যিশাইয় 43:15 - Chakma Bible

¹⁵ মুয়ই লগেপ্রভু, তমার্ সেই সুদ্ধো-সাংগ মানুচ্চো; মুয়ই ইস্রায়েলর সৃট্টিগুরিয়্যেবো আর তমা রাজাবো।”

যিশাইয় 43:15 Iomraidhean Croise

গীতসংহিতা 149:2

ইস্রায়েলে তার সিরিষ্টি গুরিয়্যেবোরে নিইনে ফুত্তি গোরোক্, সিয়োন মানুচ্চুনে তারার রাজাবোরে নিইনে হুজিয়্যে রাজিয়্যে থাদোক্।

গীতসংহিতা 74:12

তো ও গোজেন, ভালোক্ দিন আগেত্তুন ধুরি তুয়ই মর্ রাজা; তুয়ই এ দুনিয়ের বুগোত্ উদ্ধোরর কাম গোজ্যস্।

যিশাইয় 30:11

পথ্‌তান ছাড়, পথ্‌‌‌তানত্তুন্ সুরি যঅ। আমি আর্ ইস্রায়েলর সেই পবিত্র মানুচ্চোর কধা শুনিবাত্তে ন-চেই।”

যিশাইয় 31:1

অভিশাব্ পোড়োক্ যিগুনে সাহায্যত্তে মিসরত্ যান! তারা দঅ ঘোড়া উগুরে নির্ভর গরন্ আর তারার্ ভালোক্কানি রথ উগুরে আর ঘোড়া মাউত্তুনোর্ খেমতা উগুরে বিশ্বেজ্ রাগান্, মাত্তর্ তারা ইস্রায়েলর সেই পবিত্র মানুচ্চো ইন্দি রিনি ন-চান বা লগেপ্রভু ইত্তুন্ সাহায্য ন-চান।

যিশাইয় 33:22

লগেপ্রভুই আমার ন্যায়বিচেরক্ আর আমার সুদোম্ দিয়্যে; লগেপ্রভুই আমার রাজা, তেয়ই আমারে রোক্ষ্যে গুরিবো।

যিশাইয় 40:25

সেই সুদ্ধো-সাংগ মানুচ্চো কোইয়্যেদে, “তুমি কা লগে মরে তুলনা গুরিবে? কন্না মর্ সং সং?”

যিশাইয় 41:14

ও যাকোব, ও ইস্রায়েল, তুই যুনিয়ো পুগো ধোক্ক্যেন সামান্য তো ন-দোরেচ্; মুই নিজেই তরে সাহায্য গুরিম। মুই লগেপ্রভু তর্ উদ্ধোরগুরিয়্যে ইস্রায়েলর সেই সুদ্ধো-সাংগ মানুচ্চো এ কধাগান কঙর্।

যিশাইয় 41:16

তুই সিগুনোরে ঝারিলে বোইয়্যেরানে তারারে তুলি নেযেব আর তুট্যেবোইয়্যেরানে তারারে ছিদি দিবো। মাত্তর্ তুই লগেপ্রভুরে নিইনে হুজি গুরিবে আর ইস্রায়েলর সেই সুদ্ধো-সাংগ মানুচ্চো তর্ বাঈনী গুরিবার জিনিস অবঅ।

যিশাইয় 41:20

যেনে মানুচ্চুনে দেগন্, হবর্ পেইনে আর বিবেচনা গুরিনে বুঝি পারন্, লগেপ্রভুর্ আঢ্‌‌‌‌‌তানিয়ে এ কামান গোজ্যে, ইস্রায়েলর সেই সুদ্ধো-সাংগ মানুচ্চো ইয়েনি গোজ্যে।”

যিশাইয় 41:21

লগেপ্রভু, অত্তাৎ যাকোবর্ রাজা কোইয়্যেদে, দেবেদাগুন্, তুমি এবেরা তমা তপ্পেন্দি কধা কঅ। তমার বেক্ যুক্তিগানি দেগঅ।

যিশাইয় 43:1

ও যাকোব, যিবে তরে সৃট্টি গোজ্যে, ও ইস্রায়েল, যিবে তরে বানেয়্যে, সেই লগেপ্রভু ইক্কিনে এ কধাগান কত্তে, “তুই ন-দোরেচ্, কিত্তে মুই তরে উদ্ধোর্ গোজ্যং। মুই তঅ নাঙান্ ধুরিনে ডাক্যং, তুই মর্।

