যিশাইয় 41:25 - Chakma Bible

²⁵ “পূগেদি এক্কো মান্‌জ্যে মঅ নাঙান্ ফগদাং গুরিবো; তারে মুই উত্তোরেদিত্তুন্ এবাত্তে উত্তেজিত গোজ্যং, আর তে এচ্চ্যে। যেবাবোত্যেগুরি চিবিদি আর পানি মিজে অয় আর কুমোরুনে মাদি মলন্ সেধোক্ক্যেন গুরি তে শাজন্‌ গুরিয়্যেগুনোর টেঙোই দুলিবো।

যিশাইয় 41:25 Iomraidhean Croise

২ শমূয়েল 22:43

পিত্তিমীর্ ধূল্যে ধোক্ক্যেন্ তারারে গুড়ি গোজ্যং; পধর্ মাদি-ফুদো ধোক্ক্যেন্‌ টেঙগোই মাড়িনে মুই তারারে নিগুজ্ গোজ্যং।

যিশাইয় 10:6

মুই তারে গোজেন উগুরে ভোক্তিনেইয়্যে এক্কো জাদ বিরুদ্ধে পাদাঙর্ আর যিগুনে মঅ রাগ্‌‌কান তুলি দুয়োন্ তারা বিরুদ্ধে পাদাঙর্ যেন তে লুদেই পারে আর কাড়ি নেযেই পারে আর পদ কাদা ধোক্ক্যেন্ গুরি তারারে টেঙোই মাড়ি পারে।

যিশাইয় 21:2

এক্কান দর্‌গরেপারা দর্শন মরে দেগা ওইয়্যে-বেঈমান্নো বেঈমানি গোজ্যে, আর লুদেয়্যেবো লুদেয়্যে। ও এলম, আক্রমণ গর্; মাদিয়া, ঘিরি ফেলা। বাবিলে যেদক্কানি দুঘ্-কষ্ট ঘোদেয়্যে সিয়েন মুই বন্ধ গুরি দিম্।

যিশাইয় 41:2

“কন্না পূগেন্দিত্তুন্ এবাত্তে একজনরে উত্তেজিত গোজ্যে? ন্যায়বলা গোজেনে তা কামত্তে তারে ডাক্যে। তে সেই মানুচ্চোর্ আঢত্ জাদ্‌তুনোরে তুলি দিবো আর তা মুজুঙোত্ রাজাগুনোরে লোঙেব। তা তলোয়ারান্দোই তে তারারে ধূল্যে ধোক্ক্যেন্ গুরিবো আর তা ধনুগান্ মুজুঙোত্ বোইয়্যেরে লাড়াইদ্যে ধোক্ক্যেন্ তারারে উড়েই দিবো।‌

যিশাইয় 44:28

মুই কোরস পৌইদ্যেনে কঙর্, তে মর্ গরক্; মুই যেনে হুজি অং তে সিয়েনি বেক্কানি গুরিবো। তে যিরূশালেম পৌইদ্যেনে কবঅ, ‘সিয়েন আরঅ বানা ওক্,’ আর উবোসনা-ঘরান পৌইদ্যেনে কবঅ, ‘সিয়েনর্ গড়াগান্ থিদেবর্ গরা ওক্।’ ”

যিশাইয় 45:1

লগেপ্রভু তার অভিষেগ্ গোজ্যে মানুচ্ কোরস পৌইদ্যেনে কত্তে, “তা মুজুঙোত্ জাদ্‌তুনোরে দোঙেবাত্তে আর রাজাগুনোরে বল্‌পোজ্যে গুরিবাত্তে মুই তার ডেন্ আঢ্‌‌তান ধোজ্যং। মুই তা মুজুঙোত্ দোরানি খুলি দিম্ যেনে গেট্‌‌‌‌তুন বন্ধ ন-থান্।”

যিশাইয় 45:13

মর্ ন্যায্যতালোই মুই কোরসরে উত্তেজিত গুরিম; মুই তার বেক্ পথ্‌তান উজু গুরিম। তে মর্ শঅরান আরঅ বানেই দিবো, মর্ যে মানুচ্চুনে বন্দী এলাক্ তে তারারে ইরি দিবো মাত্তর্ তে কনঅ দাম বা বক্‌শিজত্তে সিয়েন ন-গুরিবো।’ বেগত্তুন্ খেমতাবলা লগেপ্রভু এ কধাগান কত্তে।”

যিরমিয় 1:14

লগেপ্রভু মরে কলদে, “এ দেজত্ যিগুনে বজত্তি গরন তারার বেক্কুনো উগুরে উত্তোরেত্তুন দজার্ বান পানি ধোক্ক্যেন উজেই এবঅ।

যিরমিয় 50:3

উত্তোরেত্তুন্ এক্কো জাদে তারে আক্রমণ গুরিবো আর তা দেজ্‌‌‌‌‍চানরে ফেলা যেইয়্যে ভূই গুরি রাগেব। কনজনে সিয়েন ভিদিরে বজত্তি ন-গুরিবাক্; মানুচ্ আর য়েমানে দ্বিবে ধেই যেবাক্।

মীখা 7:10

সেক্কে আমা শত্রুগুনে সিয়েন দেগিনে অমকদ লাজেবাক্। তারা দঅ আমারে কদাক্, “তমার্ গোজেন লগেপ্রভু কুধু?” মাত্তর্ আমা চোগ্‌‌‌কুনে তারারে পত্তে দেগিবাক্; এন্ কি, পধ কাদা ধোক্ক্যেন তারারে টেঙোই মাড়া অবঅ।‌

সখরিয় 10:5

সেক্কে যিহূদার মানুচ্চুনে এমন বোলী মান্‌‌‌জ্য ধোক্ক্যেন অবাক্ যিগুনে যুদ্ধোত্ গাড়া-যেয়্যে পধত্ শত্রুগুনোরে টেঙোই মাড়ন। মুই তারা সমারে টেইম্ বিলিনে তারা যুদ্ধো গুরিনে ঘোড়া চালেয়্যেগুনোরে ওদেই দিবাক্।

ফগদাং পেইয়্যে 16:12

সে পরেদি ছ লম্বর স্বর্গদূত্‌তো বড়্‌গাঙ ইউফ্রেটিস উগুরে তা কদরাবো উবোত্ গুরিলো। সেক্কে পুগেদি দেজর্ রাজাগুনোর যেবার পধ্‌তান যুক্কোল অবাত্যে সেই গাঙান পানিগান শুগেই গেলঅ।