যিশাইয় 44:17 - Chakma Bible

¹⁷ বাদবাগি ভাগ্‌কান্দোই তে এক্কো দেবেদা, অত্তাৎ এক্কো মূত্তি বানেইনে আর মাদিত্ মাঢা নিগিড়িনে তারে জু জু গরে আর পূজো গরে। তে তাইদু তবনা গুরিনে কয়, “মরে উদ্ধোর্ গর্; তুয়ই মর্ দেবেদা।”

যিশাইয় 44:17 Iomraidhean Croise

১ রাজাবলী 18:26

যে বলদ গোরুবো তারারে দিয়্যে অলঅ তারা সিবে কাবিনে যুক্কোল্‌ গুরি নেযেলাক্‌। সে পরেন্দি তারা বেন্যেত্তুন্‌ ধুরি দিবুজ্যে সং বাল দেবেদাবোরে ডাগা ধুরিলাক্‌। তারা রঅ ছাড়ি ছাড়ি কুয়া ধুরিলাক্‌, “ও বালদেব, আমারে জোব্‌ দে।” মাত্তর্‌ কনঅ সাড়া ন-মিলিলো, কনজনে জোব্‌ ন-দিলো। যে ডালিপূজোবো তারা বানেয়োন্‌ সিবের্‌ চেরোকিত্তে তারা নাজা ধুরিলাক্‌।

১ রাজাবলী 18:28

সেনত্তে তারা আরঅ দাঙর্‌ গুরিনে রঅ ছাড়া ধুরিলাক্‌ আর তারার্‌ সুদোম মজিম্ কিয়্যেত্‌ লো নালি বেঈ ন-যানা সং ছুড়িলোই আর কাদালোই নিজোরে কাবা ধুরিলাক্‌।

যিশাইয় 2:8

ইয়েনি বাদেয়ো তারা দেজ্‌ছান মুত্তিলোই ভরা। তারা আঢ্‌তোই বানেয়্যে জিনিজো ইদু তারা জু জু গরন্, তারা যিয়েনি আঙুল্লোই বানেয়োন সিয়েনি ইদু মাঢাবো নিগিরোন্।

যিশাইয় 37:38

একদিন্যে সন্‌হেরীবে যেক্কে তা দেবেদা নিষ্রোকর মন্দিরোত্ পূজো গরের্ সেক্কে অদ্রম্লেলক আর শরেৎসর নাঙে তার্ দ্বিবে পুয়ো তারে তলোয়ার্‌‌‌লোই মারে ফেলেইনে অরারট দেজত্ ধেই গেলাক্। সন্‌হেরীবর জাগানত্ তার পুয়ো এরস-হদ্দোনে রাজা অলঅ।

যিশাইয় 44:15

পরেদি সিবে মান্‌জ্যর্ জ্বালাইদ্যে গাজ্ অয়। তে সিবেত্তুন্ কিজু নিইনে আগুন পুয়োই, আরঅ আগুন্ জ্বালেইনে রুটি সেগে, আর এক্কো দেবেদা বানেইনে সিবেরে পুজোয়ো গরে, আরঅ মূত্তি বানেইনে মাদিত্ পড়িনে সিবেরে জু জু জানায়।

যিশাইয় 44:16

তে তক্তার্ এক ভাগ্‌কোই আগুন জ্বালায়, সে পরেদি তে সিয়েন উগুরে তা হানা বানায় আর য়েরা অদ্দেক্ পুড়িনে পেট্ ভুরি হায়; আর আগুন পুয়োইনে তে কয়, “আহা! মুই আগুন পুয়োলুং, আগুনো গরম্ নিলুং।” ‌

যিশাইয় 45:20

ও অন্য জাদর্ বাঁজি থেইয়্যে মানুচ্চুন্, তুমি এক সমারে এগত্তর্ ওইনে এজঅ। যিগুনে গাজ মূত্তি বুয়োইনে বেড়ান্ আর এবাবোত্যে দেবেদা ইদু তবনা গরন্ যে উদ্ধোর গুরি ন-পারে তারা কিচ্চু হবর্ ন-পান।

যিশাইয় 46:6

কেউ কেউ তারার থৈল্যেত্তুন্ সনা ঢাল আর পাল্লালোই রূবো মাবন্। সিয়েনিলোই তারা দেবেদা বানেবাত্তে সনা বান্যেগুনোরে দুয়োন; পরেদি তারা সেই দেবেদাগুনোরে জু জু জানান্ আর পূজো গরন।

