যিশাইয় 44:22 - Chakma Bible

²² মেঘ ধোক্ক্যেন গুরি তর্ বেক অন্যেয়ানি আর বেন্যে মাঢান্ কুয়ো ধোক্ক্যেন গুরি তর্ বেক পাব্‌‍পানি মুই দূর্ গুরি দুয়োং। তুই মইদু ফিরি আয়, কিত্তে মুয়ই তরে উদ্ধোর্ গোজ্যং।” ‍‍

যিশাইয় 44:22 Iomraidhean Croise

২ শমূয়েল 12:13

সেক্কে দায়ূদ নাথনরে কলঅ, “মুই লগেপ্রভুর বিরুদ্ধে পাপ গোজ্যং।” জোবত্‌ নাথনে কলঅ, “লগেপ্রভু তঅ পাপ্পান্‌ খেমা গুরিলো; তুই মুরি ন-যেবে।

২ বংশধর 6:21

এ জাগান ইন্দি ফিরিনে তঅ চাগরুনে আর তর্‌ মানুচ্‌ ইস্রায়েলীয়গুনে যেক্কে কোজোলি গুরিবাক্‌ সেক্কে তুই শুনিচ। তর্‌ থেবার্‌জাগা স্বর্গত্তুন্‌ তুই সিয়েনি শুনিজ্‌ আর তারারে খেমা গুরিচ্‌।

নহিমিয় 4:5

তারার্‌ অন্যেয়ানি তুই মাব্‌ ন-গুরিচ্‌ বা তঅ চোগোর্‌ মুজুঙোত্তুন্‌ তারার্‌ পাপ্পানি তুই ফুজি ন-ফেলেচ্‌, কিত্যে যিগুনে দেবালান্‌ গাদাদন্‌ তারার্‌ মুজুঙোত্‌ তারা তরে অগমান্‌ গোজ্যন্‌।”

ইয়োব 37:11

তে ঘন মেঘচাগত্ পানি ভরায়; তা ঝিমিলেনিগানরে তে মেঘ ভিদিরেদি ছিদি দে।

গীতসংহিতা 103:12

পোজিমেত্তুন্ ধুরি পূগেন্দি যেত্তমান্ দূরোত্, আমা বেক পাপ্পানি তে সেত্তমান্ দূরোত্ সোরেই দিয়্যে।

গীতসংহিতা 109:14

তারার পুরোণি মানুচ্চুনোর অন্যেয়র কধানি লগেপ্রভুর মনত্ থোক্; তারার মা গুনোর পাপ্পানি বাদ দিয়া ন-ওক্।

গীতসংহিতা 130:8

তেয়ই ইস্রায়েলরে তার বেক্ অন্যেয়ানিত্তুন্ উদ্ধোর্ গুরিবো।

গীতসংহিতা 51:1

ও গোজেন, তর্ অমকদ কোচ্‌পানাত্তে মঅ উগুরে দোয়্যে গর্; তর্ অমকদ দোয়্যে-মেয়্যেত্তে‌ তঅ উগুরে মর্ বেক্ উল্লোমিগানি ক্ষেমা গর্;

গীতসংহিতা 51:9

তুই মর্ পাপ্পানির ইন্দি ন-চেজ্; মর্ বেক্ অন্যেয়ানি তুই খেমা গর্।

যাত্রা 18:9

মিসরীয়গুনো আদত্তুন্‌ ইস্রায়েলীয়গুনোরে উদ্ধোর্‌ গুরিবাত্তে যেইনে লগেপ্রভু তারারে যেদক্কানি এজাল্‌ দিয়্যে সিয়েনত্তেই যিথ্রো হুজি ওইনে কলদে, “ধন্য লগেপ্রভু, যিবে ফরৌণ আর মিসরীয়গুনো আদত্তুন্‌ তমারে উদ্ধোর্‌ গোজ্যে! এই বেক্‌ মানুচ্চুনোরে তেয়ই মিসরীয়গুনো আদত্তুন্‌ উদ্ধোর্‌ গোজ্যে।

