যিশাইয় 42:19 - Chakma Bible

¹⁹ মঅ চাগরুন বাদে কান্ আর কন্না? মর্ পাদেয়্যে দূত্‌তুনো ধোক্ক্যেন বহ্‌রা আর কন্না? মঅ উগুরে বিশ্বেজ্ গুরিয়্যে ধোক্ক্যেন কান্ আর কন্না? লগেপ্রভুর্ চাগরুনো ধোক্ক্যেন কান্ কন্না?‌‌

যিশাইয় 42:19 Iomraidhean Croise

যিশাইয় 26:3

যিবের্ মনান্ তঅ উগুরে থির্ আঘে তারে তুই পুরো সুগে-শান্দিয়্যে রাগেবে, কিত্তে তে তঅ উগুরে বিশ্বেজ্ গরে।

যিশাইয় 27:5

সিগুনে বরং আশ্রয়ত্তে মইদু এজোদোক্; মঅ লগে শান্তির্ কধা কোদোক্। অয়, তারা মঅ লগে শান্তির্ কধা কোদোক্।

যিশাইয় 29:18

সেদিন্যে কান্ বরাগুনে সেই জড়া লাগেয়্যে বোইবোর্ কধা শুনিবাক্, আর ঘুর্‌ঘুজ্যে আন্ধারত্ থেইয়্যে কানুনে দেগিবাক্।

যিশাইয় 41:8

লগেপ্রভু কত্তে, মাত্তর্ ও মর্ চাগর ইস্রায়েল, মর্ বেঈ লোইয়্যে যাকোব, মর্ দাংগু অব্রাহামর্ বংশ,

যিশাইয় 43:8

যিগুনে চোগ্ থাগদেয়ো কান্ আর কান্ থাগদেয়ো বহ্‌‌রা তারা নিগিলি এজোদোক্।

যিশাইয় 44:26

মাত্তর্ মুই মঅ চাগরুনোর কধানি সফল্ অবাত্তে দুয়োং আর মঅ দূত্‌তুনোর কধা পূরোণ গরং। মুই যিরূশালেম পৌইদ্যেনে কঙর্, ‘সিয়েনত্ মানুচ্চুনে বজত্তি গুরিবাক্,’ আর যিহূদার্ শঅরানি পৌইদ্যেনে কঙর্, ‘সিয়েনি আরঅ বানা অবঅ।’ মুই দেজর্ ভস্তর্ জাগায়ানি আরঅ বানেম্।

যিশাইয় 56:10

ইস্রায়েল চুগিদারুন চোগ কান্, তারার্ কনঅ জ্ঞিয়েন নেই। তারা বেক্কুন্ ববা কুগুরো ধোক্ক্যেন, তারা বুগিই ন-পারন্। তারা পড়ি থেইনে স্ববন্ দেগন আর ঘুমাদে গম্ পান।

যিশাইয় 6:9

তে কলঅ, “তুই যেইনে এ মানুচ্চুনোরে কঅ, ‘তুমি শুনোদে থাগঅ মাত্তর্ ন-বুঝ্‌ছো, রিনি চেই থাগঅ মাত্তর্ হবর্ ন-পেয়ো।’ ” ‌‌‌

যিরমিয় 4:22

লগেপ্রভু কোইয়্যেদে, “মঅ মানুচ্চুনে ভুল্; তারা মরে ন-চিনোন্। তারা বুদ্ধি নেইয়্যে পুয়ো-ঝি; তারার বুঝিবার খেমতা নেই। ভান্ন্যেই কাম্ গুরিবাত্তে তারা কাবিল্, মাত্তর্ কিবাবোত্যে গুরি গম্ কাম গরা অয় তারা হবর্ ন-পান।”

যিরমিয় 5:21

ও ভুল্ আর বুদ্ধিনেইয়্যে মানুচ্চুন, তুমি যিগুনে চোগ্ থাগদেয়ো ন-দেগর্, কান থাগদেয়ো ন-শুনোর্, তুমি শুনো।

যিহিষ্কেল 12:2

ও মান্‌‌জ্যর পুয়োবো, তুই এক্কো উল্লোমী জাদ ভিদিরে বজত্তি গরর্। তারার্ চোগ আঘে মাত্তর্ তারা ন-দেগন্, কান আঘে ন-শুনোন্, কিত্যে তারা এক্কো উল্লোমী জাদ্।

মথি লেখ্যে গম্ হবর্ 13:13

সেনত্তে মুই হিত্ত্যলোই তারা ইধু কধা কং, কিয়া তারা দেগিনেয়ো ন-দেগন্, শুনিনেয়ো ন-শুনোন্ বা ন-বুঝোন্।

যোহন 12:40

“গোজেনে তারা চোগ্‌কুন্ নাঢি দিয়্যে আর মনানি বাজে গুরি দিয়্যে, যাতে তারা চোগেদি ন-দেগন্ আর মনানদি ন-বুঝোন্, আর গম্ অবাত্তে তাইধু ফিরি ন-এজন্।”

যোহন 9:39

যীশু কলঅ, “মুই এ পিত্‌থিমীত্ বিচের্ গুরিবাত্যে এচ্চ্যং, যেন যিগুনে ন-দেগন্ তারা দেগন্ আর যিগুনে দেগন্ তারা কানা অন্।”

যোহন 9:41

যীশু তারারে কলঅ, “তুমি যুনি কানা অদা সালে তমার্ কনঅ দুচ্‌ ন-থেদঅ। মাত্তর্ তুমি কঅ, তুমি দেগঅ, সেনত্তে তমার্ দুচ্‌ আঘে।”

রোমীয় 11:25

ভেইলগ্, তুমি যেন নিজোরে জ্ঞানী মনে ন-গরঅ সেনত্তে মুই এক্কান গুমুরো সত্য তমারে জানেই রাগেবাত্তে চাং। সেই সত্যগান্ ইয়েন-অযিহূদীগুনোরে গুণীনে ন-পুরোনা সং বেচ্‌ ভাগ্ ইস্রায়েলীগুনোর মনানি দরমর ওই থেবঅ।

২ করিন্হীয় 4:4

অবিশ্বেজি মানুচ্চুনোর মনানি এ যুগোর্ দেবেদাগুনে কান্ গুরি দুয়োন যেন তারা গম্ হবরর্ পহ্‌রান্ ন-দেগন্। এ গম্ হবরানত্ খ্রীষ্টর্ মহিমাগান্ ফুদি উঠ্যে; আর এ খ্রীষ্টই অলঅ গোজেনর্ অবিকল্ ফগদাং।