যিশাইয় 43:6 - Chakma Bible

⁶ মুই উত্তোরেদি দেজ্‌চানিরে কোম্, ‘তারারে ইরি দে,’ আর দোগিনে দেজ্‌‌চানিরে কোম্, ‘তারারে আক্‌সোই ন-রাগেয়ো‌‌।’ মুই তারারে কোম্, ‘তুমি দূরোত্তুন্ মঅ পুয়োগুনোরে আর পিত্‌‌‌থিমীর শেজ্ দুযিত্তুন্ মঅ ঝিগুনোরে আন্।‍‌‌‌‌‌

যিশাইয় 43:6 Iomraidhean Croise

গীতসংহিতা 107:3

তে অন্য দেজত্তুন্ তারারে এক জাগাত্ আন্যে, আন্যে পূগ-পোজিমেত্তুন্ আর উত্তোর-দোগিনেত্তুন্।

যিশাইয় 11:12

তে জাদ্‌তুনোত্তে এক্কান বাবতা তুলিবো আর বিদেশত্ বানি থোইয়্যে ইস্রায়েলীয়গুনোরে এগত্তর্ গুরিবো; যিহূদার্ ছিদি পড়ি থেইয়্যে মানুচ্চুনোরে তে পিত্‌থিমীর চেরো কিত্তেত্তুন্ এগত্তর্ গুরিবো।‌‌

যিশাইয় 18:7

সে সময়োত্ বেগত্তুন্ খেমতাবলা লগেপ্রভু ইদু সেই লাম্বা আর নরম চামাড়ার্ জাদ্‌‌‌তুনো ইত্তুন্ বক্‌‌শিজ্ এবঅ। ইবে সেই জাদ্ যিবেরে কায়কুরে আর দূরো মানুচ্চুনে দরান্। ইবে সেই খেমতাবলা জাদ্ যে অন্যগুনোরে টেঙোই মাড়ে আর যিবের দেজ্ গাঙে-ছড়ালোই ভাগ্ গোজ্যে। সে জাদর্ বক্‌‌‌শিজ্‌চানি সিয়োন মুড়োবোত, বেগত্তুন্ খেমতাবলা লগেপ্রভুর থেবার্ জাগানত্ আনা অবঅ।

যিশাইয় 27:13

সেদিন্যে এক্কো দাঙর্ শিংগা বাঁজিবো। সেক্কে যিগুনে আসিরিয়া দেজত্ ভস্ত ওই যাদন্ আর যিগুনোরে মিসর দেজত্ ধাবেই দিয়্যে ওইয়্যে তারা এবাক্ আর যিরূশালেমর্ পবিত্র মুড়োবোত্ লগেপ্রভুর্ উবোসনা গুরিবাক্।

যিশাইয় 45:22

“ও পিত্‌থিমীর বেক্ শেজ্ দুযিগানি, মইন্দি ফিরো আর উদ্ধোর পহ্, কিত্তে মুয়ই গোজেন, আর কনঅ গোজেন নয়।‌

যিশাইয় 49:12

চঅ, তারা দূরোত্তুন এবাক্; কেউ উত্তোরেত্তুন, কেউ পোজিমেত্তুন আর কেউ সীনীম দেজত্তুন এবাক্।”

যিশাইয় 49:22

প্রভু লগেপ্রভু কোইয়্যেদে, “চঅ, মুই আঢ ইজিরেলোই অন্য জাদ্‌‍‌তুনোরে ডাগিম আর মর্ বাবতাগান তারারে দেগেম্। সেনত্তে তারা করত্ গুরিনে তমা পুয়োগুনোরে আনিবাক্ আর কানাত্ গুরিনে তমা ঝিগুনোরে বুয়োবাক্।‌

যিশাইয় 54:3

কিত্তে তুই ডেনে আর বাঙেদি ছিদি পড়িবে। তঅ বংশধরুনে অন্য জাদ্‌তুনোর দেজ্‌চান গজক্ গুরিবাক্ আর তারার মানুচ্ নেইয়্যে শঅরানিত্ বজত্তি গুরিবাক্।

যিশাইয় 60:4

তুই চোগ্‌কোলোই চেরোকিত্তে রিনি চাহ্,‌‌‌ তারা বেক্কুনে এগত্তর্ ওইনে তইদু এত্তন্; তঅ পুয়োগুনে দূরোত্তুন এত্তন্ আর তঅ ঝিগুনোরে করত্ গুরি আনা অর্।

