যিশাইয় 41:11 - Chakma Bible

¹¹ যিগুনে তঅ উগুরে রাগ্ গরন তারা বেক্কুনে ঘেচ্চেক্‌গুরি লাজত্ পড়ন্ আর অসর্মান অবাক্। যিগুনে তঅ বিরুদ্ধে যান তারার্ কনঅ চিহ্নো ন-থেবঅ; তারা ভস্ত ওই যেবাক্।

যিশাইয় 41:11 Iomraidhean Croise

যাত্রা 11:8

তর্‌ এ কাম্‌গুরিয়্যেগুনে এইনে মঅ মুজুঙোত্‌ আদু পাদিনে কবাক্‌, ‘তুই তর্‌ বেক্‌ মানুচ্চুন নেযেইনে নিগিলি যাহ্!’ সে পরেদি মুই যেম্বোই।” এ কধাগান্‌ কোইনে মোশি রাগে আগুন্‌ ধোক্ক্যেন ওইনে ফরৌণ ইধু গেলঅ।

যাত্রা 12:29

সে পরেদি চৌদ্দো তারিগোর্‌ রেত্‌ সম্বাগত্‌ লগেপ্রভু মিসর্‌ দেজর্‌ পত্তি ঘরর্‌ পত্তম পূয়োবোরে মারে ফেলেল। ইয়েনত্ রাজ-সিংহাসনর্‌ গিরোজ্ ফরৌণর্‌ পত্তম পুয়োবোত্তুন্‌ ধুরি জেলোত্‌ পোজ্যে মান্‌জ্যর্‌ পত্তম পূয়োগুন্‌ সং, এন্‌ কি, য়েমানুনোর্ পত্তম চেলা ছবুয়ো মুরি গেলঅ।

যাত্রা 23:22

তুমি যুনি তা কধানি শুনো আর মুই যিয়েনি কোইয়োং সিয়েনি গরঅ‌ সালে মুই তমার শত্রুগুনোর্‌ শত্রু ওম্‌ আর যিগুনে তমা বিরুদ্ধে থিয়েবাক্ মুই তারা বিরুদ্ধেয়ো ঠিয়েম্‌।

যিশাইয় 17:13

দর্‌‍‍গরেপারা বান পানি রঅ ধোক্ক্যেন যুনিয়ো মানুচ্চুনে গুজুরোদন্, তো তে ধমক্ দিলে তারা দূরোত্ ধেই যেবাক্। বোইয়্যের মুয়োত্ মুড়ো-মুড়ি উগুরেগান তুজো ধোক্ক্যেন, ঝড় মুয়োত্ ধূল্যে ধোক্ক্যেন তারারে ধাবেই দিয়্যে অবঅ।‍

যিশাইয় 29:5

মাত্তর্ তর্ সেই শত্রুগুন ধূল্যে ধোক্ক্যেন্ গুড়ি অবাক্, সেই চিৎনপুজ্যে দলুন্ অবাক্ উড়ি যেইয়্যে তুজো ধোক্ক্যেন্। আদিক্ক্যেন্‌গুরি, এক সময়োত্ বেগত্তুন্ খেমতাবলা লগেপ্রভু মেঘ গুজুরোনি, ভূজোল্, দাঙর্ রঅ, তুট্ট্যে বোইয়্যের্, বড়্ ঝড় আর আগুনো লেবেয়্যে জিল্লোই তারারে সাজা দিবো।

যিশাইয় 29:7

সেক্কে বেক জাদত্তুন্ যে দলুনে অরীয়েল বিরুদ্ধে যুদ্ধো গত্তন্, অত্তাৎ যিগুনে তারে আর তা ঘরানিরে আক্রমণ গোজ্যে আর তারে দজাত্ ফেল্যন্ তারা অবাক্ স্ববন ধোক্ক্যেন্ আর রেদো অক্তত্ দর্শন ধোক্ক্যেন্।

যিশাইয় 29:8

যিগুনে সিয়োন মুড়োবো বিরুদ্ধে যুদ্ধো গোজ্যন্ সেই বেক জাদর্ দলুনোর্ অবস্থা এবাবোত্যে অবঅ-পেট্ পুজ্যে মানুচ্ যেধোক্ক্যেন্ হানার্ স্ববন দেগন্ মাত্তর্ ঘুমোত্তুন্ জাগিলে তার পেট্ পুরোনাগান্ থেই যায়; আরঅ পানি তিরেস্ পেইয়্যে মানুচ্ যেধোক্ক্যেন্ পানি হেবার্ স্ববন দেগন্ মাত্তর্ তার তিরেস্ থায় আর তে বল্‌পোজ্যে অবস্থায় জাগি উদে।

যিশাইয় 34:12

রেজ্য চালেবাত্তে কনঅ দাঙর্ পোজিশন মানুচ্ বা কনঅ শাজন্‌গুরিয়্যে ন-থেবাক্।

যিশাইয় 40:17

বেক্ জাদ্‌‌‌তুনে তাইদু কিচ্ছু নয়; সিগুনোরে তে কিজু বিলিনে মনে ন-গরে; সিয়েনি তাইদু বাজে।

যিশাইয় 40:2

যিরূশালেম মানুচ্চুনো লগে গমেডালে কধা কঅ, আর তারা ইদু এ কধাগান ফগদাং গরঅ, তারার দুঘ্‌কানি শেজ্ ওইয়্যে, ‍ তারার পাপর খেমা ওইয়্যে, তারার বেক্ পাপর ফলানি তারা লগেপ্রভুত্তুন্ ভর্ পুনংগুরি পেইয়োন।”

