যিশাইয় 41:18 - Chakma Bible

¹⁸ মুই গাজ্-বাজ্ নেইয়্যে মুড়োগুনো উগুরে গাঙ্ ওইনে বেঈ যেম্ আর কলগর্ নানান জাগাত্ তান্জাং গুরি দিম। মুই ধূল্যেচরত্ পুয়োর্ বানেই দিম, আর শুগুনো মাদিত্ পয়নালা খুলি দিম।

যিশাইয় 41:18 Iomraidhean Croise

গীতসংহিতা 104:10

কলগ ভিদিরে তুয়ই পানি পয়নালা পাদেয়োচ্; সেই পানিগান মুড়ো-মুড়ির সংমোধ্যেন্দি বেঈ যায়।

গীতসংহিতা 105:41

তে পাত্তর্ খুলি দিলো, সেক্কে পানি নিগিলি এলঅ; শুগুনো জাগা ভিদিরেন্দি সিয়েনে গাঙ ধোক্ক্যেন বেঈ গেলঅ।

গীতসংহিতা 107:35

তে ধূল্যেচর-চাগালাগানরে পুয়োর্ বানায় আর শুগুনো জাগানরে গরে পয়নালা।

গীতসংহিতা 126:4

ও লগেপ্রভু, নেগেভ ধূল্যেচর-চাগালাত্ পানি গঙার ধোক্ক্যেন গুরি তুই পুরোণি অবস্থাত্ আমারে ফিরেই আন।

গীতসংহিতা 46:4

এক্কান গাঙ্ আঘে যিয়েনর ভালোক্কানি ছড়া আঘে গোজেনর শঅরানরে হুজিয়ে রাজিয়ে রাগায়, হুজিয়ে রাগায় সেই সুদ্ধো-সাংগ জাগায়ান যিয়েনত্ দাঙর্ গোজেনে থায়।

যিশাইয় 12:3

ইয়েনত্তে তুমি হুজি ওইনে উদ্ধোরর্ বেক্ পয়নালাগুনোত্তুন্ পানি তুলিবা।

যিশাইয় 30:25

সেই দযার্ দিনোত্ যেক্কে ভালোক্ জনরে মারে ফেলা অবঅ আর ঘরানি ভাঙি পড়িবো সেক্কে বেক্ মুড়ো-মুড়িগুনো উগুরেদি বেইনে পানি গঙারান্ বেঈ যেবঅ।

যিশাইয় 32:2

তারাত্তুন্ পত্তি জনে অবাক্কে যেন বোইয়্যেরত্তুন্ পোল্যেয়্যে জাগা আর ঝড়ত্তুন্ আশ্রয়জাগা, যেন ধূল্যেচরত্ গঙার পানি আর রোদ্ পোজ্যে ভূইয়োত্ দাঙর্ পাত্তর ছাবা।

যিশাইয় 33:21

সিয়েনত্ খেমতাবলা লগেপ্রভু আমা ভালেদিত্তে থেবঅ। সিয়েনত্ দাঙর্ দাঙর্ গাঙ্ আর বিল থেবঅ। কনঅ পাঙেয় নৌকো সিয়েনিত্ ন-চলিবো; কনঅ দরমর জাহাজ্অ সিয়েনি উগুরেদি ন-যেবঅ।

যিশাইয় 35:1

ধূল্যেচর-চাগালা আর শুগুনো ভূইয়ানি হুজি অবঅ; ধূল্যেচর জাগায়ানিয়ে হুজি অবঅ আর ফুল ফুদেব। ফাগোন্-চৈত্ মাজত্ পত্তম ফুলো ধোক্ক্যেন সিয়েনিত্ বোউত ফুল ধুরিবাক্; ধূল্যেচরানিয়ে বোউত্ হুজি অবঅ আর হুজিয়ে রঅ ছাড়িবো। সিয়েনরে লেবানন ধোক্ক্যেন বাঈনী গরা অবঅ, দিয়্যে অবঅ কর্মিল আর শারোণর দোল্ জিনিস্‌‌চান; মানুচ্চুনে লগেপ্রভুর বাঈনীগান্ দেগিবাক্, দেগিবাক্ আমা গোজেনর দোল্ জিনিস্‌চান।

যিশাইয় 44:3

কিত্তে মুই মাদি ফাদি যেইয়্যে ভূইয়ো উগুরে পানি ঢালিম আর শুগুনো জাগা উগুরেদি পানি গঙার্ বুয়োই দিম। মুই তঅ পুয়ো-ছাগুনো উগুরে মঅ আত্মাগান ঢালি দিম আর তঅ বংশর মানুচ্চুনোরে বর্ দিম।

