যিশাইয় 42:5 - Chakma Bible

⁵ লগেপ্রভু গোজেনে আগাজ্‌ছান বানেইনে মিলি দিয়্যে; তে পিত্‌‌‍‌‍থিমী আর যিয়েনি জোর্মেয়্যে সিয়েনি বেক্কানি বিজেই দিয়্যে; তে সিদুগোর্ মানুচ্চুনোরে নিজেস্ দে আর সিদু আঢাউদো গুরিনে তারারে জিংকানি দে। তে কোইয়্যেদে,

যিশাইয় 42:5 Iomraidhean Croise

পত্থম 1:1

পত্তমে গোজেনে দেবাবো আরঅ পিত্‌থিমীগান বানেল।

পত্থম 2:7

পরেদি লগেপ্রভু গোজেনে মাদিলোই এক্কো মরদ্‌ মানুচ্‌ বানেল আর তা নাগত্‌ ফুন্‌ দিইনে তা ভিদিরে পরাণান্‌ ভোরেই দিলো। সেক্কে সে মানুচ্চো এক্কো জেদা প্রাণি অলঅ।

ইয়োব 12:10

তা আধত্‌ বেক্‌ পরাণবলাগুনোর্‌ জীংকানিগানি আঘে; বেক্‌ মানুচ্চুনোর্‌ নিজেস্‌ছুনো তা আধত্‌ আঘে।

ইয়োব 27:3

যেদকদিন মইদু পরাণান আঘে, যেদকদিন গোজেনর নিজেস্‌সো মঅ নাগ ভিদিরে আঘে,

ইয়োব 33:4

গোজেনর আত্মাগানে মরে বানেয়্যে; বেগত্তুন্ খেমতাবলা গোজেনর্ নিজেজে মুই জিংকানি পাঙর্।

ইয়োব 34:14

যুনি তে তা নিজোর কধা মনে গুরিদো আর তা আত্মাগান আহ্ নিজেস্‌চো নিজো ইদু ফিরেই নেযেদ,

গীতসংহিতা 136:6

যিবে পানি উগুরে পিত্‌থিমীগান বোজেই দিয়্যে তারে ভালেদি জানঅ; - তার কোচ্‌পানাগান উমরত্তে থিদেবর্ গোজ্যে-

গীতসংহিতা 33:6

লগেপ্রভুর কধালোই পিথ্‌তিমীগান ওইয়্যে; সিয়েন ভিদিরে বেক্কানি ওইয়্যেদে তা মুয়ো নিজেস‌্‌চোই। ‌

গীতসংহিতা 96:5

নানান্ জাদর দেব-দেবেদাগুনে বাজে ধরনর, মাত্তর্ লগেপ্রভু দাঙর্ আগাজ্‌চান্ বানেয়্যে।

যিশাইয় 37:16

“ও দ্বিস্বর্গদূদোর সংমোধ্যে থেইয়্যে বেগত্তুন্ খেমতাবলা লগেপ্রভু, ইস্রায়েলর গোজেন, তুই, বানা তুয়ই পিত্‌থিমীর বেক্ রেজ্যগানির গোজেন। তুই আগাজ্‌‌‌‌‌চান আর পিত্‌‌‌‌থিমীগানরে বানেয়োচ্।‌‌

যিশাইয় 40:12

কন্না তা আঢ কুলুঙোত্ পিথ্‌তিমীর বেক্ পানিগানরে মাপ্যে‌ বা তার্ বিঘত্‌‌তোই আগাজ দুযিগান্ মাপ্যে? কন্না পিত্‌‌থিমীর ধূল্যেগানি ঝলা ভিদিরে ভোরেয়্যে বা পাল্লালোই মুড়িমুড়িগুন্ মাপ্যে?

