালি দিম। সেক্কে তঅ পুয়োগুনে আর ঝিগুনে ভাববাদী ইজেবে গোজেন কধা কবাক্, তমা বুড়ো মানুচ্চুনে স্ববন দেগিবাক্ আর তমা গাবুজ্যেগুনে দর্শন পেবাক্।

যোয়েল 3:1

শুনো, সেদিন্যে আর সেই অক্তত্ যেক্কে মুই যিহূদা আর যিরূশালেমর অবস্থাগান ফিরেম,

যোয়েল 3:18

“সেদিন্যে দাঙর্ দাঙর্ মুড়োগুনোত্তুন্ বোউত্ আংগুর-রস পাহ্ যেবঅ আর চিগোন চিগোন মুড়োগুনোত্তুন্ বোউত্ দুধ পাহ্ যেবঅ। যিহূদার বেক্ পানি গাঢ্‌‌‌‌তুনোদি পানি বেঈ যেবঅ। লগেপ্রভুর ঘরত্তুন্ এক্কো পয়নালা উদিনে শিটীমোর কলগ্‌‌‌‌কানরে পানি দান গুরিবো।

মীখা 5:7

ভালোক্ জাদ ভিদিরে যাকোবর্ বাঁজি থেইয়্যে মানুচ্চুন অবাক্ লগেপ্রভুত্তুন্ এচ্চ্যে শিরো পানি ধোক্ক্যেন, ঘাস উগুরে ঝড় পড়েদে ধোক্ক্যেন যিয়েনি মান্‌‌‌জ্যর উগুম ন-পড়ে বা সিয়েনি উগুরে নির্ভর ন-গরে।

সখরিয় 12:10

মুই দায়ূদো বংশ আর যিরূশালেম আদাম্মেগুনো উগুরে মঅ আত্মাগান ঢালি দিম; তে দোয়্যে গরে আর তবনার্ মনোভাব দে। সেক্কে তারা মইন্দি, অত্তাৎ যিবেরে তারা মাজ্যন্ তাইন্দি রিনি চেবাক্। বানা এক্কো পুয়োবোত্তে আবিলেচ্ গরেদে ধোক্ক্যেন গুরি তারা তাত্তে আবিলেচ্ গুরিবাক্ আর পত্তম্ পুয়োবোত্তে যেবাবোত্যেগুরি আবিলেচ্ গরন সেবাবোত্যেগুরি জদবদে গুরি আবিলেচ্ গুরিবাক্।

মথি লেখ্যে গম্ হবর্ 12:43

“যেক্কে কনঅ ভান্ন্যেই আত্মা কনঅ মান্‌জ্য ভিদিরেত্তুন্ নিগিলি যায় সেক্কে তে জিরেবাত্তে শুগুনো জাগার্ ভিদিরেদি ঘুরোঘুরি গুরি থায়।

প্রেরিত্‌ 10:45

যে যিহূদী বিশ্বেজিগুনে পিতর সমারে এচ্চ্যন্ তারা অযিহূদীগুনো উগুরেয়ো পবিত্র আত্মাগানরে দান ইজেবে ঢালি দিয়্যে অলঅ দেগিনে আমক্ ওই গেলাক্।

প্রেরিত্‌ 2:17

শেচ্‌ কালত বেক্‌ মানুচ্চুনো উগুরে মুই মঅ আত্মাগান ঢালি দিম্; সেক্কে তমা পুয়োগুনে আর ঝিগুনে ভাববাদী ইজেবে গোজেন কধা কবাক্, তমা গাবুজ্যেগুনে দর্শন পেবাক্, তমা বুড়ো মানুচ্চুনে স্ববন্ দেগিবাক্।

প্রেরিত্‌ 2:33

গোজেনর ডেনেদি বঝিবার বাঈনী তারে দান গরা ওইয়্যে আর এগেম্ গোজ্যে পবিত্র আত্মারে তেয়ই গোজেনত্তুন্ পেয়্যে; আর ইক্কিনে তুমি যিয়েন দেগর্ আর শুনোর্ সিয়েন যীশু নিজে দিয়্যে।

প্রেরিত্‌ 2:39

তমাত্যে, তমা পুয়ো-ছাগুনোত্যে আর যিগুনে দূরোত্ আঘন্, এক কধায় আমা প্রভু গোজেনে তা নিজোর্ মানুচ্‌ অবাত্যে যিগুনোরে ডাগিবো, তারা বেক্কুনোত্ত্যে এ উগুমান গরা ওইয়্যে।”

ফগদাং পেইয়্যে 21:6

মরে তে আরঅ কলঅ, “থুম্ ওইয়্যে। মুই আল্‌ফা আর ওমিগা-আরাম্ভ আর থুম্। যাত্তুন্ তিরেচ্‌ পেয়্যে মুই তারে জিংকানি-পানির্ পয়নালাত্তুন মাগানা পানি হেবাত্যে দিম।

ফগদাং পেইয়্যে 22:17

পবিত্র আত্মাগানে আর বৌবো কত্তে, “আয়”। আর যে এ কধাগান শুন্যে তেয়ো কোগ্, “আয়”। যিবের্ তিরেস্ পেইয়্যে তে এজোক্ আর যে পানি হেবাত্যে চায় তে মাগানা জিংকানি-পানি হেই যোক্।