যিশাইয় 43:21 - Chakma Bible

²¹ সেই মানুচ্চুনোরে মুই নিজোত্তে বানেয়োং যেন তারা মরে বাঈনী গুরি পারন্।

যিশাইয় 43:21 Iomraidhean Croise

গীতসংহিতা 102:18

আগাম্ বংশধরুনোত্তে এ কধানি লেগা থেবঅ, যেনে এজঅ যিগুনে ন-জর্মান্ তারায়ো লগেপ্রভুর বাঈনী গুরি পারন্।

গীতসংহিতা 102:19

বন্দিগুনোর বঅ নিজেস্ ফেলানা শুনিবাত্তে আর যিগুনে মরণ সাজা পেইয়োন তারারে ইরি দিবাত্তে উগুরে তা সুদ্ধো-সাংগ জাগানত্তুন্ লগেপ্রভু তলেদি রিনি চেবঅ, স্বর্গত্তুন্ তে পিত্‌থিমীগানন্দি খিয়েল্ গুরিবো।

গীতসংহিতা 4:3

তুমি হবর্ পেবা, লগেপ্রভু তা ভক্তগুনোরে তা নিজোত্তে ফারক্ গোজ্যে; মুই ডাগিলে তে শুনিবো।

গীতসংহিতা 79:13

সালে আমি, তঅ মানুচ্চুন, যিগুনে তর্ চোরেইয়্যে মাদ ভেড়া, উমর সং তরে ভালেদি জানেবং আর বংশর পর বংশ ধুরি তর্ বাঈনী গুরিবোং।

গম্ উপদেজ্ 16:4

লগেপ্রভু বেক্কানি বানেয়্যে তারার যার্ যার্ উদ্দেশ্য মজিম্; পাজিগুনোরেয়ো তে দুদ্দশা-দিনোত্তে ঠিগ্ গুরি রাগেয়্যে।

যিশাইয় 42:12

তারা লগেপ্রভুর বাঈনী গোরোদোক্; দূরো দেজ্‌ছানি ভিদিরে তারে নাঙ্ গিনেনাগান্ ফগদাং গোরোদোক্।‌

যিশাইয় 43:1

ও যাকোব, যিবে তরে সৃট্টি গোজ্যে, ও ইস্রায়েল, যিবে তরে বানেয়্যে, সেই লগেপ্রভু ইক্কিনে এ কধাগান কত্তে, “তুই ন-দোরেচ্, কিত্তে মুই তরে উদ্ধোর্ গোজ্যং। মুই তঅ নাঙান্ ধুরিনে ডাক্যং, তুই মর্।

যিশাইয় 50:7

প্রভু লগেপ্রভু মরে সাহায্য গরে বিলিনে মুই অগমানিত ন-ওম্। সেনত্তে মুই চক্‌মকি পাত্তর ধোক্ক্যেন মঅ মুয়োন দরমর গোজ্যং, মুই ন-লাজেম্। ‌‌

যিশাইয় 60:21

সেক্কে তর্ বেক মানুচ্চুনে গম্ অবাক্; তারা উমরত্তে দেজ্‌‌‌চান গজক্ গুরিবাক্।‌‌ তারা মর্ লাগেয়্যে চারা, মর্ আঢ কাম; তারার মাধ্যমে মর্ সয়সাগজ্যে কামানি ফগদাং অবঅ।

যিশাইয় 61:3

যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

যিরমিয় 13:11

মান্‌জ্যে কমরত্ যেবাবোত্যেগুরি জাংগি পিনোন্ সেবাবোত্যেগুরি মুই গোদা ইস্রায়েল আর যিহূদার বেক মানুচ্চুনোরে মঅ সমারে এগত্তর গোজ্যং, যেনে তারা মর্ সুনাঙ্, বাঈনী আর সর্মানত্তে মঅ মানুচ্ অন, মাত্তর্ তারা মঅ কধা ন-শুনোন্।

যিরমিয় 33:9

সেক্কে এ শঅরানে পিত্‌‌থিমীর বেক জাদ্‌তুনো মুজুঙোত্ মরে হুজি আর সর্মান গুরিবো আর বাঈনী দান গুরিবো। মুই তার যেদক্কানি ভালেদি গুরিম সে জাদ্‌তুনে সিয়েন শুনিবাক্, আর তারে দিয়্যে অমকদ ভালেদি আর সুগ্ শান্দি দেগিনে দরে গির্‌‌গিরেবাক্।

মালাখি 3:17

তারা পৌইদ্যেনে বেগত্তুন্ খেমতাবলা লগেপ্রভু কত্তে, “মর্ ঠিগ্ গোজ্যে দিনোত্ তারা মর্ নিজোর্ বিশেজ্ সোম্বোত্তি অবাক্; তারা মরই অবাক্। এক্কো মানুচ্ যেবাবোত্যেগুরি তার্ সেবাগুরিয়্যে পুয়োবোরে মেয়্যে গুরিনে সাজাত্তুন্ রেহাই দে সেবাবোত্যেগুরি মুই তারারে রেহাই দিম্।

১ করিন্হীয় 10:31

সেনত্তে তুমি হানা-দানা গরঅ আর যিয়েনই গরঅ, বেক্কানি গোজেনর্ বাঈনী গুরিবাত্তে গরঅ।

ইফিষীয় 3:21

খ্রীষ্ট যীশুর্ মাধ্যমে আর মন্ডলীর্ মাধ্যমে বংশর্ পর বংশ ধুরি উমরত্যে গোজেনর্ বাঈনী ওক্। আমেন।

কলসীয় 1:16

কিত্যেই আগাজত্ আর পিত্‍‌‌‌‍‌‍থিমীত, যিয়েনি দেগা যায় আর যিয়েনি দেগা ন-যায়, বেক্কানি তা মাধ্যমে সৃট্টি ওইয়্যে। দাঙর্ অাগাজত্ যিগুনো আঢত্ রাজাগিরি, দোঙেবার, শাসন আর খেমতা আঘে তারারে বেক্কুনোরে তাঁরে দিইনে তাত্যেই সৃট্টি গরা ওইয়্যে।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

ইব্রীয় 13:15

ইয়েনত্যে খ্রীষ্টর্ মাধ্যমে এজঅ, আমি গোজেন ইধু আমিযে বাঈনী-উৎসর্ব গুরিই, অত্তাৎ গোজেনর্ মানুচ্‌ বিলিনে যিগুনে নিজোরে স্বীগের্ গরন্ তারা তারার্ মুয়োনিলোই গোজেনরে বাঈনী গোত্তোক্।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।