যিশাইয় 43:25 - Chakma Bible

²⁵ “মুই, মুয়ই মর্ নিজোত্তে তঅ অন্যেয়ানি ফুজি ফেলাং; মুই তঅ পাপ্‌‌‌‍পানি আর ইদোত্ ন-তুলিম।‍

যিশাইয় 43:25 Iomraidhean Croise

২ বংশধর 6:21

এ জাগান ইন্দি ফিরিনে তঅ চাগরুনে আর তর্‌ মানুচ্‌ ইস্রায়েলীয়গুনে যেক্কে কোজোলি গুরিবাক্‌ সেক্কে তুই শুনিচ। তর্‌ থেবার্‌জাগা স্বর্গত্তুন্‌ তুই সিয়েনি শুনিজ্‌ আর তারারে খেমা গুরিচ্‌।

গীতসংহিতা 103:12

পোজিমেত্তুন্ ধুরি পূগেন্দি যেত্তমান্ দূরোত্, আমা বেক পাপ্পানি তে সেত্তমান্ দূরোত্ সোরেই দিয়্যে।

গীতসংহিতা 103:3

তর্ বেক পাপ্পানি তে খেমা গরে; তে তর্ বেক পিড়েগানি গম্ গুরি পারে।

গীতসংহিতা 25:11

মর্ অন্যেয়র বুধিবো অমকদ বেশ্, সেনত্তে ও লগেপ্রভু, তর্ নাঙান্ রোক্ষ্যে গুরিবাত্তেই মর্ সেই অন্যেয়ানি তুই খেমা গর্।

গীতসংহিতা 25:7

মর্ গাবুরো অক্তত্ পাপ্পানি আর তর্ বিরুদ্ধে উল্লোমির কধানি তুই মনত্ ন-রাগেচ্; তর্ ন-পুরেইয়্যে কোচ্‌‌পানালোই তুই মরে মনত্ রাগেচ্, কিয়া ও লগেপ্রভু, তুই মংগলময়।

গীতসংহিতা 51:3

মর্ বেক্ উল্লোমির কধানি মর্ চেদনত্ আঘে; মর্ পাপ্পানি নিত্য মত্তুন্ মনত্ আঘে।

গীতসংহিতা 51:4

তর্ বিরুদ্ধে, বানা তর্ বিরুদ্ধে মুই পাপ গোজ্যং আর তর্ চোগেন্দি যিয়েনি ভান্ন্যেই সিয়েনি গোজ্যং। সেনত্তেই তর্ রায়ান্ ঠিগ্, তর্ বিচেরান গম্।

গীতসংহিতা 51:9

তুই মর্ পাপ্পানির ইন্দি ন-চেজ্; মর্ বেক্ অন্যেয়ানি তুই খেমা গর্।

যিশাইয় 1:18

লগেপ্রভু আরঅ কোইয়্যেদে, “ইক্কিনে এজঅ, আমি বুঝোপাড়া গুরিই। যুনিয়ো তমার্ বেক্ পাপ্পানি দোক্ দোক্ক্যে রাঙা ওইয়্যে তো সিয়েনি বরফ ধোক্ক্যেন ধুব্ অবঅ; যুনিয়ো সিয়েনি রাঙা রঙর্ ওইয়্যে তো সিয়েনি ভেড়া কেশ ধোক্ক্যেন্ ধুব্ অবঅ।

যিশাইয় 37:35

মুই মত্তে আর মঅ চাগর্ দায়ূদোত্তে এ শঅরান্ ঘিরি রাগেনে সিয়েন রোক্ষ্যে গুরিম।’ ”

যিশাইয় 38:17

“ঘেচ্চেকগুরি মর্ ভালেদিত্তে মুই এ অমকদ দুঘ্‌‌কানি ভোগ গোজ্যং, মাত্তর্ ভস্তর্ গাদত্তুন তর্ কোচ্‌পানালোই তুই মরে উদ্ধোর্ গোজ্যস্। মর্ বেক পাপ্‌‌‌পানি তুই পিজেদি ফেলেই দুয়োচ্।

