যিশাইয় 44:25 - Chakma Bible

²⁵ ভন্ড ভাবভাদীগুনোর্ চিহ্নোগানি মুই বিফল গুরি দুয়োং আর গণক্ক্যেগুনোরে ভুল-বেদমা বানাং। মুই জ্ঞানীগুনোর শিক্ষ্যেগানি বিফল গুরিনে সিয়েনি ভুল-বেদমাগুনোর্ শিক্ষ্যে বানাং।‌

যিশাইয় 44:25 Iomraidhean Croise

২ শমূয়েল 15:31

সেক্কে দায়ূদোরে কন্না কলঅ, “অবশালোম লগে কুজুরোমিগুরিয়্যে গুনোর ভিদিরে অহীথোফলেয়ো আঘে।” এ কধাগান শুনিনে দায়ূদ ইয়েন কোইনে তবনা গুরিলো, “ও লগেপ্রভু, তুই অহীথোফলর্‌ সল্লাগানরে ফোলেই ন-দিচ্।”

২ শমূয়েল 16:23

সেক্কে দিনোত্‌ অহীথোফলর দিয়্যে সল্লাগানরে মনে গুরিদাক্ যেনে সিয়েনি গোজেনর ইত্তুন্‌ এচ্যে। অহীথোফলর সল্লাগানরে দায়ূদে আর অবশালোমে দ্বিজনে সিয়েনই মনে গুরিদাক্।

২ শমূয়েল 17:23

অহীথোফলে যেক্কে দেগিলো, তা সল্লা মজিম্‌ কাম গরা ন-অলঅ সেক্কে তে তা গাধাবো উগুরে গদিবো চাবিনে তা নিজো আদাম ঘরত্‌ গেলঅ। তা ঘরর্‌ বেক্কানি বেবস্থা গুরিনে তে গত্তনাত্‌ ধুরি বানিনে মুরিলো। তা বাব গোরবোত্‌ তারে গোর্ দিয়্যে অলঅ।

১ রাজাবলী 22:37

এধোক্ক্যেন্‌গুরি ইস্রায়েল রাজা মুরি গেলঅ আর তারে শমরিয়াত্‌ আনা অলঅ। মানুচ্চুনে তারে সিদু গোর্ দিলাক্‌।

২ বংশধর 18:11

অন্য ভাববাদীগুনেয়ো একই কধা কলাক্‌। তারা কলাক্‌, “রামোৎ-গিলিয়দ আক্রমণ গুরিনে সিয়েন্‌ জয় গুরি নেযা, কিত্তে লগেপ্রভু সিয়েন্‌ মহারাজ আঢত্‌ তুলি দিবো।”

২ বংশধর 18:34

পুরো দিন্নো জদবদে যুদ্ধো চলিলো আর ইস্রায়েলর রাজারে রথ্‌তান ভিদিরে অরামীয়গুনোর মুজুঙো-মুজুঙি গুরি বোজেই রাগা অলঅ, আর বেলান্‌ ডুবিবেল্লোই অক্তত্‌ তে মুরি গেলঅ।

গীতসংহিতা 33:10

বেক্ জাদ্‌তুনোর সল্লাগানি লগেপ্রভুই অকেজো গুরি দে; তারার্ চিদে চজ্জানি তেয়ই বিফল গুরি দে।

যাত্রা 9:11

যাদু গুরিয়্যেগুনে মোশি মুজুঙোত্‌ ঠিয়্যেই ন-পারিলাক্, কিত্তে অন্য মিসরীয়গুনো ধোক্ক্যেন তারার্‌অ ফোড়া ওইয়োন্‌।

যিশাইয় 19:3

মিসরীয়গুনে মন বল্ আরেবাক্, আর মুই তারার সল্লাগান্ নিষ্ফল গুরি দিম্। তারা মূত্তি আর মরাগুনোর্ আত্মার্ ইধু, ভূদো ইধু, আর ভান্ন্যেই আত্মাগুনো সমারে মিজেয়্যে রোক্ক্যেগুরিয়্যেগুনো ইধু সল্লা চেবাক্।

