যিশাইয় 42:3 - Chakma Bible

³ তে বুদি যেইয়্যে নলুন্ ন-ভাঙিবো আর মরা মরা গুরি জ্বলেদে বাবোত্যে ফিতেগানি ন-মারেব। তে গমেডালে ন্যায়বিচের্ গুরিবো।

যিশাইয় 42:3 Iomraidhean Croise

গীতসংহিতা 147:3

যিগুনোর্ মনানি ভাঙি যেইয়্যে তে তারারে দোল্ গুরিবো; তারার বেক্ ঘা গানি তেয়ই বানি দে।

গীতসংহিতা 54:5

শত্রুগুনে মরে যে অমংগল গোজ্যন্ সিয়েনি তে তারা ইদু ফিরেই দিবো; ও প্রভু, তর্ বিশ্বেজ্‌চান্দোই তুই তারারে ভস্ত গুরি দে।

গীতসংহিতা 94:15

বিচেরর্ রায়য়ানি আরঅ ন্যায়বলা ওই উদিবো; যিগুনোর মনান্ দোল তারা বেক্কুনে সিয়েন মানি চলিবাক্।

গীতসংহিতা 96:13

তারা লগেপ্রভুর মুজুঙোত্ গীদ্ গেবাক্, কিত্তে তে এজের্। তে দুনিয়েগানর বিচের গুরিবাত্তে এজের্। তে গমেডালে পিত্‌থিমীগানর বিচের গুরিবো, আর জাদ্‌তুনোর বিচের গুরিবো বিশ্বেজ্ গুরিনে।

গীতসংহিতা 98:9

লগেপ্রভুর মুজুঙোত্ তারা সিয়েন গোরোদোক্, কিত্তে তে দুনিয়েত্ বিচের গুরিবাত্যে এজের্। তে দোলেদালে পিত্‌থিমীগানর বিচের গুরিবো, আর জাদ্‌তুনোর বিচের গুরিবো গমেডালে।

যিশাইয় 2:4

তে জাদ্‌তুুনো ভিদিরে বিচের্ গুরি দিবো; ভালোক্ দেজর মানুচ্চুনো ভিদিরে মিলেমিলি অবাক্। তারা তারার্ তলোয়ারানি ভাঙিনে নাঙ্গল ফাল্ বানেবাক্ আর যাদিগুন্ ভাঙিনে ঢাল ছাজিবার ছুরি বানেবাক্। এক জাদে অন্য জাদর্ বিরুদ্ধে আর লাম্বাছুরি ন-তুলিবো; তারা আর যুদ্ধো গুরিবাত্তে ন-শিগিবাক্।

যিশাইয় 40:11

তে গরগ ধোক্ক্যেন্ গুরি তা ভেড়া পালুন চোরেব, ভেড়া ছঅগুন্ তে আঢ্‌তোই তুলি নিবো‌ আর করত্ গুরি তারারে বুয়োই নেযেব; ছঅ আগন্ এবাবোত্যে ভেড়িগুনোরে তে লাড়ে লাড়ে গুরি চালেই নেযেব।

যিশাইয় 42:2

তে রঅ ন-ছাড়িবো বা দাঙর্ দাঙর্ গুরি কধা ন-কবঅ; তে পধে পধে তা মুয়ো রবো ন-শুনেব।

যিশাইয় 50:10

তমা ভিদিরে যে লগেপ্রভুরে ভোক্তি গুরিনে দরায়, যে তার চাগর কধালোই বাধ্য অয়, কনঅ পহর্ নেই বিলিনে যে আন্ধারত্ যায়, তে লগেপ্রভু উগুরে বিশ্বেজ্ গোরোক্ আর তা গোজেন উগুরে নির্ভর গোরোক্।

যিশাইয় 50:4

প্রভু লগেপ্রভু মরে শিক্ষিতগুনোর্ জিলানি দিয়্যে যেনে মুই কধালোই বল্‌‌পোজ্যে মানুচ্চুনোরে সাহায্য গুরি পারং। তে মরে পত্তিদিন বেন্যেমাদান্ জাগেই দে আর মঅ কানানরে সজাক্ গরে যেনে মুই এক্কো শিচ্চ্য ধোক্ক্যেন শুনোং।

