যিশাইয় 42:10 - Chakma Bible

¹⁰ ও সাগরত্ আঢাউদো গোজ্যেগুন্, সাগর ভিদিরে বেক্ প্রাণিগুন, ও দূরোর্ দেজ্‌ছানি আর সিয়েন ভিদিরে আদাম্মেগুন্,‌‍‍‍ তুমি বেক্কুনে লগেপ্রভুর্ নাঙে এক্কো নূয়ো গীদ্ গঅ, পিত্‌‌থিমীর শেজ্ ধুজিত্তুন্ তার নাঙ্ গিনেদে গীদ্ গঅ।

যিশাইয় 42:10 Iomraidhean Croise

১ বংশধর 16:32

সাগর্‌ আর তা ভিদিরে বেক্কানিয়ে গুজুরি উদোক্‌; মাত্‌তুনে আর তা বুগঅ উগুরে বেক্কানিয়ে হুজি ওক্‌।

গীতসংহিতা 150:6

নিজেস্ ফেলেয়্যে বেক্ প্রাণিগুন লগেপ্রভুরে নাঙ্ গিনোদোক্। লগেপ্রভুরে নাঙ্ গিনো।

গীতসংহিতা 33:3

তার্ নাঙে নুয়ো গান গঅ, কাবিল্ আত্তোই বাজানা বাজঅ আর হুজিয়ে রঅ ছাড়।

গীতসংহিতা 40:3

তে মর্ মুয়োনত্ দিলো নূয়ো গান, আমা গোজেনর নাঙ্ গিনেদে-গান। ভালোক্ জনর চোগোত্ সিয়েন্ পড়িবো আর তারার্ মনত্ ভোক্তিবলা দর্ অবঅ; তারা লগেপ্রভু উগুরে বিশ্বেজ্ গুরিবাক্।

গীতসংহিতা 65:5

ও আমার উদ্ধোর্ গুরিয়্যে গোজেন, তর্ ন্যায্য ভোক্তিবলা দর্‌বুক লাগাইদ্যে কাম্বোই তুই আমা ডাগনিলোই শমক্ দিবে। পিত্‌থিমীর বেক্ মানুচ্চুন, এমন কি, বেগত্তুন দূরোত্ আর দূরো গাঙ পাড়র মানুচ্চুনেয়ো তঅ উগুরে বিশ্বেজ্ গরন।

গীতসংহিতা 72:10

তর্শীশ আর দ্বিব্‌পুনোর রাজাগুনে তারে খাজানা দেদোক্; শিবা আর সবা দেজর রাজাগুনেয়ো তার পাইদ্যে বক্‌শিজ্‌ছান তারে দেদোক্।

গীতসংহিতা 96:11

আগাজ্‌ছানে হুজি ওক্, পিত্‌থিমীগানে হুজি ওক্; সাগর আর সে ভিদিরে যিদুক্কুন আগন্ বেক্কানিয়ে গুজুরি উদোক্;

গীতসংহিতা 97:1

লগেপ্রভুই রাজা, পিত্‌থিমীগানে ফুত্তি গোরোক্, দূরোর গূণি ন-পুরেইয়্যে থল্ মুড়োগুনে হুজি ওক্।

যাত্রা 15:1

ইয়েন পরেদি মোশি আর ইস্রায়েলীয়গুনে লগেপ্রভুর নাঙে এই গীদ্‌‌তো গেলাক্: মুই লগেপ্রভুর নাঙে গীদ্ গেইম্‌, কিত্তে মানেইয়ুনোর চোগোত্‌ তাঁর্‌ মহিমাগান্ বাড়িলো। ঘোড়া আর ঘোড়াবাহিনীর্ দলুনোরে তেয়ই বড়গাঙর্ পানিত্‌ ফেলেই দিলো।

যাত্রা 20:11

লগেপ্রভু ছয়দিনোত্‌ দাঙর্‌ আগাজ্‌ছান, পিত্‌থিমীগান, বড়গাঙানি আর সিয়েনি ভিদিরে বেক্কানি বানেইয়্যে, মাত্তর্‌ সাত্‌ দিনোত্‌ সেই কামানি আর্‌ ন-গরে। সেনত্তে তে এই জিরেবার্‌ দিন্নোরে আশিদ্‌বাদ্‌ গুরিনে তার্‌ নিজোত্তেই যুদো গোজ্যে।

যিশাইয় 11:11

সেদিন্যে তার্ বাঁজি থেইয়্যে মানুচ্চুনোরে আসিরিয়াত্তুন্, মিসর আর পথ্রোষত্তুন, কূশ, এলম, বাবিল, হমাৎ আর দ্বিব্‌পুনোত্তুন্ উদ্ধোর্ গুরি আনিবাত্তে দ্বিবার তা আঢ্‌তান বাড়েই দিবো।‌‌

যিশাইয় 12:5

লগেপ্রভুর নাঙে গীদ্ গঅ, কিত্তে তে বাঈনী গরেদে ধোক্ক্যেন কাম্ গোজ্যে; পুরো পিত্‌‌থিমীগানত্ যেন এ কধাগান্ জানা অয়।

যিশাইয় 42:4

পিত্‌থিমীত ন্যায়বিচের থিদেবর্ ন-অনা সং তে বল্‌‌‌পোজ্যে ন-অবঅ বা ভাঙি ন-পুরিবো। দূরো মানুচ্চুনে তা উগুমান বাজ্জেই থেবাক্।”

