যিশাইয় 43:5 - Chakma Bible

⁵ তুই ন-দোরেচ্, কিত্তে মুই তঅ লগে লগে আগং। পূগেদিত্তুন্ মুই তঅ বংশবোরে আনিম আর পজিমেত্তুন্ তরে এগত্তর্ গুরিম।

যিশাইয় 43:5 Iomraidhean Croise

গীতসংহিতা 106:47

ও লগেপ্রভু, আমা গোজেন, আমারে উদ্ধোর্ গর্; অন্য জাদ ভিদিরেত্তুন্ তুই আমারে এক জাগাত্ লোই আয়, যেনে আমি তর্ পবিত্রতাগান নাঙে ভালেদি জানেই পারিই আর তরে নাঙ্ গিনি পারঙর্ বিলিনে বাড়্‌বো গুরি পারঙর্।

গীতসংহিতা 107:3

তে অন্য দেজত্তুন্ তারারে এক জাগাত্ আন্যে, আন্যে পূগ-পোজিমেত্তুন্ আর উত্তোর-দোগিনেত্তুন্।

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 41:14

ও যাকোব, ও ইস্রায়েল, তুই যুনিয়ো পুগো ধোক্ক্যেন সামান্য তো ন-দোরেচ্; মুই নিজেই তরে সাহায্য গুরিম। মুই লগেপ্রভু তর্ উদ্ধোরগুরিয়্যে ইস্রায়েলর সেই সুদ্ধো-সাংগ মানুচ্চো এ কধাগান কঙর্।

যিশাইয় 41:8

লগেপ্রভু কত্তে, মাত্তর্ ও মর্ চাগর ইস্রায়েল, মর্ বেঈ লোইয়্যে যাকোব, মর্ দাংগু অব্রাহামর্ বংশ,

যিশাইয় 41:9

মুই তরে পিত্‌থিমীর শেজ্ ধুজিত্তুন্ আন্যং, তরে বেগ দূরো জাগাত্তুন্ ডাগি আন্যং। মুই কোইয়োঙে, তুই মর্ চাগর্; মুই তরে বেঈ লোইয়োং, এলাফেলা ন-গরং।‌

যিশাইয় 43:1

ও যাকোব, যিবে তরে সৃট্টি গোজ্যে, ও ইস্রায়েল, যিবে তরে বানেয়্যে, সেই লগেপ্রভু ইক্কিনে এ কধাগান কত্তে, “তুই ন-দোরেচ্, কিত্তে মুই তরে উদ্ধোর্ গোজ্যং। মুই তঅ নাঙান্ ধুরিনে ডাক্যং, তুই মর্।

যিশাইয় 43:2

তুই যেক্কে পানি উগুরেদি যেবে সেক্কে মুই তঅ লগে লগে থেম্। যেক্কে তুই গাঙ উগুরেদি যেবে, সেক্কে সিয়েনিয়ে তরে ন-ডুবেব; তুই যেক্কে আগুনো উগুরেদি যেবে, সেক্কে তুই পুড়ি ন-যেবে, আগুনো জ্বিলান্ তঅ কিয়্যেত্ ন-বাঁজিবো;

যিশাইয় 44:2

লগেপ্রভু, যিবে তরে বানেয়্যে, মা পেদত্ দাঙর্ গোজ্যে আর তরে সাহায্য গুরিবো, তে এ কধাগান কোইয়্যে, ‘ও মর্ চাগর্ যাকোব, মর্ বেঈ লোইয়্যে যিশুরূণ, তুই ন-দোরেস্;

যিশাইয় 49:12

চঅ, তারা দূরোত্তুন এবাক্; কেউ উত্তোরেত্তুন, কেউ পোজিমেত্তুন আর কেউ সীনীম দেজত্তুন এবাক্।”

যিশাইয় 49:18

তুই চোগ্‌কুন উবো গুরিনে চেরোকিত্তে রিনি চাহ্; তর্ বেক্ পুয়োগুনে এগত্তর্ ওইনে তইদু এত্তন্। মর্ জিংকানিগান নাঙে কঙর্, তারা বেক্কুনে তর্ গয়না ধোক্ক্যেন অবাক্, নুয়ো বৌ গয়না ধোক্ক্যেন অবাক্।‍

যিশাইয় 54:3

কিত্তে তুই ডেনে আর বাঙেদি ছিদি পড়িবে। তঅ বংশধরুনে অন্য জাদ্‌তুনোর দেজ্‌চান গজক্ গুরিবাক্ আর তারার মানুচ্ নেইয়্যে শঅরানিত্ বজত্তি গুরিবাক্।

যিশাইয় 54:7

এক মুহূত্তত্ত্যে মুই তরে ছাড়ি দুয়োং, মাত্তর্ গভিন্ কোচ্‌পানালোই মুই তরে ফিরেই আনিম।‍

যিশাইয় 61:9

জাদ্‌‍‌‍তুনো ভিদিরে তারার বংশধরুনে আর মানুচ্চুনো ভিদিরে পুয়ো-ছাগুন নাঙ্ গোজ্যে অবাক্। যিগুনে তারারে দেগিবাক্ তারা বেক্কুনে বুঝি পারিবাক্, ইগুনে সেই জাদ্ যিগুনোরে লগেপ্রভু বর্ দিয়্যে।”