যিশাইয় 63:1

যিবে ইদোমর বস্রাত্তুন্ রাঙা রঙোই রাঙেয়্যে পোজাক্কোই এজের্, তে কন্না? যিবে সয়সাগজ্যে পোজাগে দাঙর্ খেমতালোই উজেই এজের্, তে কন্না? “এইয়্যে মুই, মুই গমেডালে কধা কং, মুই দাঙর্ খেমতালোই উদ্ধোর্ গরং।”

যিশাইয় 66:2

ইয়েনি বেক্কানি মুই নিজো আঢে বানেয়োং আর সেনত্তে ইয়েনি ওইয়্যে। যে মানুচ্চো নম্র, যিবের্ মনান্ ভাঙিনে চুর্‌‌মার্ ওইয়্যে আর যে মঅ কধালোই গির্‌‌‌গিরেই তারে মুই গম্ চোগেদি চেম্।

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

যিরমিয় 31:25

মুই বল্‌পোজ্যেগুনোরে তাজা গুরিম আর বল্‌পোজ্যেগুনোর মনানি দরমর গুরিম‍।” ‍‍‍‍‍‍‍‍‍‍‍‍‍

যিহিষ্কেল 34:16

যিগুনে আজি যেইয়োন্ মুই তারারে তোগেম্ আর যিগুনে ভান্ন্যেই পধেদি যেইয়োন তারারে ফিরেই আনিম। মুই আহতগুনোরে ঘা-গানি বানি দিম্ আর বল্‌‌পোজ্যেগুনোরে সবল্ গুরিম্, মাত্তর্ পক্তামক্তা আর বোলিবন্দগুনোরে মুই ভস্ত গুরিম, কিত্যে মুই ন্যায়বিচেরর্ মাধ্যমে মর্ পালুনোরে দেগাশুনো গুরিম।

মীখা 7:9

ইক্কিনে আমি লগেপ্রভুর রাগ্‌কান বুওর্, কিত্যেই আমি তা বিরুদ্ধে পাপ গোজ্যেই, মাত্তর্ যেরেদি তে আমা তপ্পে কধা কোইনে আমা অধিকারানি থিদেবর্ গুরিবো। তে আমারে পহ্‌রত্ নিগিলেই আনিবো আর আমি তার্ ন্যায়বিচের্ দেগিবোং।

মথি লেখ্যে গম্ হবর্ 11:28

“তুমি যিগুনে অরান্ ওইয়ো আর ভুধি বুগিনে বেড়র্, তুমি বেক্কুনে মইধু এজঅ; মুই তমারে জিরেবাত্তে দিম্।

মথি লেখ্যে গম্ হবর্ 12:20

ন্যায়বিচেরানরে জিদেই ন-দেনা সং তে বুধি যেইয়্যে নল্লো ন-ভাঙিবো আর এক্কা এক্কা জুলি থেইয়্যে চেরাগ বুদ্দি ন-মারেবা।

যোহন 20:27

পরেদি তে থোমারে কলঅ “তঅ আঙুলুন্ ইয়োত্ দিইনে মঅ দ্বিয়েন্ আঢ্ চাহ্ আর তঅ আঢ্‌তানি বাবেইনে মঅ বুগোত্ রাগা। অবিশ্বেজ্ ন-গুরিচ্ বরং বিশ্বেজ্ গর্।”

যোহন 5:30

মুই নিজোত্তুন্ কিচ্চু গুরি ন-পারং; যেবাবোত্যে শুনোং সেবাবোত্যে বিচের্ গরং। মুই গমেডালে বিচের্ গরং, কিয়া মুই মঅ আওজ্ মজিম্ কাম্ গুরিবাত্তে ন-চাং মাত্তর্ যে মরে পাধেয়্যে তা আওজ্ মজিম্ কাম্ গুরিবাত্তে চাং।

ফগদাং পেইয়্যে 19:11

যেরেদি মুই দেগিলুং স্বর্গগান খুলো আঘে, আর সিয়েনত্ এক্কো ধুব্ ঘোড়া আঘে। যিবে সেই ঘোড়াবো উগুরে বৈ এলঅ তা নাঙান্ অলঅ বিশ্বেজবলা আর সত্য। তে গমেডালে বিচের্ আর যুদ্ধো গরে।