যিশাইয় 42:16 - Chakma Bible

¹⁶ মুই কান্ মানুচ্চুনোরে তারার হবর্ ন-পেইয়্যে পধেদি নেযেম্, যে পথ্‌তান তারা হবর্ ন-পান সে পধেদি তারারে চালেম্। তারার্ আগে আগে মুই আন্ধারানরে পহ্‌‌র গুরিম আর সং নেইয়্যে জাগানরে সং গুরি দিম্। ইয়েনি বেক্কানি মুই গুরিম, ঘেচ্চেকগুরি গুরিম।

যিশাইয় 42:16 Iomraidhean Croise

গীতসংহিতা 94:14

লগেপ্রভু কনদিন্‌অ তা মানুচ্চুনোরে ন-ছাড়িবো; যিগুনে তার নিজোর সোম্বোত্তি তারারে তে ফেলেই ন-দিবো।

উপদেশক 1:15

যিয়েন্ বেঙা সিয়েন্ উজু গরা ন-যায়; যিয়েন্ বাগি আঘে সিয়েন্ পুরোন্ গরা ন-যায়।

উপদেশক 7:13

গোজেনর্ কামানি চিদেগুরি চাহ্। তে যিয়েন্ বেঙা গোজ্যে কন্না সিয়েন্ উজু গুরি পারে?

যিশাইয় 26:7

গোজেনভক্ত মানুচ্চুনোর পথ্‌তান্ সং থায়; ও ন্যায়বলা, তুই গোজেন ভক্তগুনোর্ পথ্‌তানি সং গুরি থাচ্।

যিশাইয় 29:18

সেদিন্যে কান্ বরাগুনে সেই জড়া লাগেয়্যে বোইবোর্ কধা শুনিবাক্, আর ঘুর্‌ঘুজ্যে আন্ধারত্ থেইয়্যে কানুনে দেগিবাক্।

যিশাইয় 29:24

যিগুনে গমেডালে বুঝি ন-পারন্ তারা গমেডালে বুঝি পারিবাক্, আর যিগুনে অখুজিগান্ ফগদাং গরন্ তারা শিক্ষ্যে লবাক্।”

যিশাইয় 30:18

তো লগেপ্রভু তমা উগুরে দোয়্যে গুরিবাত্তে বাজ্জেই আঘে; তমারে মেয়্যে গুরিবাত্তে তে যুক্কোল্ ওই আঘে। লগেপ্রভু ন্যায়বিচেরর্ গোজেন; যিগুনে তাত্তে বাজ্জেই আগন্ তারা বর্ পেইয়্যে।

যিশাইয় 30:21

ডেনে বা বাঙে কনকিত্ত্যে যেবার্ সময় তুমি পিজেত্তুন্ তার এ কধানি শুনিবা, “ইয়েনই পথ; তুমি এ পধেদি যঅ।”

যিশাইয় 32:3

সেক্কে যিগুনোর চোগ্‌কুনে দেগিবাক্ তারা চোগ্‌কুন নাঢা ন-যেবাক্, আর যিগুনোর কানানিয়ে শুনে তারা শুনিবাক্।

যিশাইয় 35:5

সেক্কে কান্ মানুচ্চুনোর চোগ্‌কুন খুলি যেবঅ,‌ বরাগুনোর্ কানানি নাঢা যেইয়্যে ন-থেবঅ।

যিশাইয় 35:8

সিয়েনত্ অবঅ এক্কান রাজপথ, অয়, এক্কান্ পথ অবঅ; সিয়েনরে কুয়ো অবঅ সুদো-সাংগর্ পথ। অসিজি মানুচ্চুনে সিয়েন উগুরেদি ন-যেবাক্; সিয়েন অবঅ তারাত্তে যিগুনে সুদ্ধো-সাংগর্ পধেদি চলন্। বাজে-বিবেক্ মানুচ্চুনে সে পধেদি ন-যেবাক্।

যিশাইয় 40:4

বেক্ কলক্কানি ভরা অবঅ, মুড়ো-মুড়িগুন্ সং গরা অবঅ, মুড়োমুড়ি জাগায়ানি সং গরা অবঅ, আর্ সং নেইয়্যে ভূইয়ানি সং গরা অবঅ।

যিশাইয় 41:17

“দুঘি আর অভাবীগুনে পানি তগান্, মাত্তর্ পানি নেই; পানি তিরেজে তারার্ জিলানি শুগেই যেইয়্যে। মাত্তর্ মুই লগেপ্রভু তারারে জোব্ দিম; মুই ইস্রায়েলর গোজেন তারারে ছাড়ি ন-যেম্।

যিশাইয় 41:3

তে তারারে লোড়েব; যে পত্‌থানন্দি তে আঘে কনদিন্অ ন-আঢে সে পত্‌‌‌‌থানন্দি তে গমেডালে আঢি পারিবো।‌

যিশাইয় 45:2

তে কোরসরে কত্তে, মুই তঅ আগে আগে যেইনে অজল্-নিজো জাগায়ানি সং গুরি দিম; মুই পিদলর্ বেক্ গেট্‌‌তুন্ ভাঙি দিম আর লুয়োর্ হেবাগুন্ কাবি ফেলেম।

