যিশাইয় 44:26 - Chakma Bible

²⁶ মাত্তর্ মুই মঅ চাগরুনোর কধানি সফল্ অবাত্তে দুয়োং আর মঅ দূত্‌তুনোর কধা পূরোণ গরং। মুই যিরূশালেম পৌইদ্যেনে কঙর্, ‘সিয়েনত্ মানুচ্চুনে বজত্তি গুরিবাক্,’ আর যিহূদার্ শঅরানি পৌইদ্যেনে কঙর্, ‘সিয়েনি আরঅ বানা অবঅ।’ মুই দেজর্ ভস্তর্ জাগায়ানি আরঅ বানেম্।

যিশাইয় 44:26 Iomraidhean Croise

২ রাজাবলী 7:16

সেক্কে মানুচ্চুনে নিগিলি যেইনে অরামীয়গুনোর্‌ তাম্বুলান্‌ লুদেলাক্‌। সেক্কে লগেপ্রভুর কধামজিম্‌ ছয় কেজি মোয়দে বার গ্রাম রূবোলোই আর বার কেজি কেজ্‌বিজি বার গ্রাম রূবোলোই বেজা অলঅ।

২ রাজাবলী 7:18

তে রাজারে যেধোক্কেন্‌ কোইয়্যে সেধোক্কেন্‌ ঘটনাগান্‌ ঘুদিলো। তে কোইয়্যেদে, “এজেত্তে কেল্যে এ সময়োত্‌ শমরিয়ার গেদোত্‌ ছয় কেজি মোয়দে বার গ্রাম রূবোলোই আর বার কেজি কেজ্‌বিজিলোই বার গ্রাম রূবো বেজা অবঅ।”

২ রাজাবলী 7:20

আর ঠিগ্‌ সিয়েনোই তা উগুরে ঘুদিলো, কিত্তে গেদো পথ্‌তানথ্‌ তে মানুচ্চুনো টেঙ তলে চাবা পড়িনে মুরি গেলঅ।

ইষ্রা 2:70

ধর্মগুরুগুন, লেবীয়গুন, গানগেইয়্যেগুন, উবোসনা-ঘরর্ চুগিদারুন আর সেবাগুরিয়্যেগুন আর অন্য মানুচ্চুন্ অত্তাৎ বেক্ ইস্রায়েলীয়গুন যে যার্ আদামত্ আর শঅরত্ বজত্তি গরা ধুরিলাক।

নহিমিয় 1:3

তারা মরে কলাক্‌, “বন্দীদজাত্তুন্‌ যিগুনে দেজত্‌ ফিরি যেইয়োন্‌ তারা অমকদ দুগোত্‌ আর অসর্মানর্‌ ওইনে আগন্‌। যিরূশালেমর দেবালান্‌ ভাঙি যেইয়্যে আর সিয়েনর্‌ গেট্‌টুন আগুন্দোই পুড়ি দিয়্যে ওইয়্যে।”

নহিমিয় 2:3

তো রাজারে কলুং, “মহারাজ জিংকানিবর্‌ বাঁজি থেজ্‌। মর্‌ পূরোণিমানুচ্চুনে যে শঅরত্‌ গোর্‌ পেইয়োন্‌ সে শঅরান্‌ যেক্কে ভস্ত ওই যেইয়্যে আর সিয়েনর গেট্‌টুন আগুন্দোই পুড়িনে বর্‌বাত্‌ লাগা ওইয়্যে সেক্কে মর্‌ মুয়োন্‌ কিত্তেই সুদোমু ন-লাগিবো?”

গীতসংহিতা 102:17

তে সর্বহারাগুনোর তবনার জোব্ দিবো; তারার কোজোলিগানি তে ঈচ্ ন-গুরিবো।

গীতসংহিতা 147:2

লগেপ্রভু যিরূশালেমানরে গড়েই তুলিবো; দূর্ গুরি দিয়্যে ইস্রায়েলীয়গুনোরে তেয়ই এগত্তর্ গরে।

গীতসংহিতা 69:35

কিত্তেই গোজেনে সিয়োনানরে উদ্ধোর্ গুরিবো, যিহুদার শঅরানরে আরঅ বানেব; সেক্কেনে তা মানুচ্চুনে সিদু বজত্তি গুরিবাক্ আর সিয়েনর অধিকারি অবাক্।

গীতসংহিতা 69:36

তা চাগরুনো গুট্টির মানুচ্চুনে সিয়েনর অধিকার ইজেবে পেবাক্, আর যিগুনে তারে কোচ্‌পান তারা সিদু বজত্তি গুরিবাক্।

উপদেশক 3:3

মারে ফেলেবার্ সময় আর গম্ গুরিবার সময়, ভাঙি ফেলেবার্ সময় আর বানেবার্ সময়,

যিশাইয় 40:9

ও সিয়োন, গম্ হবর্ তুই যে আন্যস্, তুই অজল্ মুড়োবোত্ যেইনে উঠ্। ও যিরূশালেম, গম্ হবর্ যে তুই আন্যস্, তুই দাঙর্ দাঙর্ গুরি রঅ ছাড়্, রঅ ছাড়্, ন-দোরেচ্; যিহূদার শঅরানিরে কঅ, “এইদঅ তমার গোজেন!”