যিশাইয় 8:10

তুমি পরিকল্পনা গরঅ, মাত্তর্ সিয়েনি সফল ন-অবঅ; সে পরিকল্পনাগানর্ কধা তুমি কবা, মাত্তর্ সিয়েন ন-ঠিগিবো, কিত্তে ‘গোজেনে আমা সমারে আঘে।’ ”

যিরমিয় 23:7

“সেনত্তে এমন দিন এজের্ যেক্কে মান্‌‍‍জ্যে আর ন-কবাক, ‘যিবে ইস্রায়েলীয়গুনোরে মিসর দেজত্তুন নিগিলেই আন্যে সেই জেদা লগেপ্রভুর নাঙে কঙর্,’

যিরমিয় 23:8

বরং তারা কবাক্, ‘যিবে ইস্রায়েলীয়গুনোরে উত্তর দেজত্ আর অন্য দেজত্ দূর গুরি দিয়্যে আর সিয়োত্তুন আন্যে সেই জেদা লগেপ্রভুর নাঙে কঙর্।’ সে পরেদি তারা নিজো দেজত্ বজত্তি গুরিবাক্।”

যিরমিয় 29:14

তুমি মরে হবর্ পেবা, আর মুই তমারে বন্দী দজাত্তুন্ ফিরেই আনিম। যিদুক্কুন জাদে আর যেদক্কানি জাগা ভিদিরে মুই তমারে ধাবেই দুয়োং সিয়েনত্তুন মুই তমারে এগত্তর্ গুরিম। যে জাগানত্তুন্ মুই তমারে বন্দী গুরি নেযেয়োং মুই সিয়োদোই তরে ফিরেই আনিম। মুই লগেপ্রভু এ কধাগান কঙর্।”

যিরমিয় 3:18

সে অক্তত্ যিহূদার মানুচ্চুনে ইস্রায়েল মানুচ্চুনো সমারে মিলিবাক্ আর মুই যে দেজ্‌‌‌চান অধিকার ইজেবে তমা পুরোণি মানুচ্চুনোরে দুয়োং সেই দেজত্ তারা এক সমারে উত্তোরেদি দেজত্তুন্ ফিরি এবাক্।‌‌‌

যিরমিয় 42:11

যিবেরে তুমি দরর্ সে বাবিলর রাজারে তুমি ন-দোরেয়ো, কিত্তে মুই তমা লগে লগে আগং। মুই তমারে রোক্ষ্যে গুরিম আর তা আঢত্তুন্ তমারে উদ্ধোর্ গুরিম।

যিরমিয় 51:46

যেক্কে নানান্ বাবোত্যে গুজব শুনো যেবঅ সেক্কে আশা ন-আরেয়ো বা ন-দোরেয়ো; এক বজরত্ এক্কান গুজব উদিবো আর অন্য বজরত্ আর এক্কান গুজব উদিবো। সেই গুজব্‌‌‌‌‌‌পান অলঅ, বাবিলোত্ অত্যেচার অর্ আর এক শাজন্‌গুরিয়্যে আর এক শাজন্‌গুরিয়্যের্ বিরুদ্ধে লাক্যে।

যোয়েল 3:7

“শুনো, যেদক্কানি জাগাত্ তুমি তারারে বিজি দুয়ো সিয়েনিত্তুন্ মুই তারারে ডাগি আনিম্ আর তুমি যিয়েনি গোজ্য সিয়েনি তমা নিজো মাঢা উগুরে ফিরেই দিম।

মীখা 2:12

লগেপ্রভু কত্তে, “ও যাকোব, মুই ঘেচ্চেক্‌গুরি তমারে বেক্কুনোরে এগত্তর্ গুরিম; মুই হামাক্কায় ইস্রায়েলর বাঁজি থেইয়্যে মানুচ্চুনোরে এগত্তর্ গুরিম। বস্রার ভেড়াগুনো ধোক্ক্যেন গুরি, ভেড়া ঘরত্ থেইয়্যে ভেড়া পাল ধোক্ক্যেন গুরি মুই তারারে এগত্তর্ গুরিম; দেজ্‌‌‌‌‌চান আরঅ মান্‌জ্যে ভুরি যেবাক্‌‌‌‌।”

সখরিয় 8:7

মুই আরঅ কঙর্, পূগেদি আর পোজিমেত্তুন্ মুই মঅ মানুচ্চুনোরে উদ্ধোর্ গুরিম।

লূকে লেখ্যে গম্ হবর্ 13:29

পূগ্, পোজিম্, উত্তোর্ আর দোগিণোত্তুন্ মানুচ্ এইনে গোজেন রেজ্যত্ হেবাত্যে ববাক্।

যোহন 10:16

আরঅ ভেড়া মইধু আঘন্ যিগুন এ ঘরানর্ নয়; সিগুনোরেয়ো মত্তুন্ আনা পুরিবো। তারা মঅ ডাগনিগান্ শুনিবাক্, আর সিয়েনত্ এক্কো ভেড়া পাল আহ্ এক্কো গরক্ অবঅ।

দ্বি’লম্বর বিররণ 30:3

সেক্কে লগেপ্রভু বোন্দীদজাত্তুন উদ্ধোর্ গুরিনে তমারে ফিরেই আনিবো। তে তমা উগুরে দোয়্যে গুরিবো আর যিদুক্কুন জাদ ভিদিরে তমারে ছিদি দিবো তারা ভিদিরেত্তুন তে আরঅ তমারে তোগেই আনিবো।