যিশাইয় 43:11

মুই, মুয়ই লগেপ্রভু, মুই বাদে আর কনঅ উদ্ধোরগুরিয়্যে নেই।

যিশাইয় 44:22

মেঘ ধোক্ক্যেন গুরি তর্ বেক অন্যেয়ানি আর বেন্যে মাঢান্ কুয়ো ধোক্ক্যেন গুরি তর্ বেক পাব্‌‍পানি মুই দূর্ গুরি দুয়োং। তুই মইদু ফিরি আয়, কিত্তে মুয়ই তরে উদ্ধোর্ গোজ্যং।” ‍‍

যিশাইয় 48:11

মুই যিয়েনি গরং সিয়েনি মর্ নিজোত্তে, বানা মর্ নিজোত্তে গরং। মর্ নিজোর বাঈনী ন গরানাগান্ মুই কেধোক্ক্যেন গুরি অবাত্তে দি পারং? মর্ বাঈনীগান্ মুই অন্যরে পেবাত্তে দি ন-পারং।

যিশাইয় 55:7

পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

যিশাইয় 64:8

তো, ও লগেপ্রভু, তুয়ই আমার বাপ। মাদি মাদি, তুই কুমোর্; আমি বেক্কুনে তঅ আঢর্ কাম।

যিশাইয় 64:9

ও লগেপ্রভু, তুই এদক্ বেশ্ রাগ ন-গুরিচ্; আমা পাপ্‌পানি জনম্মো ইদোত্ ন-রাগেচ্। আমি কোজোলি গুরির্, তুই আমা ইন্দি রিনি চাহ্, কিত্তে আমি বেক্কুনে তঅ মানুচ্।‌

যিরমিয় 31:34

নিজোর পাড়াল্যেবোরে আর নিজোর ভেইবোরে কনজনে ইয়েন কোইনে আর শিক্ষ্যে ন-দিবাক্, ‘লগেপ্রভুরে চিনিবাত্তে চিগো,’ কিত্তে বেক্কুনে মরে চিনোন্। সেনত্তে মুই তারার অন্যেয়ানি খেমা গুরিম, তারার পাপ্‌পানি আর কনদিন্‌অ ইদোত্ ন-রাগেম। মুই লগেপ্রভু এ কধাগান ।” কঙর্‍‍‍‍‍‍‍‍‍‍

যিরমিয় 50:20

সে অক্তত্ ইস্রায়েলর ভান্ন্যেয়র কামানি তগা অবঅ মাত্তর্ এক্কান ন-থেবঅ, যিহূদার পাব্‌‌‌‌‌পানি তগা অবঅ মাত্তর্ মাত্তর্ এক্কান্‌অ পাহ্ ন-যেবঅ, কিত্তে মুই যিগুনোরে বাঁজেই রাগেম্ তারারে মুই খেমা গুরিম।

যিহিষ্কেল 18:22

তে যেদক্কানি অন্যেয় গোজ্যে সিয়েনি মুই আর মনত্ ন-রাগেম। তে যেদক্কানি গম্ কাম গোজ্যে সিয়েনিত্তে তে বাঁজিবো।

যিহিষ্কেল 20:14

মাত্তর্ মঅ সুনাঙান রোক্ষ্যে গুরিবাত্তে মুই সিয়েন ন-গরং, যেনে যে জাদ্‌‌‌‌‌তুনো মুজুঙোত্ মুই তারারে নিগিলেই আন্যং তারা ইধু মঅ নাঙান্ অসিজি ন-অয়।

যিহিষ্কেল 20:22

মাত্তর্ মঅ আঢ্‌‌তান মুই সোরেই রাগেলুং আর মর্ সুনাঙান রোক্ষ্যে গুরিবাত্তে মুই সিয়েন ন-গরং যেনে যিদুক্কুন্ জাদ মুজুঙোত্ মুই তারারে নিগিলেই আন্যং তারা ইধু মর্ নাঙান অসিজি ন-অয়।