যিরমিয় 2:27

তারা তক্তারে কন্, ‘তুই মর্ বাপ্,’ আর পাত্তর্‌বোরে কন্, ‘তুই মর্ মা।’ তারা মঅ মোক্ক্যে ন-ফিরোন, তারা পিঠ্‌‍‍ দুয়োন; তো দযা এলে তারা কন্দে, ‘তুই আয়, আমারে উদ্ধোর গর্।’ ‌

দানিয়েল 3:17

আমি যে গোজেনর্ সেবা গুরিই তে যুনি চায় সালে সেই দোগ্‌দোক্যে আগুনো চুলোত্তুন্ আর তঅ আঢত্তুন্ আমারে উদ্ধোর গুরিবো।

দানিয়েল 3:29

সেনত্তে মুই এ উগুমান দুয়োঙর্, কনঅ জাদর্, দেজর্ বা ভাষার মানুচ্ যুনি শদ্রক, মৈশক আর অবেদ্-নগোর গোজেন বিরুদ্ধে কিজু কন্ সালে তারে কট্টা কট্টা গুরিনে কাবি ফেলা অবঅ আর তার ঘরানি কাজর-কুড়্ বানা অবঅ, কিত্যে আর কনঅ দেবেদা এবাবোত্যেগুরি উদ্ধোর্ গুরি ন-পারে।”

দানিয়েল 6:16

যেরেদি রাজা উগুম দিলো আর মানুচ্চুনে দানিয়েলরে আনিনে সিংহ গাদত্ ফেলেই দিলাক্। সেক্কে রাজা দানিয়েলরে কলঅ, “তুই নিত্য যিবেরে সেবা গরচ্ সেই গোজেনে যেন তরে রোক্ষ্যে গরে।”

দানিয়েল 6:27

তে রোক্ষ্যে আর উদ্ধোর গরে; তে আগাজত্ আহ্ পিত্‌‌থিমীত্ চিহ্নো ইজেবে নানান্ বাবোত্যে আমক্ কাম গরে। তে সিংহগুনো আঢত্তুন্ দানিয়েলরে রোক্ষ্যে গোজ্যে।

হোশেয় 13:2

ইক্কিনে তা মানুচ্চুনে আরঅ বেশ্ গুরি পাপ গোজ্যন্; তারার্ রূবোগানিলোই তারা নিজোত্তে কাবিল আঢ্‌‌তোই বানেয়্যে মূত্তি, অত্তাৎ কাবিল্ আত্‌‌‌‌তোই মূত্তি বানেয়্যন; সিগুন বেক্কুন্ কালিগর কাম। এ মূত্তিগুনো পৌইদ্যেনে তারা কন্, “যিগুনে উৎসর্ব গরন্ তারা গোরু ছঅ-মূত্তিগুনোরে চুমোদোক্।”

মীখা 5:12

মুই তর্ যাদুবিদ্যেগানি বর্‌বাদ্ গুরিম; মায়াবিদ্যে বেবহার গুরিয়্যেগুন আর তইদু ন-থেবাক্।

হবক্‌‌‌‌কূক 2:19

“জাদ্‌তুনে কবাক্‌‌, ‘অভিশাব্ দিই তারে, যে তক্তাগানরে জেদা অবাত্তে কয় বা পরাণ নেইয়্যে শিল্লোরে জাগি উদিবাত্তে কয়।’ সিগুনে কি তারে শিক্ষ্যে দি পারন? সিগুন্ দঅ সনা আর রূবো দিইনে বেড়েয়্যে; সিগুনো ভিদিরে নিজেস্ নেই।

প্রেরিত্‌ 19:27

ইয়েনত্ বানা যে আমার বেবসার সুনাং যেবঅ সিয়েন নয়, মাত্তর্ মহান দেবী আর্তেমিসর মন্দির-অ মিঝে ওই যেবঅ। আর এশিয়া রেজ্যর্ বেক্‌ মানুচ্চুনে, এমন্‌ কি, জগদর্ বেক্কুনে যে দেবীর উবোসনা গরন্ তে নিজেয়ো মহান ন-থেবঅ।”