যিশাইয় 1:18

লগেপ্রভু আরঅ কোইয়্যেদে, “ইক্কিনে এজঅ, আমি বুঝোপাড়া গুরিই। যুনিয়ো তমার্ বেক্ পাপ্পানি দোক্ দোক্ক্যে রাঙা ওইয়্যে তো সিয়েনি বরফ ধোক্ক্যেন ধুব্ অবঅ; যুনিয়ো সিয়েনি রাঙা রঙর্ ওইয়্যে তো সিয়েনি ভেড়া কেশ ধোক্ক্যেন্ ধুব্ অবঅ।

যিশাইয় 1:27

গোজেনে তার দোল্ বিচের্‌‌লোই সিয়োনানরে উদ্ধোর্ গুরিবো, আর যিগুনে পাপত্তুন্ মনান্ ফিরেবাক্ তারারে উদ্ধোর্ গুরিবো তা গমান্দোই।

যিশাইয় 31:6

ও ইস্রায়েলীয়গুন্, তুমি যিবের্ বিরুদ্ধে এদক্ উল্লোমী গোজ্য তাইদু ফিরি এজঅ,

যিশাইয় 33:24

সিয়োনত্ বজত্তিগুরিয়্যে কনজনে ন-কবাক্, “মুই অসুগ্।” যিগুনে সিয়েনত্ বজত্তি গরন্ তারার পাপ্‌‌পানি খেমা গরা অবঅ।

যিশাইয় 41:14

ও যাকোব, ও ইস্রায়েল, তুই যুনিয়ো পুগো ধোক্ক্যেন সামান্য তো ন-দোরেচ্; মুই নিজেই তরে সাহায্য গুরিম। মুই লগেপ্রভু তর্ উদ্ধোরগুরিয়্যে ইস্রায়েলর সেই সুদ্ধো-সাংগ মানুচ্চো এ কধাগান কঙর্।

যিশাইয় 43:1

ও যাকোব, যিবে তরে সৃট্টি গোজ্যে, ও ইস্রায়েল, যিবে তরে বানেয়্যে, সেই লগেপ্রভু ইক্কিনে এ কধাগান কত্তে, “তুই ন-দোরেচ্, কিত্তে মুই তরে উদ্ধোর্ গোজ্যং। মুই তঅ নাঙান্ ধুরিনে ডাক্যং, তুই মর্।

যিশাইয় 43:25

“মুই, মুয়ই মর্ নিজোত্তে তঅ অন্যেয়ানি ফুজি ফেলাং; মুই তঅ পাপ্‌‌‌‍পানি আর ইদোত্ ন-তুলিম।‍

যিশাইয় 48:20

তুমি বাবিলান ছাড়িনে যগোই, বাবিলীয়গুনো ইত্তুন্ ধেই যঅ। তুমি হুজিয়ে রঅ ছাড়িনে জানঅ, ফগদাং গরঅ। পিত্‌‌‌থিমীর শেজ্ ধুজি সং এ কধাগান কঅ, “লগেপ্রভু তা চাগর্ যাকোবরে উদ্ধোর্ গোজ্যে।”

যিশাইয় 51:11

লগেপ্রভুর্ রোক্ষ্যে গুরিয়্যে মানুচ্চুনে ফিরি এবাক্ আর গীদ্ গাদে গাদে সিয়োনত্ চোমেবাক্। উমরত্তে হুজি অবঅ তারার মাঢাবোর মুকুট্‌তো। তারা অমকদ হুজি অবাক্ আর দুঘ্ আহ্ বঅ নিজেস্ ফেলানাগান্ ধেই যেবঅ।

যিশাইয় 52:9

ও যিরূশালেমর ভস্তর্ জাগায়ানি, তুমি একসমারে রঅ ছাড়ি ছাড়ি হুজির্-গীদ্ গঅ, কিত্তে লগেপ্রভু তা মানুচ্চুনোরে বুঝেয়্যে আর যিরূশালেমানরে উদ্ধোর্ গোজ্যে।

যিশাইয় 55:7

পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

যিরমিয় 18:23

মাত্তর্ ও লগেপ্রভু, মরে মারেই ফেলেবাত্তে এই বেক্ কুজুরোমির কধানি দঅ তুই হবর্ পাজ। তারার এই অন্যেয়ানি তুই খেমা ন-গুরিচ্ বা তঅ চোগো মুজুঙোত্তুন তারার পাব্‌‌‌‍‍‍‍পানি পুজি ন-ফেলেচ্। তঅ মুজুঙোত্ তারা পড়ি যাদোক্; তর্ রাগর সময়োত্ তুই তারারে সাজা দিচ্।‍