যিহিষ্কেল 20:9

মাত্তর্ মঅ সুনাঙান্ রোক্ষ্যে গুরিবাত্তে মুই সিয়েন ন-গরং, যেনে তারা যে জাদ্‌‌‌‌তুনো ভিদিরে বজত্তি গোজ্যন তারা ইধু মঅ নাঙান্ অসিজি ন-অয়। মিসর দেজত্তুন্ ইস্রায়েলীয়গুনোরে নিগিলেই আনিনে সেই বেক্ জাদ্‌‌‌‌তুনোর চোগো মুজুঙোত্ মুই ইস্রায়েলীয়গুনো ইধু নিজোরে ফগদাং গুরিলুং।

যিহিষ্কেল 33:16

তে যেদক্কানি পাপ গোজ্যে সিয়েনর্ কনগান তা বিরুদ্ধে ইদোত্ রাগা ন-অবঅ। তে ন্যায় আর ঠিগ্ কাম গোজ্যে বিলিনে তে ঘেচ্চেকগুরি বাঁজিবো।

যিহিষ্কেল 36:22

সেনত্তে তুই ইস্রায়েলীয়গুনোরে কঅ, প্রভু লগেপ্রভু কোইয়্যেদে, ও ইস্রায়েলীয়গুন, মুই যে তমাত্তে এ কামান্ গুরিবাত্তে যাঙর্ সিয়েন নয়, মাত্তর্ মর্ সেই পবিত্র নাঙানর্ কারনে গুরিম। তুমি যিদুক্কুন জাদ ভিদিরে যেইয়ো সিদু এই নাঙান্ অপবিত্র গোজ্য।

যিহিষ্কেল 36:32

তুমি হবর্ পেবা যে, মুই তমাত্তে এ কামান গুরিবাত্তে ন-যাঙর্। ও ইস্রায়েল জাদ, তমা আচার-বেবহারত্তে তুমি লাজেবা আর সুদোমু অবা।

মার্ক 2:7

“মানুচ্চো এবাবোত্যে কধা কর্ কিত্ত্যে? তে দঅ গোজেনরে অগমান্ গরের্। বানা এক্কো গোজেন বাদে কন্না পাপ খেমা গুরি পারে?”

লূকে লেখ্যে গম্ হবর্ 5:21

ইয়েন্দোই ধর্ম-মাষ্টর আর ফরীশীগুনে মনে মনে কুয়ো ধুরিলাক্, “এ মানুচ্চো কন্না, যে গোজেনরে অগমান্ গরের্? গোজেনে বাদে আর কন্না পাপ খেমা গুরি পারে?”

প্রেরিত্‌ 3:19

ইয়েনত্যে তুমি পাপত্তুন্ মনানি ফিরেইনে গোজেন ইন্দি ফিরো যেন তমা পাপ্পানি পুযি ফেলা অয়;

রোমীয় 5:20

রীদি-সুদোম দিয়্যে অলঅ যাতে অন্যেয় বাড়ি যায়, মাত্তর্ যিয়েনত্ অন্যেয় বাড়িলো সিয়েনত্ গোজেনর্ দোয়্যেও বজমান্ বাড়িলো।

ইফিষীয় 1:6

তে ইয়েন গোজ্জ্যেদে যেন তে তার্ কোচ্‌‌‌পানার্ পুয়োবোর্ মাধ্যমে মাগানা মহিমাভরা দোয়্যে আমারে গোজ্জ্যে সিয়েনর্ বাঈনী অয়।

ইফিষীয় 1:8

এ দোয়্যেগান গোজেনে তার্ দাঙর্ জ্ঞান আর বুদ্ধিলোই খুলো আঢে আমারে দান গোজ্জ্যে।

ইব্রীয় 10:17

ইয়েনর্ পরেদি পবিত্র আত্মাগানে কোইয়্যেদে, “মুই তারার্ পাপ, অন্যেয় আর কনদিনঅ মনত্ ন-রাগেম।”

ইব্রীয় 8:12

সেনত্যে মুই তারার্ অন্যেয়ানি ক্ষেমা গুরিম, তারার্ পাপ্‌‌পানি আর কনদিনঅ মনত্ ন-রাগেম।”