যিশাইয় 40:22

পিত্‌‌থিমীর গুল্ আগাজ উগুরে তেয়ই সিংহাসনত্ বুয়োই আঘে, পিত্‌থিমীর মানুচ্চুনে ফিরিঙো ধোক্ক্যেন্। চানান ধোক্ক্যেন গুরি তে আগাজ্‌‌চানরে বিজেই দিয়্যে, বজত্তি গুরিবার তাম্বুলো ধোক্ক্যেন্ গুরি সিয়েনি খাদেই দিয়্যে।

যিশাইয় 40:26

তুমি চোগ্‌কুন্দোই আগাজ মোক্ক্যে রিনি চঅ;‌ কন্না ইয়েনি বেক্কানি বানেয়্যে? তেয়ই তারাগুনোরে এক্কো এক্কো গুরি নিগিলেই আন্যে; তেয়ই তারারে পত্তিজনরে নাঙ্ ধুরিনে ডাগে। তার দাঙর্ খেমতা আর দাঙর্ খেমতাত্তে তারার এক্কান্অ আজি ন-যায়।

যিশাইয় 40:28

তুমি কি হবর্ ন-পঅ? তুমি কি ন-শুনো? লগেপ্রভু, যিবে জনম ভরা গোজেন, যিবে পিত্‌‌‌থিমীর শেজ্ দুযিগান বানেয়্যে, তে বল্ পোজ্যে ন-অয়, মন্ মরায়ো ন-অয়; তা বুদ্ধির গভীনান্ কনজনে মাবি ন-পারে।

যিশাইয় 44:24

লগেপ্রভু, যিবে তর্ উদ্ধোরগুরিয়্যে, যিবে তরে পেদত্ দাঙর্ গোজ্যে তে কোইয়্যেদে, “মুই লগেপ্রভু; মুয়ই বেক্কানি বানেয়োং। মুই গায় গায় আগাজ্‌‌চানরে বিজেই দুয়োং আর নিজেই পিত্‌থিমীগানরে মেলি দুয়োং।‌

যিশাইয় 45:12

মুয়ই পিত্‌থিমীগানরে বানেইনে তা উগুরে মানুচ্চুনোরে বানেয়োং; মুই নিজো আঢে আগাজ্‌চানরে বিজেই দুয়োং আর আগাজর বেলান্, চানান্ আর তারাগুনোরে বোজেই দুয়োং। ‌‌‌‌‌‌‍‌‌‌‌‌‌

যিশাইয় 45:18

লগেপ্রভু, যিবে দাঙর্ আগাজ্‌‌চান বানেয়্যে, তেয়ই গোজেন; যিবে পিত্‌‌থিমীগানর আরুগ্ দিয়্যে আর বানেয়্যে, তেয়ই সিয়েন থিদেবর্ গোজ্যে। তে বজত্তি গুরিবার অযোগ্য গুরি পিত্‌থিমীগান ন-বানায়, বরং মানুচ্চুনে যেনে বজত্তি গুরি পারন্ সেবাবোত্যেগুরি সিয়েন বানেয়্যে। তে কোইয়্যেদে, মুয়ই লগেপ্রভু, আর কনজন নয়।‌

যিশাইয় 48:13

মুই নিজো আঢে পিত্‌‍থিমীর গড়াগান থিদেবর্ গোজ্যং আর ডেন্ আঢে আগাজ্‌‌ছানরে বিজেই দুয়োং; মুই ডাগিলে ইগুনে বেক্কুনে একসমারে থিয়্যেন্।

যিশাইয় 57:16

মুই উমরত্তে মান্‌জ্যরে দুষি ন-গুরিম বা মঅ রাগ্‌কান নিত্য তারা উগুরে ন-থেবঅ। যুনি থায় সালে মানুচ্, যে মানুচ্চোরে মুই বানেয়োং তারা দঅ মঅ মুজুঙোত্ শেজ্ ওই যেবাক্।

যিরমিয় 10:12

লগেপ্রভু নিজোর খেমতালোই পিত্‌‌‍‌‍‍থিমীগান বানেয়্যে, তারা জ্ঞানান্দোই সংসারান থিদেবর্ গোজ্যে আর বুদ্ধিলোই আগাজ্‌চান বিজেই দিয়্যে।‌‍‌‍‍

যিরমিয় 27:5

মর্ বল্লোই আর খেমতাবলা আঢ্‌তোই মুই এ পিত্‌‌‍‌‌‌‌থিমীগান আর তা উগুরে যিদুক্কুন মানুচ্ আর য়েমান বানেয়োং, আর মুই যিবেরে যগাজ্যে মনে গরং তা আঢত্ খেমতা দি থাং।‍‌‍‌‌‌‌‍