যিশাইয় 42:19

মঅ চাগরুন বাদে কান্ আর কন্না? মর্ পাদেয়্যে দূত্‌তুনো ধোক্ক্যেন বহ্‌রা আর কন্না? মঅ উগুরে বিশ্বেজ্ গুরিয়্যে ধোক্ক্যেন কান্ আর কন্না? লগেপ্রভুর্ চাগরুনো ধোক্ক্যেন কান্ কন্না?‌‌

যিশাইয় 42:9

চাহ্, পুরোণি ঘটনাগানি ঘুদি যেইয়্যে আর ইক্কিনে মুই নুয়ো ঘটনাগানির্ কধা ফগদাং গুরিম; সিয়েনি ঘুদিবার আগেদি তমাইদু সিয়েনি জানাঙর্।”

যিশাইয় 49:8

লগেপ্রভু কোইয়্যেদে, “দোয়্যে দেগেবার অক্তত্ মুই তমা তবনাগানির জোব্ দিম আর উদ্ধোর্ পেবার দিনোত্ তরে বল্ দিম। মুই তরে রোক্ষ্যে গুরিম আর তঅ মাধ্যমে মানুচ্চুনোত্তে এক্কান সুদোম্ থিদেবর্ গুরিম, যেনে তুই দেজ অবস্থাগান ফিরেই পারচ্ আর খালি পড়ি থেইয়্যে জাগায়ানি আরঅ মানুচ্চুনোর গজগত্ আনি পারচ্।

যিশাইয় 52:9

ও যিরূশালেমর ভস্তর্ জাগায়ানি, তুমি একসমারে রঅ ছাড়ি ছাড়ি হুজির্-গীদ্ গঅ, কিত্তে লগেপ্রভু তা মানুচ্চুনোরে বুঝেয়্যে আর যিরূশালেমানরে উদ্ধোর্ গোজ্যে।

যিশাইয় 54:3

কিত্তে তুই ডেনে আর বাঙেদি ছিদি পড়িবে। তঅ বংশধরুনে অন্য জাদ্‌তুনোর দেজ্‌চান গজক্ গুরিবাক্ আর তারার মানুচ্ নেইয়্যে শঅরানিত্ বজত্তি গুরিবাক্।

যিশাইয় 55:11

ঠিগ্ সেধোক্ক্যেন গুরি মঅ মুয়োত্তুন্ নিগিলি এচ্চ্যে কধানি নিষ্ফল ওইনে মইদু ফিরি ন-এবঅ, বরং সিয়েনি মঅ আওজ্ মজিম্ কাম গুরিবো আর যে আজায় মুই পাদেয়োং সিয়েন সফল অবঅ।

যিশাইয় 58:12

তমা মানুচ্চুনে আগে ভস্ত ওইয়্যে জাগায়ানি আরঅ বানেবাক্ আর পুরোণি দিনো গড়াগানি উগুরে আরঅ গাড়েবাক্; তমারে কুয়ো অবঅ ভাঙা দেবাল আর বজত্তি গুরিবার জাগানর পথ্‌তানি ঠিগ্ গুরিয়্যে।‍‌

যিশাইয় 60:10

বিদেশীগুনে তঅ দেবালান আরঅ তুলি দিবাক্ আর তারার রাজাগুনে তরে সেবা গুরিবাক্। যুনিয়ো রাগে মুই তরে আঘাত্ গোজ্যং তো দোয়্যে গুরি মুই তরে মেয়্যে গুরিম।

যিশাইয় 61:4

তারা আগ দিনোত্ ভস্ত ওইয়্যে জাগানি আরঅ তুলিবাক আর ঠিগ্ গুরিবাক। যেদক্কানি শঅর্ বংশর পর বংশ ধুরিনে ভস্ত ওই যেইয়্যে সিয়েনি তারা আরঅ নূয়ো গুরি বানেবাক্।