যিশাইয় 43:21

সেই মানুচ্চুনোরে মুই নিজোত্তে বানেয়োং যেন তারা মরে বাঈনী গুরি পারন্।

যিশাইয় 43:3

কিত্তে মুয়ই তর্ গোজেন লগেপ্রভু, তর্ উদ্ধোর গুরিয়্যে, ইস্রায়েলর সেই সুদ্ধো-সাংগ মানুচ্চো। মুই তর্ উদ্ধোরর্ মূল্য ইজেবে মিসর দেজ্‌চান দিম, আর তঅ বদলে কূশ আর সবা দেজ্‌চানরে দিম।‌

যিশাইয় 43:7

মঅ নাঙে যিগুনোরে ডাগা অয়, মুই যিগুনোরে মর্ বাঈনী গুরিবাত্তে বানেয়োং, যিগুনোরে মুই দাঙর্ গোজ্যং আর বানেয়োং, তুমি তারারে পত্তিজনরে আন।’ ”

যিশাইয় 44:6

লগেপ্রভু, যিবে ইস্রায়েলর রাজা আর উদ্ধোরগুরিয়্যে, যিবে বেগত্তুন্ খেমতাবলা লগেপ্রভু, তে এ কধাগান কোইয়্যেদে, “মুয়ই পত্তম আর মুয়ই শেজ্; মুই বাদে আর কনঅ গোজেন নেই।

যিশাইয় 45:11

“লগেপ্রভু, যিবে ইস্রায়েলর সেই সুদ্ধো-সাংগ মানুচ্, যিবে তারে বানেয়্যে, তে এ কধাগান কোইয়্যে, ‘তুমি কি আগাম্ ঘটনা পৌইদ্যেনে মরে পুযোর্ গরর্? মঅ পুয়ো-ছাগুনো পৌইদ্যেনে বা মঅ আঢ কামানি পৌইদ্যেনে কি মরে উগুম্ দুয়োর্?

যিশাইয় 47:4

আমা উদ্ধোরগুরিয়্যে অলঅ ইস্রায়েলর সেই সুদ্ধো-সাংগ মানুচ্চো; তা নাঙান বেগত্তুন্ খেমতাবলা লগেপ্রভু গোজেন।

যিশাইয় 48:17

লগেপ্রভু, তমা উদ্ধোরগুরিয়্যে, ইস্রায়েলর সেই সুদ্ধো-সাংগ মানুচ্চো এ কধাগান কোইয়্যেদে, “মুই তমা গোজেন লগেপ্রভু; তমা উপকারত্তে মুই তমারে শিক্ষ্যে দুয়োঙ্। যে পধেদি তমাত্তুন্ চলা পুরিবো মুই সে পধেদি তমারে চালাং।

যিরমিয় 51:5

ইস্রায়েল আর যিহূদারে তারার গোজেন বেগত্তুন্ খেমতাবলা লগেপ্রভু ছাড়ি ন-যায়, যুনিয়ো ইস্রায়েলর সেই সুদ্ধো-সাংগ মানুচ্চোর্ মুজুঙোত্ তারার্ দেজ্‌‌চান দুষে ভরা ওইয়্যে।

হবক্‌‌‌‌কূক 1:12

ও লগেপ্রভু, মর্ গোজেন, মর্ সুদ্ধো-সাংগ মানুচ্চো, তুই কি উমরত্তে নয়? আমি এক্কুবারে ভস্ত ন-অবং। ও লগেপ্রভু, আমারে সাজা দিবাত্তে তুই বাবিলীয়গুনোরে নেযেয়োচ্; ও আশ্রয়-মুড়োবো, তুই আমারে সাজা দিবাত্তে তারারে নেযেয়োচ্।

মথি লেখ্যে গম্ হবর্ 25:34

ইয়েনর্ পরেদি রাজা তা ডেনেদি মানুচ্চুনোরে কবঅ, তুমি যিগুনে মঅ বাপ্পোর্ বর্ পেইয়ো, এজঅ। জগদর্ আরাম্ভত্ যে রেজ্যগান্ তমাত্তে যুক্কোল্ গুরি রাগা ওইয়্যে সিয়েনর্ অধিকারী অ।

ফগদাং পেইয়্যে 3:7

ফিলাদিল্‌ফিয়া শঅরর্ মন্ডলী দূত্‌তো ইধু এ কধাগান লেগ- যিবে পবিত্র আর সত্য, যাইধু দায়ূদোর চাবি আঘে, যিবে খুলিলে কেঅ বানি ন-পারে আর বানিলে কেঅ খুলি ন-পারে,