যিশাইয় 43:12 - Chakma Bible

¹² মুয়ই ফগদাং গোজ্যং, উদ্ধোর্ গোজ্যং আর জানেই দুয়োং; সেক্কে তমা ইধু কনঅ দেবেদা ন-এলঅ। এ পৌইদ্যেনে তুমি মর্ সাক্ষি। মুই লগেপ্রভু এ কধাগান কোইয়োং, মুয়ই গোজেন।

যিশাইয় 43:12 Iomraidhean Croise

যিশাইয় 37:20

ইক্কিনে ও আমার গোজেন লগেপ্রভু, আসিরিয়ার রাজা আঢত্তুন্ তুই আমারে রোক্ষ্যে গর্, যেনে পিত্‌থিমীর বেক্ রেজ্যগানিয়ে জানি পারে, তুই, বানা তুয়ই লগেপ্রভু।”

যিশাইয় 37:7

শুন, মুই তা ইধু এমন্ এক্কান মনভাব জাগেই দিম্ যিয়েনত্তে তে এক্কান হবর্ শুনিনে নিজো দেজত্ ফিরি যেবঅ, আর সিয়েনত্ মুই তারে তলোয়ার্‌‌‌লোই শেজ্ গুরি দিম্।’ ”

যিশাইয় 43:10

লগেপ্রভু ইস্রায়েলীয়গুনোরে কোইয়্যেদে, “তুমিই মর্ সাক্ষি আর মর্ বেঈ লোইয়্যে চাগর্, যেন তুমি হবর্ পঅ আর মঅ উগুরে বিশ্বেজ্ গুরি পার আর বুঝি পার যে, মুয়ই তে। মঅ আগেদি কনঅ গোজেন বানা ন-অয় আর মঅ পরেদিয়ো অন্য কনঅ গোজেন ন-থেবঅ।

যিশাইয় 44:8

তুমি গির্‌‌‌নগিরেয়ো বা ন-দোরেয়ো। মুই কি ভালোক্ দিন আগে ইয়েনি ফগদাং ন-গরং আর ন-জানাং? তুমি মর্ সাক্ষী; মুই বাদে আর কি কনঅ গোজেন আঘে? না, আর কনঅ আশ্রয়-মুড়ো নেই; মুই আর কনজনরে হবর্ ন-পাং‌।”

যিশাইয় 45:19

কনঅ আন্ধার দেজর্ কনঅ জাগাত্তুন্ মুই গুমরত্ কধা ন-কং। যাকোবর বংশবোরে মুই ন-কং, তুমি মিজে মিজে মরে ডাগঅ। মুই লগেপ্রভু ন্যায্য কধা কং; যিয়েন ঠিগ্ সিয়েনই ফগদাং গরং।

যিশাইয় 55:4

চাহ্, মুই তারে জাদ্‌তুনো ইদু এক্কো সাক্ষী, এক্কো নেতা আর তারার্ সেনাপতি ইজেবে নেযেয়োং। ‍‌‌‍‍‍

দ্বি’লম্বর বিররণ 32:12

লগেপ্রভু গায় গায় তারে চালেইনে লোই এলঅ, তার সমারে ন-এলাক্‌ কনঅ দেব-দেবেদা।

দ্বি’লম্বর বিররণ 32:16

দেবেদা পূজোলোই তার মানুচ্চুনে তার পাওনা ভোক্তির আওজর্ আগুনান্ লাগেলাক্, ভান্ন্যেই মূত্তি পূজোলোই তার রাগ্‌কান জাগেলাক্।

দ্বি’লম্বর বিররণ 32:39

এবেরা তুমি চিদে গুরি চঅ, মুয়ই সিবে; মুই বাদে আর কনঅ গোজেন নেই। মরানা-বাজানা মরই আদত্‌, মুই আঘাত গোজ্যং, মুয়ই গম্‌ গুরিম; মঅ আদত্তুন বাঁজেই পারন্‌ এধোক্ক্যেন কনঅ জন নেই।