যিরমিয় 1:10

চাহ্, উগুরি ফেলেবাত্যে আর ভাঙি ফেলেবাত্তে, ভস্ত আর সর্বনাশ গুরিবাত্তে আর বানেবাত্তে আহ্ থিদেবর্ গুরিবাত্তে এচ্চ্যে মুই তরে জাদ উগুরে আর রেজ্যগানি উগুরে নেযেলুং।”

যিরমিয় 28:9

মাত্তর্ যে ভাববাদীবো শান্তির আগাম্‌‍কধা কোইয়্যে তা কধানি যেক্কে পুরোণ অবঅ বানা সেক্কে জানা যেবদে, তারে ঘেচ্চেকগুরি লগেপ্রভু পাদেয়্যে।”

যিরমিয় 30:18

লগেপ্রভু কোইয়্যেদে, “মুই যাকোব বংশর মানুচ্চুনোর অবস্থা ফিরেম আর তারা উগুরে মেয়্যে গুরিম। শঅরানরে সিয়েনর ভস্ত ওইয়্যে জাগান উগুরে আরঅ তুলো অবঅ আর রাজঘরান্ থিয়্যেই থেবঅ তা আগ জাগানত্।

যিরমিয় 31:4

ইক্কিনে তে কোইয়্যেদে, “ও গাবুরী ইস্রায়েল, মুই তরে আরঅ শিগেইনে তুলিম, সেক্কে তুই আরঅ কাবিল্ ওই উদিবে। তুই আরঅ তর্ ঝোন্‌‌‌ঝোনি নিবে আর ফুত্তিগুরিয়্যেনোর লগে নাজিবাত্তে যেবে।

যিরমিয় 32:15

কিত্তে এ দেজত্ ঘর-বাড়ি, জাগা-জোমিন আর আংগুর খেত্ আরঅ বেজা-কিনে চলিবো। মুই ইস্রায়েলর গোজেন বেগত্তুন্ খেমতাবলা লগেপ্রভু এ কধাগান কঙর্।

যিরমিয় 32:44

বিন্যামীন চাগালাত্, যিরূশালেমর চেরোকিত্তে চাগালাত্, যিহূদার আর নেগেভর বেক্ আদামানি আর শঅরানি আর উজু-নিযো মুড়োমুড়ি চাগালার্ বেক আদামানিত্ অর শঅরানিত্ টেঙা দিইনে খেত্ কিনে অবঅ আর দলিলোত্ সই আর সীলমহ্‌‌‌র দিয়্যে অবঅ আর সাক্ষি রাগা অবঅ, কিত্তে মুই তারার অবস্থাগান ফিরেম। মুই লগেপ্রভু এ কধাগান কঙর্।”

যিরমিয় 33:7

মুই যিহূদা আর ইস্রায়েলর মানুচ্চুনোরে বন্দীদজাত্তুন্ ফিরেই আনিম আর তারা দেজ্‌‌চান আগ ধোক্ক্যেন তুলি দিম।

যিহিষ্কেল 36:10

মুই তমা উগুরে গোদা ইস্রায়েল জাদর্ মানুচ্চুন বাড়েই দিম। শঅরানিত্ মানুচ্ বজত্তি গুরিবাক্ আর ভস্ত ওইয়্যে জাগায়ানি আরঅ তুলো অবঅ।

যিহিষ্কেল 38:17

মুই প্রভু লগেপ্রভু কঙর্, পুরোণি কালত্ মঅ চাগরুনোর্, অত্তাৎ ইস্রায়েল ভাববাদীগুনোর মাধ্যমে মুই যিবে কধা কোইয়োং সিবে কি তুই নয়? সে অক্তত্ বজরর্ পর পর ভাববাদিগুনে কোইয়োন, মুই তরে তারা বিরুদ্ধে আনিম।

দানিয়েল 9:12

আমার আর আমার শাজন্‌গুরিয়্যেগুনোর্ বিরুদ্ধে তুই যে কধানি কোইয়োচ্ সিয়েনি পূরোণ গুরিবাত্তে তুই আমা উগুরে দাঙর্ দযা আন্যচ্। যিরূশালেম উগুরে যিয়েনি গরা ওইয়্যে গোদা পিত্‌‌‌থিমীত্ আর কনজাগাত্ সেবাবোত্যে গরা ন-অয়।

দানিয়েল 9:25

“তুই জানি লঅ আর বুঝি লঅ, যিরূশালেমরে আরঅ ঠিগ্ গুরিবার আর বানেবার উগুম ফগদাং অনাত্তুন্ ধুরি আরাম্ভ গুরিনে সেই মশীহর, অত্তাৎ শাজন্‌গুরিয়্যেবোর এযানা সং সাত গুণ সাত বজর্ আর বাষট্টি গুণ সাত বজর অবঅ। শঅর-চক্করুন আর শঅর রোক্ষ্যের্ বেবস্থা আরঅ নূয়ো গুরিনে বানা অবঅ আর সিয়েন গরা অবঅ দুঘো সময়োত্।