যিরমিয় 32:17

‘ও প্রভু লগেপ্রভু, তুই তর্ দাঙর্ বল্লোই আর খেমতাবলা আঢ্‌তোই দেবাবো আর পিত্‌‌‌থিমীগান বানেয়োচ্। তঅ তপ্পে অাগাত্যে বিলিনে কিচ্চু নেই।

যিরমিয় 38:16

সেক্কে রাজা সিদিকিয় ভিদিরে ভিদিরে যিরমিয় ইধু শমক্ হেইনে কলঅ, “যিবে আমারে নিজেস্ লবার্ বৈয়্যেরান দিয়্যে সেই জেদা লগেপ্রভুর নাঙে, মুই তরে মারেই ন-ফেলেম বা যিগুনে তরে মারেই ফেলেবাত্তে চাদন্ তারা আঢত্অ তরে ন-দিম।”

যিহিষ্কেল 18:4

জেদা বেক্ মানুচ্চুন মর্, বাপ্ আর পুয়ো দ্বিয়োবো মর্। যে পাপ গুরিবো তেয়ই মুরিবো।

দানিয়েল 5:23

সিয়েনর বদলে তুই নিজোরে স্বর্গর্ প্রভুর বিরুদ্ধে থিয়্যেয়োচ। গোজেন ঘরত্তুন আন্যে পিলেগুন তুই আনিবাত্যে বাজেই দুয়োচ্ আর তুই, তর্ আজল্ মানুচ্চুন, তঅ মোগ্‌‌কুনে আর যেরেদি ঘর মোগ্‌‌কুনে সিগুন্দোই আংগুর-রস হেইয়োন। তুই রূবো, সনা, পিদোল, লুয়ো, তক্তা আর পাত্তর্‌লোই বানেয়্যে যে দেবেদাগুনে ন-দেগন, ন-শুনোন্ আর ন-বুঝোন্ তারারে নাঙ্ গিনোদন। মাত্তর্ তুই গোজেনরে বাঈনী ন-গরচ্, যিবে আঢত্ আঘে তঅ জিংকানিগান আর তর্ বেক পথ্‌‌তানি।

আমোষ 9:6

তে আগাজত্ তা অজল্ ঘরান বানেয়্যে আর পিত্‌থিমীগান উগুরে চানান ধোক্ক্যেন আগাজ্‌চানরে থিদেবর্ গোজ্যে; তে সাগর পানিগানরে ডাগিনে ভূইয়ো উগুরে ঢালি দে। যিবে ইয়েনি গরে তা নাঙান্ লগেপ্রভু।

সখরিয় 12:1

ইবে অলঅ ইস্রায়েল পৌইদ্যেনে লগেপ্রভুর্ কধা। লগেপ্রভু, যিবে আগাজ্‌‌‌‌চানরে মিলি দিয়্যে, যিবে পিত্‌‌‌‌থিমীর গোড়াগানরে থিদেবর্ গোজ্যে, যিবে মান্‌‌‌‌জ্য ভিদিরে আত্মা বানেই দিয়্যে, তে কোইয়্যেদে,

প্রেরিত্‌ 17:24

গোজেন, যিবে এ পিত্‌থিমীগান্ আর সিয়েন ভিদিরে যিয়েনি আঘে বেক্কানি বানেয়্যে, তেয়ই স্বর্গ আর পিত্‌থিমীর্ গিরোজ্। তে আঢ্‌‌‌তোই বানেয়্যে কনঅ মন্দিরোত্ বজত্তি ন-গরে।

প্রেরিত্‌ 17:25

তার কনঅ অভাব নেই, সেনত্তে মান্‌জ্য আঢত্তুন্ পূজো গুজি লবার্‌‌‌অ তার দরকার্ নেই, কিয়া তেয়ই বেক্‌ মানুচ্চুনোরে জিংকানি, পরাণান্ আর অন্য বেক্কানি দান গরে।

ইব্রীয় 1:2

মাত্তর্ এ দিনুনোর্ শেজদি তে তার্ পুয়োবোরে দিইনে আমা ইধু কধা কোইয়্যে। গোজেনে তা পুয়োবোরে বেক্কানির অধিকারী অবাত্যে বেঈ লোইয়্যে। পুয়োবোরে দিইনে তে বেক্কানি সৃট্টি গুরিলো।