যিশাইয় 48:21

যেক্কেনে তে ধূল্যেচর ভিদিরেদি তারারে নেযার্ সেক্কেনে তারা পানি তিরেজে দুঘ্ ন-পান, কিত্তে তে পাত্তরত্তুন্ তারাত্তে পানি নাল্ দিয়্যে; তে পাত্তর ফাদি দিয়্যে আর সিবেত্তুন্ পানিগান নিগিলি এচ্চ্যে।

যিশাইয় 58:11

মুই লগেপ্রভু তমারে নিত্য পরিচালনা গুরিম; শুগেই যেইয়্যে দেজত্ মুই তমারে দরকারান্ মিটেই দিম্ আর তমা কিয়্যেগানরে বল্ দান গুরিম। তুমি গমেডালে পানি পেইয়্যে বাগান ধোক্ক্যেন অবা আর এমন পয়নালা ধোক্ক্যেন অবা যিয়েনর পানিগান কনদিন্অ ন-শুগেব।

যিশাইয় 65:13

সেনত্তে প্রভু লগেপ্রভু কোইয়্যেদে, মঅ চাগরুনে হেবাক্, মাত্তর্ তুমি পেট্ পরায় মুরিবে; মঅ চাগরুনে পানি হেবাক্, মাত্তর্ তুমি পানি তিরেস্ পেই পেই থেবা; মঅ চাগরুনে ফুত্তি গুরিবাক্, মাত্তর্ তমারে লাজ্ দিয়্যে অবঅ।

যোয়েল 3:18

“সেদিন্যে দাঙর্ দাঙর্ মুড়োগুনোত্তুন্ বোউত্ আংগুর-রস পাহ্ যেবঅ আর চিগোন চিগোন মুড়োগুনোত্তুন্ বোউত্ দুধ পাহ্ যেবঅ। যিহূদার বেক্ পানি গাঢ্‌‌‌‌তুনোদি পানি বেঈ যেবঅ। লগেপ্রভুর ঘরত্তুন্ এক্কো পয়নালা উদিনে শিটীমোর কলগ্‌‌‌‌কানরে পানি দান গুরিবো।

সখরিয় 14:8

সে অক্তত্ হরান্ন্যে আর ঝার্‌কালত্ যিরূশালেমত্তুন্ মিদে পানি নিগিলিনে অদ্দেক্কান পূগেদি সাগর ইন্দি আর অদ্দেক্কান্ পোজিমেদি সাগর ইন্দি বেঈ যেবঅ।

ফগদাং পেইয়্যে 22:1

সিয়েন পরেদি সেই স্বর্গদূত্‌তো মরে জিংকানি-পানির্ গাঙান্ দেগেল। সিবে ফুদিগো ধোক্ক্যেন সাব্ এলঅ আর গোজেনর্ আহ্ ভেড়া-ছবোর্ সিংহাসনত্তুন্ নিগিলিনে শঅর পধর্ সংমোধ্যেদি বেঈ যার্। সেই গাঙানর্ দ্বিয়ো পারত্ জিংকানি-গাজ্ এলঅ। সিয়েনত্ বার বাবোত্যে গুলো ধরন্। পত্তি মাজত্ সিগুনোত্ গুলো ধরন্ আর সেই পাদানিলোই বেক্ জাদর্ মানুচ্চুনে গম অন্।

ফগদাং পেইয়্যে 7:17

কিয়া সেই ভেড়া-ছবুয়ো যিবে সিংহাসন উগুরে বৈ আঘে তেয়ই ইগুনোর্ গরক্ অবঅ। তাজা পানির উইফুদ ইধু তে ইগুনোরে নেযেব, আর গোজেনে ইগুনোর চোগো পানি পুঝি দিবো।”

বিচের গুরিয়্যেগুন 15:19

সেক্কে গোজেনে লিহীতোত্‌ এক্কো গাত্‌ খুলি দিলো আর সিবেত্তুন পানি নিগিলি এলঅ। সে পানিগান খানার পরেন্দি শিম্‌শোনর বলান্‌ ফিরি এলঅ আর তে যেনে পরাণান্‌ ফিরি পেলঅ। সেনত্তেই সে পয়নালাবোর্‌ নাঙান্‌ অলঅ ঐন্‌-হক্কোরী (যিয়েনর্ ভেদ্‌‌তান্ “তবনা গুরিয়্যেবোর পয়নালা”)। পয়নালাবো এজঅ্ লিহীতোত্‌ আঘে।