আমোষ 9:14

বন্দীদজাত্ থেইয়্যে মঅ মানুচ্ ইস্রায়েলীয়গুনোরে মুই ফিরেই আনিম; তারা ভস্ত ওই যেইয়্যে শঅরানি আরঅ বানেবাক্ আর সিয়েনিত্ বজত্তি গুরিবাক্। তারা আংগুর খেত্ গুরিনে আংগুর-রস হেবাক্; তারা বাগান গুরিনে সিয়েনর্ ফলুন হেবাক্।

হগয় 1:13

সেক্কে লগেপ্রভু তার হবর্ কোইয়্যে হগয়রে দিইনে মানুচ্চুনোরে কলঅ, “মুই লগেপ্রভু তমা লগে লগে আগং।”

সখরিয় 1:17

মুই বেগত্তুন খেমতাবলা লগেপ্রভু এ এগেমান্ গরঙর্, মর্ শঅরানিত্ আরঅ ভালেদি উগুরি পড়িবো আর মুই আরঅ সিয়োনানরে সান্ত্বনা দিম আহ্ আরঅ যিরূশালেমানরে বেঈ নেযেম।’ ”

সখরিয় 1:6

মাত্তর্ মুই মর্ চাগরুনোরে, অত্তাৎ ভাববাদীগুনোরে যেদক্কানি উগুম দুয়োং, মর্ সেই বেক্ কধানি আর সুদোম্ মজিম কি তমা পূরোণি মানুচ্চুনে সাজা ন-পান্? সেক্কে তারা মনানি ফিরেইনে কোইয়োন্দে যে, বেগত্তুন খেমতাবলা লগেপ্রভু তারার্ আচার-বেবহার আর অভ্যেস্ মজিম তারা উগুরে যিয়েনি গুরিবো বিলি ঠিগ্ গোজ্যে তে সিয়েনই গোজ্যে।’ ”

সখরিয় 12:6

সেদিন্যে যিহূদার নেতাগুনোরে মুই দার্‌‌‌‌‌‌বো কুড়ো ভিদিরে জ্বোল্‌‌‌‌‌‌‌জোল্যে আঙারা ধোক্ক্যেন আর শোজ্য বনা ভিদিরে জ্বোল্‌‌‌‌‌‌‌জোল্যে বম্বা ধোক্ক্যেন গুরিম। তারা ডেনে-বাঙে কায়কুরে বেক্ জাগায়ানি গজক্ গুরিবাক্, মাত্তর্ যিরূশালেম মানুচ্চুনে আরঅ তারার নিজো জাগানত্ বজত্তি গুরিবাক্।

সখরিয় 2:4

তে তারে কলঅ, “তুই ধাবা যেইনে সেই গাবুজ্যে পুয়োবোরে কঅ, ‘যিরূশালেমর্ ভিদিরে মানুচ্ আর য়েমান বেশ্ অনার কারনে সিয়েনত্ কনঅ দেবাল ন-থেবঅ।

মথি লেখ্যে গম্ হবর্ 26:56

মাত্তর্ ইয়েনি বেক্কানি ঘুদিলো যেন পবিত্র বোইবোত্ ভাববাদীগুনে যিয়েনি লেখ্যন্ সিয়েনি পূরোণ্ অয়।” শিচ্চ্যগুনে বেক্কুনে সেক্কে যীশুরে ফেলেইনে ধেই গেলাক্।

মথি লেখ্যে গম্ হবর্ 5:18

মুই তমারে ঘেচ্চেক্‌‌গুরি কঙর্, আগাজ্ আর পিত্‌থিমীগান্ শেজ্ ন-অনা সং, যেদক্ বিলোন্ সং রীদি-সুদোমর্ বেক্ কধানি ন-ফলে সেদক্ বিলোন সং সেই রীদি-সুদোমর্ এক ফুদো কি এক্কেনায়ো বাদ্ ন-যেবঅ।

লূকে লেখ্যে গম্ হবর্ 24:44

সিয়েন পরেদি তে তারারে কলঅ, “মুই যেক্কে তমা সমারে এলুং সেক্কে কোইয়োং, মোশির আইন-কানুনোত্, ভাববাদীগুনোর লেগাত্ আর গীতসংহিতা ভিদিরে মঅ পৌইদ্যেনে যে যে কধানি লেগা আঘে সিয়েনি বেক্কানি পূরোণ্ উয়ো পুরিবো।”