যিশাইয় 41:13 - Chakma Bible

¹³ কিত্তে মুই লগেপ্রভু, তর্ গোজেন; মুই তর্ ডেন আঢ্‌‌‌‌তান ধুরি আগং আর তরে কঙত্তে, ন-দোরেচ্; মুই তরে সাহায্য গুরিম।

যিশাইয় 41:13 Iomraidhean Croise

গীতসংহিতা 109:31

কিত্তে তে নাদা মানুচ্চুনোর কায়কুরে থেদঅ, যেন অন্যেয় বিচের রায়ত্তুন্ তা পরাণান্ রোক্ক্যে গুরি পারে।

গীতসংহিতা 118:7

মর্ এজাল্ দিয়্যে ইজেবে লগেপ্রভু মঅ তপ্পে আঘে, সেনত্তে মর্ শত্রুগুনোর্ উদি যানাগান্ মুই দেগিম।

গীতসংহিতা 63:8

মর্ পরাণানে তরে আজাবোদে ধোজ্যে; তর্ ডেন আঢ্‌তানে মরে ধুরি রাগেয়্যে।

গীতসংহিতা 73:23

তো মুই নিত্য তঅ সমারে সমারে আগং; তুই মর্ ডেন আঢ্‌তান ধুরি রাগেয়োচ্।

যাত্রা 14:13

মোশি তারারে কলঅ‌, “ন-দোরেয়ো। তুমি যিয়োত্‌ আগঅ‌ সিয়োদোই‌ থাগঅ আর লগেপ্রভুর উদ্ধোর্‌ গুরিবার্‌ কামান্‌ একবার্‌ চঅ। তে এইচ্যে তমাত্যে সিয়েন্‌ গুরিবো। যে মিসরীয়গুনোরে এইচ্যে তুমি দেগর্‌ ইয়েনর্ পরেদি তারারে আর কনদিন্‌‌অ ন-দেগিবা।

যাত্রা 20:20

সেক্কে মোশি মানুচ্চুনোরে কলঅ‌, “তুমি ন-দোরেয়ো। গোজেনে তমারে পোরোক্ষেত্‌ ফেলেয়্যে যেনে তমার মনত্‌ ভক্তির্‌ মনভাব থায়্‌ আর সিয়েনর্‌ কারনে তুমি পাপ ন-গরঅ‌। সেনত্তেই তে এচ্চ্যে।”

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 42:6

মুই লগেপ্রভু তরে গমেডালে ডাক্যং; মুই তঅ আঢ্‌‌‍‍তান ধুরি রাগেম। মুই তরে রোক্ষ্যে গুরিম আর মঅ মানুচ্চুনোত্তে তরে এক্কান বেবস্থা ধোক্ক্যেন গুরিম আর অন্য জাদ্‌তুনোত্তে পহ্‌‌‍‍‌‍‍‌‌‍‍র ধোক্ক্যেন গুরিম।

যিশাইয় 43:6

মুই উত্তোরেদি দেজ্‌চানিরে কোম্, ‘তারারে ইরি দে,’ আর দোগিনে দেজ্‌‌চানিরে কোম্, ‘তারারে আক্‌সোই ন-রাগেয়ো‌‌।’ মুই তারারে কোম্, ‘তুমি দূরোত্তুন্ মঅ পুয়োগুনোরে আর পিত্‌‌‌থিমীর শেজ্ দুযিত্তুন্ মঅ ঝিগুনোরে আন্।‍‌‌‌‌‌

যিশাইয় 45:1

লগেপ্রভু তার অভিষেগ্ গোজ্যে মানুচ্ কোরস পৌইদ্যেনে কত্তে, “তা মুজুঙোত্ জাদ্‌তুনোরে দোঙেবাত্তে আর রাজাগুনোরে বল্‌পোজ্যে গুরিবাত্তে মুই তার ডেন্ আঢ্‌‌তান ধোজ্যং। মুই তা মুজুঙোত্ দোরানি খুলি দিম্ যেনে গেট্‌‌‌‌তুন বন্ধ ন-থান্।”

যিশাইয় 51:18

তুই যে পুয়োগুনোরে জর্ম দুয়োচ্ তারা ভিদিরেত্তুন্ পথ দেগেবাত্তে কনজন নেই; যিদুক্কুন পুয়োরে তুই পালেয়োচ্ তারা ভিদিরেত্তুন্ তঅ আঢ্‌‍‌‌তান ধরেদে ধোক্ক্যেন কনজন নেই।

যিরমিয় 30:10

“সেনত্তে ও মর্ চাগর্ যাকোব, ন-দোরেচ্; ও ইস্রায়েল, উচ্চোমি নেইয়্যে ন-ওচ্। মুই দূরো জাগাত্তুন্ তরে আর বন্দী থেইয়্যে দেজত্তুন্ তঅ পুয়ো-ছাগুনোরে হামাক্কায় উদ্ধোর গুরিম। যাকোবে আরঅ শান্তি আহ্ নিরাপদ মনে গুরিবো আর কনজনে তারে দর্ ন-দেগেবাক্।

যিরমিয় 46:27

“ও মর্ চাগর যাকোব, ন-দোরেচ্; ও ইস্রায়েল, আজা নেইয়্যে ন-ওচ্। মুই দূর্ দেজত্তুন্, বন্দী থেইয়্যে দেজত্তুন্ তরে আর তঅ বংশধরুনোরে ঘেচ্চেকগুরি উদ্ধোর্ গুরিম। যাকোবে আরঅ সুগে-শান্দিয়্যে আর গমেডালে থেবঅ, কনজনে তারে দর্ ন-দেগেবাক্।

হগয় 2:5

তুমি যেক্কে মিসর দেজত্তুন্ নিগিলি এচ্চো সেক্কে তমা ইধু মুই এ এগেমান্ গোজ্যং, আর মঅ আত্মাগান ইক্কিনেয়ো তমা ইধু আঘে। তুমি ন-দোরেয়ো।

২ তীমথিয় 4:17

মাত্তর্ প্রভু মঅ সমারে এলঅ আর মরে খেমতা দান গোজ্জ্যে। সিয়েনর্ ফলে মুই পুরোপুরি গুরিনে গম হবর্ প্রচার গুরি পাজ্জ্যং আর অযিহূদীগুনে বেক্কুনে সিয়েন শুন্ন্যন্।