যিশাইয় 44:15 - Chakma Bible

¹⁵ পরেদি সিবে মান্‌জ্যর্ জ্বালাইদ্যে গাজ্ অয়। তে সিবেত্তুন্ কিজু নিইনে আগুন পুয়োই, আরঅ আগুন্ জ্বালেইনে রুটি সেগে, আর এক্কো দেবেদা বানেইনে সিবেরে পুজোয়ো গরে, আরঅ মূত্তি বানেইনে মাদিত্ পড়িনে সিবেরে জু জু জানায়।

যিশাইয় 44:15 Iomraidhean Croise

২ বংশধর 25:14

অমৎসিয় ইদোমীয়গুনোরে মারে ফেলেইনে ফিরি এবার্‌ অক্তত্‌ সেয়ীরোর্‌ মানুচ্চুনোর্‌ মূত্তিগুন্‌ লগে গুরি নেযেইনে এলঅ। সিগুনোরে তে নিজোর্‌ দেব-দেবেদা ইজেবে বোজেই দিলো তারারে পূজো গুরিবাত্তে আর তারার্‌ নাঙে আগর্‌বাট্টি জ্বালা ধুরিলো।

যিশাইয় 2:8

ইয়েনি বাদেয়ো তারা দেজ্‌ছান মুত্তিলোই ভরা। তারা আঢ্‌তোই বানেয়্যে জিনিজো ইদু তারা জু জু গরন্, তারা যিয়েনি আঙুল্লোই বানেয়োন সিয়েনি ইদু মাঢাবো নিগিরোন্।

যিশাইয় 44:10

কন্না দেবেদা বানেয়্যে আর অপদাত্ত মূত্তি ছাজিনে ঢাল্যে?

যিশাইয় 44:14

কনজনে এরস গাজ্ কাবন্, বা অয়ত তর্সা বা এলোন গাজ বেঈ নেযান্। তে ঝার গাজপালা ভিদিরে সিবেরে বাড়িবাত্তে দুয়োন, বা তে ঝাউ গাজ লাগায় আর ঝড়ানে সিবেরে বাড়েই তুলে।

যিশাইয় 44:16

তে তক্তার্ এক ভাগ্‌কোই আগুন জ্বালায়, সে পরেদি তে সিয়েন উগুরে তা হানা বানায় আর য়েরা অদ্দেক্ পুড়িনে পেট্ ভুরি হায়; আর আগুন পুয়োইনে তে কয়, “আহা! মুই আগুন পুয়োলুং, আগুনো গরম্ নিলুং।” ‌

যিশাইয় 44:17

বাদবাগি ভাগ্‌কান্দোই তে এক্কো দেবেদা, অত্তাৎ এক্কো মূত্তি বানেইনে আর মাদিত্ মাঢা নিগিড়িনে তারে জু জু গরে আর পূজো গরে। তে তাইদু তবনা গুরিনে কয়, “মরে উদ্ধোর্ গর্; তুয়ই মর্ দেবেদা।”

যিশাইয় 45:20

ও অন্য জাদর্ বাঁজি থেইয়্যে মানুচ্চুন্, তুমি এক সমারে এগত্তর্ ওইনে এজঅ। যিগুনে গাজ মূত্তি বুয়োইনে বেড়ান্ আর এবাবোত্যে দেবেদা ইদু তবনা গরন্ যে উদ্ধোর গুরি ন-পারে তারা কিচ্চু হবর্ ন-পান।

যিশাইয় 46:6

কেউ কেউ তারার থৈল্যেত্তুন্ সনা ঢাল আর পাল্লালোই রূবো মাবন্। সিয়েনিলোই তারা দেবেদা বানেবাত্তে সনা বান্যেগুনোরে দুয়োন; পরেদি তারা সেই দেবেদাগুনোরে জু জু জানান্ আর পূজো গরন।

ফগদাং পেইয়্যে 9:20

মাত্তর্ এই আঘাতর্ পরেদিয়ো যিদুক্কুন মানুচ্ বাঁজি এলাক্ তারা নিজো আঢে বানেয়্যে মূত্তিগুনোত্তুন মনানি ন-ফিরেলাক্, তারা ভান্ন্যেই আত্মাগুনোর আর যিগুনে ন-দেগন্, ন-শুনোন্ বা আঢি ন-পারন এবাবোত্যে বেক্ সনা, রূবো, পিদোল, পাথর্ আর গাজ্‌সোই বানেয়্যে মূত্তিগুনোরে পূজো গরানাত্ থেলাক্।

বিচের গুরিয়্যেগুন 2:19

মাত্তর্‌ সেই শাজন্ গুরিয়েবো মুরি গেলে মানুচ্চুনে আর দেব-দেবেদাগুনোর্‌ ইন্দি মনান্‌ দিদাক্‌ আর তারারে সেবা আহ্‌ পূজো গুরিনে তারার্‌ পূরোণি মানুচ্চুনোত্তুন্‌ বেশ্‌ আরঅ‌ বজং পদেন্দি ফিরি যেদাক্‌। তারা কনবাবদে তারার্‌ ভাজ্‌ন্যেই হাচ্যত্‌ আর একগঙ্যা পথ্‌তান্‌ ন-ছাড়িদাক্‌।