যিশাইয় 41:24

মাত্তর্ আজলে তুমি কিচ্চু নয়, আর তমা কামানিয়ো কিচ্চু নয়; যে তমারে বেঈ লোইয়্যে তে ঈচ্ গরা হেইয়্যে।

যিশাইয় 41:29

চঅ, তারা বেক্কুনে বাজে, তারার্ কামানি কিচ্চু নয়। তারার্ ছাজিনে ঢাল্যে মূত্তিগুন্ বোইয়্যের বাদে আর্ কিচ্চু নয়; তারা কিচ্চু গুরি ন-পারন্।”

যিশাইয় 45:24

তারা মঅ পৌইদ্যেনে কবাক্, ‘বানা লগেপ্রভু ভিদিরে সততা আর খেমতাগান আঘে।’ মানুচ্চুনে মঅ মুজুঙোত্ এবাক্ আর যিগুনে মঅ উগুরে রাগ্ গুরি আগন তারা লাজত্ পড়িবাক্।

যিশাইয় 49:25

মাত্তর্ লগেপ্রভু কোইয়্যেদে, “অয়, যুদ্ধোগুরিয়্যেগুনো আঢত্তুন্ বন্দীগুনোরে নেযা অবঅ আর দর্‌গরেপারা মানজ্যর্ আঢত্তুন্ লুদেয়্যে পযাপিরানি উদ্ধোর গরা অবঅ। যিগুনে তঅ লগে কোজ্যে বাজেবাক্ তারা লগে মুয়ই কোজ্যে বাজেম্ আর তঅ পুয়োগুনোরে মুয়ই রোক্ষ্যে গুরিম।‍

যিশাইয় 49:26

তঅ উগুরে যিগুনে অত্যেচার গরন্ মুই তারার য়েরানি তারারে হাবেম্; তারা মদ ধোক্ক্যেন গুরি নিজো লো-গান হেইনে মাত্তল্ অবাক্। সেক্কে বেক্ মানুচ্চুনে হবর্ পেবাক্, মুই লগেপ্রভু তর্ উদ্ধোরগুরিয়্যে, তর্ মুক্তিদিয়্যে, যাকোবর্ সেই খেমতাবলা মানুচ্চো।”

যিশাইয় 54:15

যুনি কনজনে তরে আক্রমণ গরন্ সালে বুঝো পুড়িবোদে মুই তারে ন-পাদাং। যে তরে আক্রমণ গুরিবো তত্তেই তার পতন অবঅ।

যিশাইয় 54:17

তর্ বিরুদ্ধে বানেয়্যে কনঅ আত্যের্ ন-টিগিবাক্; তরে দুষি গোজ্যে পত্তি মান্‌জ্যর যুক্তি খোন্দেইনে তুই তারারে দুষি গুরিবে। ইয়েনই অলঅ লগেপ্রভুর্ চাগরুনোর অধিকার আর তারার্ যগাজ্যে পাওনা।”

যিরমিয় 12:17

মাত্তর্ যুনি কনঅ জাদে সিয়েন ন-গরন সালে তারে মুই পুরোপুরি গুরি উগুরে ফেলেইনে ভস্ত গুরি দিম। মুই লগেপ্রভু এ কধাগান কঙর্।”

যিরমিয় 2:3

ইস্রায়েল লগেপ্রভুর নাঙে যুদো গোজ্যে জাদ্; তারা তার্ খেদর্ পত্তম্ আক্‌‍‍ফল। যিগুনে ইস্রায়েলরে গজক্ গোজ্যন তারা বেক্কুনে দুষি ওইয়োন, তারা উগুরে দজা ঘোট্যে। মুই লগেপ্রভু এ কধাগান কঙর্।”

দানিয়েল 4:35

পিত্‌‌‌‌থিমীর বেক্ মানুচ্চুন তাইদু কিচ্চু নয়। তে স্বর্গদূত্তুনোরে আর পিত্‌‌‌‌থিমীর মানুচ্চুনোরে নিইনে তা আওজ্ মজিম কাম গরে। এমন কনজন নেই যে, তার আঢ্‌‌‌‌তানি থামেই দি পারে বা তারে কোই পারে, ‘তুই কি গরর্?’ ”

সখরিয় 12:3

সেদিন্যে যেক্কে বেক্ জাদে যিরূশালেম বিরুদ্ধে এগত্তর্ অবাক্ সেক্কে মুই তারে বেক্ জাদ্‌‌‌‌‌তুনোত্তে এক্কো গুয়োর্ পাত্তর ধোক্ক্যেন্ গুরিম। যিগুনে সেই পাত্তর্‌‌‌‌‌বোরে তুলিবাত্তে চেট্ট্যা গুরিবাক্ তারা নিজে আঘাত্ পেবাক্।

প্রেরিত্‌ 16:39

তারা পৌল আর সীল ইধু যেইনে ক্ষেমা চেলাক্ আর তারারে জেল বারেদি আনিনে শঅরান্ ছাড়ি যেবাত্তে কোজোলি গুরিলাক্।

ফগদাং পেইয়্যে 3:9

যিগুনে নিজোরে যিহূদী কন্ অদচ যিহূদী নয়, শদানর্ দলর সেই মিজেমাদিয়্যে মানুচ্চুনোরে মুই তইধু আনিম আর তঅ টেঙত্ তলে সালাম গোরেম, আর তারারে জানেই দিম যে, মুই তরে কোচ্‌পাং।