যিশাইয় 44:23

ও আগাজ্‌চান, হুজিয়ে গিদ্ গাহ্, ‍‍ কিত্তে লগেপ্রভু ইয়েন গোজ্যে। ও পিত্‌থিমীর গভিন্ জাগায়ানি, জয় ধুনি দে।‍‍‍ ও মুড়ো-মুড়িগুন্, ও ঝার্ আর সিয়েনর গাজ্-বাজ্‌চুন্, তুমি হুজিয়ে-গানে ফুত্তি গরঅ, কিত্তে লগেপ্রভু যাকোবরে উদ্ধোর্ গোজ্যে আর ইস্রায়েলর্ মাধ্যমে তার বাঈনী গরানা ফগদাং গুরিবো।

যিশাইয় 48:20

তুমি বাবিলান ছাড়িনে যগোই, বাবিলীয়গুনো ইত্তুন্ ধেই যঅ। তুমি হুজিয়ে রঅ ছাড়িনে জানঅ, ফগদাং গরঅ। পিত্‌‌‌থিমীর শেজ্ ধুজি সং এ কধাগান কঅ, “লগেপ্রভু তা চাগর্ যাকোবরে উদ্ধোর্ গোজ্যে।”

যিশাইয় 49:13

ও আগাজ্‌চান, হুজিয়ে রঅ ছাড়্; ‌‍‍‍ ও পিত্‌থিমীগান, ফুত্তি গর্; ও মুড়ো-মুড়িগুন, দাঙর্ দাঙর্ গুরি হুজিয়ে গান গঅ; কিত্তে লগেপ্রভু তা মানুচ্চুনোরে বুঝেব আর তার অত্যেচার ওইয়্যে মানুচ্চুনো উগুরে মেয়্যে গুরিবো।

যিশাইয় 49:6

তে কোইয়্যেদে, “বানা যাকোবর্ বংশবোরে উদ্ধোর্ গুরিবাত্তে আর ইস্রায়েলর বাঁজি থেইয়্যে মানুচ্চুনোরে ফিরেই আনিবাত্তে যে তুই মর্ চাগর্ অবে সিয়েন নয়; সিয়েন খুব সামান্য বেপার। ইয়েন বাদেয়ো মুই অন্য জাদ্‌তুনো ইদু তরে পহ্‌‍‍‍র ধোক্ক্যেন গুরিম যেন তঅ মাধ্যমে সংসারর বেগ্ মানুচ্চুনে পাপত্তুন্ উদ্ধোর পান‍।”

যিশাইয় 51:5

মর্ সততাগান কায়-কুরে লুম্মেগি আর মর্ উদ্ধোর গুরিবার কামানি আরাম্ভ ওইয়্যে। মুই নিজে জাদ্‌তুনো উগুরে ন্যায়বিচের গুরিম। দূর্ দেজ মানুচ্চুনে মন্দি রিনি চেবাক্ আর মর্ খেমতাবলা আঢ্‌তানরে বাজ্জেই থেবাক্।‌‌

যিশাইয় 60:6

ধূল্যেচরেদি যেইয়্যে উটো পিদিত্ যেইয়্যেগুন্দোই তমা দেজ্‌চান ভুরি যেবঅ, ভুরি যেবঅ মিদিয়ন আর ঐফার বোলী উট্‌তুন্দোই। তারা সোনা আর তুম্বাজ্ আগর্‌বাট্টি্‌লোই শিবা দেজত্তুন এবাক্ আর লগেপ্রভুরে বাঈনী গুরিবাক্।

যিশাইয় 60:9

ঘেচ্চেকগুরি দূর দেজ মানুচ্চুনে মত্তেই বাজ্জেই আগন্; তমা পূয়োগুনোর আর তারার সোনা রূবোনিলোই দূরোত্তুন্ দাঙর্ দাঙর্ তর্শীশ-জাহাজ্‌চোই বেক্কুনোত্তুন্ আগে আগে এত্তন্।‌‌ ইস্রায়েলর সেই সুদ্ধো-সাংগ মানুচ্চোর, তর্ গোজেন লগেপ্রভুরে বাঈনী গুরিবাত্তে তর্ পুয়োগুনে এত্তন্, কিত্তে তরে তে সয়সাগজ্যে গুরি সাজেয়্যে।

যিশাইয় 62:11

লগেপ্রভু পিত্‌থিমীর শেজ্ দুযি সং ফগদাং গোজ্যে, “সিয়োন-মিলেবোরে কঅ, ‘চাহ্, তঅ উদ্ধোর্ গুরিয়্যেবো এজের্। চাহ্, তে যে বক্‌‌শিজ্‌‌চান পেইয়্যে সিয়েন তা সমারে আঘে; তার পাওনাগান তা ইদু আঘে।’ ”

যিশাইয় 65:14

মনত্ হুজি আঘে বিলিনে মঅ চাগরুনে গিদ্ গেবাক্, মাত্তর্ তুমি মনত্ দুঘে কানিবা আর মনানি ভাঙিনে অবিলেচ্ গুরিবা।

সফনিয় 2:11

লগেপ্রভু তারা ইধু অমকদ দর্‌‌গরেপারা অবঅ; তে পিত্‌‌থিমীর বেক দেবেদাগুনোরে বল্‌‌পোজ্যে গুরিবো। সেক্কে দূর দেজর্ বেক জাদর্ মানুচ্চুনে নিজো নিজো দেজত্তুন্ তার্ উবোসনা গুরিবাক্।

ফগদাং পেইয়্যে 14:3

সেই সিংহাসনান্ আর সেই চের্‌বো জেদা প্রাণী আর সেই নেতাগুনো মুজুঙোত্ তারা এক্কো নুয়ো গীদ্ গাদন্। কনজনে সেই গীদ্‌তো শিগি ন-পারিলাক্; বানা সেই একশ চৌচল্লিশ্ আজার মানুচ্‌, যিগুনোরে পিত্‌থিমীর্ মানুচ্চুনো ভিদিরেত্তুন্ কিনি নেযা ওইয়্যে তারা শিগি পারিলাক্।

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।