যিরমিয় 3:1

লগেপ্রভু কোইয়্যেদে, যুনি কনঅ মান্‌জ্যে তা মোক্কোরে ছাড়ি দে আর সে মিলেবো তারে ছাড়িনে অন্য মান্‌জ্যরে লয়, সালে সে মরত্তোর্ কি আরঅ সেই মিলেবো ইধু ফিরি যেবার সুদোম্ আঘে? যুনি যায় সালে সে দেজ্‌চান পুরোপুরি অসিজি ওই যেবঅ। মাত্তর্ তুই দঅ ভালোক্কুনো সমারে থেইনে বেশ্যে ধোক্ক্যেন জিংকানি কাদেয়োচ্; ইক্কিনে তুই কেধোক্ক্যেন গুরিনে মইধু ফিরি এবে?‌‌‌‌‌

যিরমিয় 33:8

মঅ বিরুদ্ধে তারা যেদক্কানি পাপ গোজ্যন্ সিয়েনিত্তুন্ তারারে শুদ্ধো গুরিম আর মঅ বিরুদ্ধে গোজ্যে তারার বেক অন্যেয়ানি আর উল্লোমীগানি খেমা গুরিম।

যিরমিয় 50:20

সে অক্তত্ ইস্রায়েলর ভান্ন্যেয়র কামানি তগা অবঅ মাত্তর্ এক্কান ন-থেবঅ, যিহূদার পাব্‌‌‌‌‌পানি তগা অবঅ মাত্তর্ মাত্তর্ এক্কান্‌অ পাহ্ ন-যেবঅ, কিত্তে মুই যিগুনোরে বাঁজেই রাগেম্ তারারে মুই খেমা গুরিম।

যিহিষ্কেল 16:63

মুই যেক্কে তর্ বেক অন্যেয়ানি খেমা গুরিম সেক্কে তুই সেই বেক্ অন্যেয় কামানির্ কধা ইদোত্ তুলিনে লাজেবে আর তর্ অসর্মানত্তে আর কনদিন্‌অ মুয়োন ন-খুলিবে। মুই প্রভু লগেপ্রভু এ কধাগান কঙর্।”

মীখা 7:18

তঅ ধোক্ক্যেন গোজেন আর কনজন নেই যিবে তার বাঁজি থেইয়্যে মানুচ্চুনোর পাপ আর অন্যেয়ানি খেমা গুরি দে। তুই জিংকানিবর্ রাগ্‌কান পুষি ন-রাগেচ্ বরং তর্ গভীন কোচ্‌পানা দেগাদে হুজি ওচ্।

সখরিয় 1:3

সেনত্তে তুই মানুচ্চুনোরে কঅ, মুই বেগত্তুন্ খেমতাবলা লগেপ্রভু কঙর্, ‘তুমি মইন্দি ফিরো, সেক্কে মুইয়ো তমা ইন্দি ফিরিম।

সখরিয় 3:4

সেই দূত্‌তো নিজো মুজুঙোত্ থিয়্যেই থেইয়্যে অন্য দূত্‌তুনোরে কলঅ, “তার কজরা কাবড়-চুগোরানি খুলি ফেলঅ।” সে পরেদি তে যিহোশূয়রে কলঅ, “চাহ্, মুই তঅ পাপ্পানি দূর্ গুরি দুয়োং‌‌ আর মুই তরে দোল্ কাবড়-চুগোর্ উরেম।”

১ করিন্হীয় 6:20

বোউত্ দাম্ দিইনে তমারে কিনে ওইয়্যে। সেনত্তে গোজেনর্ বাঈনীত্তে তমা কিয়্যেগানি বেবহার গরঅ।

দ্বি’লম্বর বিররণ 32:43

ও বেক জাদর্‌ মানুচ্চুন, তুমি লগেপ্রভুর মানুচ্চুনো সমারে তার বাঈনী গরঅ, কিত্যে তে তার চাগরুনোর লো-গানর্ হেনা শুজিবো, তার শত্রুগুনোরে সাজা দিবো আর তার দেজ্‌চান আহ তা মানুচ্চুনোর পাপ ঢাগিবার বেবস্থা গুরিবো।