যিশাইয় 60:9

ঘেচ্চেকগুরি দূর দেজ মানুচ্চুনে মত্তেই বাজ্জেই আগন্; তমা পূয়োগুনোর আর তারার সোনা রূবোনিলোই দূরোত্তুন্ দাঙর্ দাঙর্ তর্শীশ-জাহাজ্‌চোই বেক্কুনোত্তুন্ আগে আগে এত্তন্।‌‌ ইস্রায়েলর সেই সুদ্ধো-সাংগ মানুচ্চোর, তর্ গোজেন লগেপ্রভুরে বাঈনী গুরিবাত্তে তর্ পুয়োগুনে এত্তন্, কিত্তে তরে তে সয়সাগজ্যে গুরি সাজেয়্যে।

যিশাইয় 66:20

লগেপ্রভুর নাঙে উৎসর্ব ইজেবে তারা বেক্ জাদ ভিদিরেত্তুন্ তমা ভেইয়ুনোর রথ আর গাড়িত্ গুরিনে আর ঘোড়া, গাধা আর উট্‌টোই মর্ সুদ্ধো-সাংগ মুড়ো যিরূশালেমত্ এবাক্। ইস্রায়েলীয়গুনে যেবাবোত্যে সিজি গোজ্যে পিলে ভিদিরে শোজ্য-উৎসর্বর জিনিস আনন্ সেবাবোত্যেগুরি তারা লগেপ্রভুর ঘরত্ তারারে আনিবাক্।

যিরমিয় 23:8

বরং তারা কবাক্, ‘যিবে ইস্রায়েলীয়গুনোরে উত্তর দেজত্ আর অন্য দেজত্ দূর গুরি দিয়্যে আর সিয়োত্তুন আন্যে সেই জেদা লগেপ্রভুর নাঙে কঙর্।’ সে পরেদি তারা নিজো দেজত্ বজত্তি গুরিবাক্।”

যিরমিয় 29:14

তুমি মরে হবর্ পেবা, আর মুই তমারে বন্দী দজাত্তুন্ ফিরেই আনিম। যিদুক্কুন জাদে আর যেদক্কানি জাগা ভিদিরে মুই তমারে ধাবেই দুয়োং সিয়েনত্তুন মুই তমারে এগত্তর্ গুরিম। যে জাগানত্তুন্ মুই তমারে বন্দী গুরি নেযেয়োং মুই সিয়োদোই তরে ফিরেই আনিম। মুই লগেপ্রভু এ কধাগান কঙর্।”

যিরমিয় 3:14

মুই লগেপ্রভু আরঅ কঙর্, ও ভান্ন্যেই পধেদি যেইয়্যে মানুচ্চুন, ফিরি এজঅ, কিত্তেই মুই তমার নেক্। মুই তমা ভিদিরেত্তুন্ পত্তি শঅরত্তুন্ একজন আর পত্তি বংশত্তুন্ দ্বিজনরে বেঈ নেযেইনে সিয়োনত্ আনিম্।

যিরমিয় 31:8

চঅ, মুই উত্তরর্ দেজত্তুন ইস্রায়েলীয়গুনোরে আনিম আর পিত্‌থিমীর শেজ্ দুযিত্তুন তারারে তুবেম্। তারা ভিদিরে থেবাক কান্, আদুড়্, পিদিলী মা আর পুয়ো পুদোবার্ পিড়ে উঠ্যে মিলে; দাঙর্ এক্কো দল ফিরি এবঅ।‌‌‌

যিহিষ্কেল 36:24

মুই জাদ ভিদিরেত্তুন্ তমারে নিগিলেই আনিম; বেক্ দেজ্‌‌‌‌‌‌‌‌‌‌‌‌চানিত্তুন্ মুই তমারে এগত্তর্ গুরিনে তমা নিজো দেজত্ ফিরেই আনিম।

যোয়েল 3:7

“শুনো, যেদক্কানি জাগাত্ তুমি তারারে বিজি দুয়ো সিয়েনিত্তুন্ মুই তারারে ডাগি আনিম্ আর তুমি যিয়েনি গোজ্য সিয়েনি তমা নিজো মাঢা উগুরে ফিরেই দিম।

সখরিয় 6:6

কালা ঘোড়ার্ রথ্‌‌তান উত্তোরেদি দেজ ইন্দি যার্, ধুব্ ঘোড়ার্ রথ্‌‌তান পোজিমেদি যার্ আর চিদিরে-বদরা রঙর্ ঘোড়ার্ রথ্‌‌তান যার্ দোগিণেদি।”

দ্বি’লম্বর বিররণ 30:4

আগাজর্‌ শেজ্‌ দুঝিতঅ যুনি তমারে ফেলেই দিয়্যে অয় সিয়েনত্তুনঅ তমারে গোজেন লগেপ্রভু তমারে তোগেই আনিবো।