যিশাইয় 41:23 - Chakma Bible

²³ আগামিদি কি অবঅ সিয়েনি আমারে কঅ, সালে আমি হবর্ পেবঙে, তুমি দেবেদা। গম্ ওক্ বা বজং ওক্ এক্কান কিজু গরঅ যিয়েনি দেগিনে আমি ওলোমোত্য অবং।

যিশাইয় 41:23 Iomraidhean Croise

যিশাইয় 19:12

তর্ জ্ঞানী মানুচ্চুন্ ইক্কিনে কুদু? মিসর বিরুদ্ধে বেগত্তুন্ খেমতাবলা লগেপ্রভু যিয়েনি ঠিগ্ গোজ্যে সিয়েনি তারা নিজে জানদোক্ আর তরে কোদোক্।

যিশাইয় 42:9

চাহ্, পুরোণি ঘটনাগানি ঘুদি যেইয়্যে আর ইক্কিনে মুই নুয়ো ঘটনাগানির্ কধা ফগদাং গুরিম; সিয়েনি ঘুদিবার আগেদি তমাইদু সিয়েনি জানাঙর্।”

যিশাইয় 43:9

বেক্ জাদ্‌তুনে একসমারে এগত্তর্ ওদোক্ আর মানুচ্চুনে এক জাগাত্ মিলোদোক্। তারা ভিদিরে কন্না আমা ইদু আগাম্ কধা কোই পারে আর পুরোণি বেপারানি কোই পারে? তারার্ কধানি যে ঠিগ্ সিয়েনি প্রমাণ গুরিবাত্তে তারা তারার্ সাক্ষিগুন্ আনদোক্ যেন সেই সাক্ষিগুনে সিয়েনি শুনিনে কোই পারন্, “ঠিগ্ কধা।” ‌‌‌‍‍‌‌‍‍

যিশাইয় 45:21

এজঅ, তমা তপ্পে যিয়েনি কবার্ আঘে সিয়েনি কঅ; তুমি এক সমারে সল্লা গরঅ। এ ঘটনাগানি যে ঘুদিবো সিয়েনি কন্না আগে কোইয়্যে? সেই বোউত্ আগেদি কন্না সিয়েনি ফগদাং গোজ্যে? মুই লগেপ্রভু কি সিয়েনি ন-গরং? মুই বাদে আর কনঅ গোজেন নেই; মুই ন্যায়বলা গোজেন, মুই উদ্ধোরগুরিয়্যে। মুই বাদে আর কনঅ গোজেন নেই।

যিশাইয় 45:3

মুই তরে আন্ধার জাগাত্ থোইয়্যে ধন-সোম্বোত্তি আর লুগেয়্যে জাগাত থুবেই থোইয়্যে ধন দিম, যেনে তুই হবর্ পাজ্, মুয়ই লগেপ্রভু, ইস্রায়েলর গোজেন, যিবে তঅ নাঙান্ ধুরিনে ডাগে।

যিশাইয় 46:7

তারা তারে কানাত্ তুলিনে বুয়োই নেযান্; তা জাগানত্ তারা তারে থিদেবর্ গরন আর তে সিয়েনত্ থায়। সে জাগানত্তুন্ তে আর লুড়ি ন-পারে। কনজনে তা কায়কুরে কানিলেয়ো তে জোব্ দি ন-পারে, তা দুখ্ কষ্টত্তুন্ তারে রোক্ষ্যে গুরি ন-পারে।

যিরমিয় 10:5

ফল খেদর্ চোড়োইয়ো ধোক্ক্যেন তারার মূত্তিগুনে কধা কোই ন-পারন; তারারে বুয়োই নেযা পরে, কিত্তে তারা আঢি ন-পারন। তুমি তারারে ন-দোরেয়ো; তারা খেতিয়ো গুরি ন-পারন, ভালেদিয়ো গুরি ন-পারন্।”

দানিয়েল 2:9

তুমি যুনি স্ববনান্ মরে কোই ন-পার সালে বানা এক্কান সাজা তমাত্তেই আঘে। তুমি আজা গরত্তে অবস্থাগান বুদুলিবো, আর সিয়েনত্তে মরে মিজে কধা কোইনে ঠোগেবার সল্লা গোজ্য। তুমি ইক্কিনে মরে স্ববনান্ কঅ; সালে মুই হবর্ পেইম্‌বে যে, তুমি সিয়েনর্ ভেদ্‌তান্‌অ মরে কোইদি পারিবে।”

যোহন 13:19

ইয়েন গুদিবার্ আগেদি মুই তমারে কঙর্, যেন ঘুদিলে পরেদি তুমি বিশ্বেজ্ গুরি পার যে, মুয়ই সিবে।

প্রেরিত্‌ 15:18

ভালোক্ দিন আগেত্তুন্ ধুরি ইবে তা মনঅ ভিদিরে এলঅ।”