যিশাইয় 29:14

সেনত্তে মুই আরঅ দোল্ আমক্ অবার কাম্‌বোই এ মানুচ্চুনোরে হতভম্ব গুরিম; সেক্কে জ্ঞানীগুনোর্ জ্ঞানানি বর্‌বাত ওই যেবঅ আর বুদ্ধিবলাগুনোর্ বুদ্ধিগানি লুগি যেবগোই।” ‌‌

যিরমিয় 49:7

ইদোমর পৌইদ্যেনে বেগত্তুন্ খেমতাবলা লগেপ্রভু কোইয়্যেদে, “তৈমনত্ কি জ্ঞান নেই? বুদ্ধিবলাগুনোত্তুন্ কি উপদেশ থুম্ ওই যেইয়্যে? তারার জ্ঞান কি ক্ষয় ওই যেইয়্যে?

যিরমিয় 50:36

তার্ ভন্ড ভাববাদীগুনো বিরুদ্ধে রোইয়্যেদে তলোয়ার; তারা ভুল্ ওই যেবাক্। তা যোদ্ধাগুনোর বিরুদ্ধে রোইয়্যেদে তলোয়ার; তারা অমকদ দোরেবাক্।

যিরমিয় 51:57

যিবের্ নাঙান বেগত্তুন্ খেমতাবলা লগেপ্রভু সেই রাজাবো কোইয়্যেদে, “মুই তার রাজার চাগরুনোরে, জ্ঞানী মানুচ্, শাজন্‌গুরিয়্যে, দাঙর্ পোজিশনর কামগুরিয়্যেগুন আর যোদ্ধাগুনোরে মাত্তল্ গুরিম। তারা উমরত্যে ঘুম যেবাক্; তারা আর ন-জাগিবাক্।

দানিয়েল 1:20

জ্ঞান আর বুদ্ধির পৌইদ্যেনে পত্তি পৌইদ্যেনে রাজা তারারে পুযোর্ গুরিনে বুঝি পারিলো যে, তারা তা গদা রেজ্যগানি ভিদিরে বেক্ যাদুগুরিয়্যে আর ভূতোর্ ওঝাগুনোত্তুন্ দশগুন গম্।

দানিয়েল 4:7

যাদুকর, ভূদো ওঝা, জ্যোতিষী আর গোণোক্ক্যেগুনে মইদু এজানার পরেদি মুই তারা ইধু স্ববনান্ কলুং, মাত্তর্ তারা সিয়েনর ভেদ্‌তান্ কোই ন-পারিলাক্।

হোশেয় 9:7

ইস্রায়েল যেন হবর্ রাগায়, সাজার্ দিন্নো এই যেইয়্যে, ইজেব-নিকেশর্ দিন্নো এইচ্চ্যে। তারার্ পাপ জনেদি বোউত্ আর তারা গোজেনরে এদক্ ঈচ্ গরনদে যে, তারা ভাববাদীগুনোরে বেদমা আর গোজেনর আত্মায় পেইয়্যে মান্‌জ্যরে পাগল্ মনে গরন্।

মীখা 3:7

সেক্কে সেই দর্শন পেইয়্যেগুনে লাজত্ পড়িবাক্ আর গোণোক্ক্যেগুনে অসর্মানিত অবাক্। তারা বেক্কুনে মুয়োনি লুগেবাক্, কিত্যে গোজেনে কনঅ জোব্ ন-দিবো।

সখরিয় 10:2

মূত্তিগুনে ছলনার কধা কন্, গোণোক্ক্যেগুনে মিজে দর্শন দেগান; তারা যে স্ববনর কধাগান কন্ সিয়েন মিজে, আর তারা মিজে সান্তনা দুয়োন। সেনত্তে মানুচ্চুনে অত্যেচারিত্ ওইনে ভেড়া ধোক্ক্যেন ঘুরি বেড়ান্, কিত্যে তারার্ গরক্ নেই।

গণাণা 23:23

যাকোব উগুরে কনঅ যাদুবিদ্যে ন-খাদেব; ইস্রায়েল উগুরে ন-খাদেবে কনঅ তন্ত্রমন্ত্র। যাকোব, অত্তাৎ ইস্রায়েল পৌইদ্যেনে ইক্কিনে এই কধানি কুয়া যায়, ‘গোজেনে যিয়েনি গোজ্যে সিয়েনি চাহ্।’