যিশাইয় 45:7

মুয়ই পহ্‌‌র আর আন্ধারানরে বানেয়োং; মুয়ই ভালেদি আনং আর সর্বনাশ সৃট্টি গরং। মুই লগেপ্রভু ইয়েনি গুরি থাং।

যিশাইয় 48:17

লগেপ্রভু, তমা উদ্ধোরগুরিয়্যে, ইস্রায়েলর সেই সুদ্ধো-সাংগ মানুচ্চো এ কধাগান কোইয়্যেদে, “মুই তমা গোজেন লগেপ্রভু; তমা উপকারত্তে মুই তমারে শিক্ষ্যে দুয়োঙ্। যে পধেদি তমাত্তুন্ চলা পুরিবো মুই সে পধেদি তমারে চালাং।

যিশাইয় 52:12

মাত্তর্ তুমি যাদিমাদি গুরি নিগিলি ন-এচ্চ্য বা ধেইয়ো ন-এবা, কিত্তে লগেপ্রভু তমা আগে আগে যেবঅ; ইস্রায়েলর গোজেনে তমারে পিজেন্দিত্তুন্ রোক্ষ্যে গুরিবো।

যিশাইয় 54:13

তর্ বেক পুয়োগুন্ লগেপ্রভুর শিচ্চ্য অবাক্ আর তঅ পুয়োগুনোর্ জদবদে ভালেদি অবঅ।

যিশাইয় 58:10

যুনি পেট্ পুজ্যে মানুচ্চুনো উগুরে মেয়্যে দেগেইনে তারারে হানা দুয়ো, সেক্কে আন্ধারত্‌অ তমার পহ্‌‍‌‍‌র জুলি উদিবো আর তমার রেত্‌‍‌তো অবঅ দিবুজ্যে মাদান ধোক্ক্যেন।

যিশাইয় 62:12

তা মানুচ্চুনোরে কুয়ো অবঅ, “লগেপ্রভুর নাঙে যুদো গোজ্যে মানুচ্, অত্তাৎ লগেপ্রভুর উদ্ধোর্ গোজ্যে মানুচ্।” ও যিরূশালেম, তরে কুয়ো অবঅ, “তোগেই পেইয়্যে শঅর, অত্তাৎ ফিরেই আন্যে শঅর।”

যিহিষ্কেল 14:23

তারার্ খাচ্চ্যত্ আর কামানি দেগিনে তুমি সান্তনা পেবা আর বুঝি পারিবা যে, এনেবাদে মুই কিচ্চু ন-গরং। মুই প্রভু লগেপ্রভু এ কধাগান কঙর্।”

হোশেয় 2:14

পরেদি মুই তারে মিদে কধা কোইনে ধূল্যেচর-চাগালাত্ নেযেম আর তা সমারে কোচ্‌পানার কধা কোম।‌‌

হোশেয় 2:6

সেনত্তে মুই কাদাঝুপ্পোই তা পথ্‌‌‌তান‌ নাঢি দিম; মুই তা চেরোকিত্তে দেবাল্ তুলি দিম্ যেনে তে তার্ পথ্‌তান তোগেইনে ন-পায়।

আমোষ 5:8

যিবে কৃত্তিকা আর মৃগশীর্ষ নাঙে তারাগুন বানেয়্যে, যিবে আন্ধারানরে পহ্‌‌‌র গরে আর দিন্নোরে রেদোর্ আন্ধার্ গরে, যিবে সাগর পানিগানরে ডাগিনে ভূইয়ো উগুরে ঢালি দে, তা নাঙান্ লগেপ্রভু।

লূকে লেখ্যে গম্ হবর্ 3:5

বেক্ কলগ্‌কানি ভরা অবঅ, মুড়ো-মুড়ি সং গরা অবঅ। বেঙাতেরা পথ্‌তানি উজু গরা অবঅ, সংনেইয়্যে পথ্‌‌তানি সং গরা অবঅ।

ইফিষীয় 5:8

কিয়া তুমি আগে আন্ধারত্ থেলেয়ো ইক্কিনে প্রভু সমারে মিজেইনে পহ্‌রত এচ্চ্য। পহ্‌রে ভরা মান্‌জ্যর্ যেধোক্ক্যেন চলানা উচিত তুমি সেধোক্ক্যেন গুরি চলঅ,

ইব্রীয় 13:5

টেঙা-পৌইজ্যের্ লুভোত্তুন্ নিজোরে দূরোত্ রাগঅ। তমার্ যিয়েনি আঘে সিয়েনিলোই হুজি থাগঅ। গোজেনে কোইয়্যেদে, “মুই কনদিন্অ তরে ফেলেই ন-যেম্ বা কনদিন্অ তরে বাদ্ ন-দিম্।”

যিহোশূয় 3:4

সেক্কে তুমি বুঝি পারিবা তমাত্তুন কন্‌ পদেন্দি যাহ্‌ পুরিবো, কিত্যে তুমি ইয়েনর আগেন্দি কনদিনঅ‌ এ পথ্‌তানন্দি ন-যঅ‌। মাত্তর্‌ তুমি সাক্ষ্য-সুন্দুগো ইত্তুন্‌ প্রায় দ্বিআজার আত্‌ দুরোত্‌ থেবা, তাইদু ন-যেবা।”

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।