যিশাইয় 4:5 - Chakma Bible

⁵ লগেপ্রভু সেদিন্যে সিয়োন মুড়োবোর্ বেক জাগায়ান উগুরে আর যিগুনে সিদু এগত্তর্ অবাক্ তারা উগুরে দিনোত্ ধূমো আর রেদোত্ জোল্‌জোল্যে আগুনো পহ্‌র গুরি দিবো; সিয়েন অবদে বেক্ ইস্রায়েলর মহিমাগান উগুরে যেন এক্কো চান্।‍‍‍‍‍

যিশাইয় 4:5 Iomraidhean Croise

নহিমিয় 9:12

তুই দিনো অক্তত্‌ মেঘঅ ছাগ্‌কোই তারারে চালেইনে নেযেয়োচ্‌ আর রেদোত্‌ আগুনো জিল্লোই তারারে যেবার্‌ পদত্‌ পহর্‌ দুয়োচ্‌।

গীতসংহিতা 105:39

তারারে ন-দেগিবাত্তে তে তার সেই মেঘ্‌কান মিলি দিলো, আর রেদোত্ পহ্‌র্ দিবাত্তে আগুন দিলো।

গীতসংহিতা 111:1

লগেপ্রভুরে নাঙ্ গিনে ওক্। মুই মন দি লগেপ্রভুরে বাঈনী গুরিম, বাঈনী গুরিম গোজেন ভক্তগুনোর্ দল ভিদিরেত্তুন্, বাঈনী গুরিম তেম্মাং সুলগ মানুচ্চুনো ভিদিরেত্তুন্।

গীতসংহিতা 78:14

দিনোত্ মেঘ দিইনে আর পুরো রেত্তো আগুনো পহ্‌র্‌লোই তে তারারে পথ দেগেয়্যে।

গীতসংহিতা 85:9

যিগুনে তারে ভোক্তি গরন ঘেচ্চেক্‌গুরি তার উদ্ধোর্ গুরিবার অক্তবো তারা ইদু এচ্চ্যে; সেক্কে তা মহিমাগান আমা দেজত্ বজত্তি গুরিবো।

গীতসংহিতা 89:7

পবিত্র দূত্‌তুনোর তেম্মাঙত্ বেক্কুনে গোজেনরে দরান্ আহ্ ভোক্তি গরন্; তার চেরোকিত্যে বেক্কুনোত্তুন্ তেয়ই বেশ্ ভোক্তিবলা দর্ জাগায়।

যাত্রা 14:24

বেন্যেপোত্যে লগেপ্রভু মেঘ আর আগুনো থুনি ভিদিরেত্তুন্‌ মিসরীয় সৈন্যদলুনো ইন্দি রিনি চেলঅ‌ আর তারা ভিদিরে এক্কান্‌ যাগুলুক্ বাজেই দিলো।

যাত্রা 24:16

আর সিনাই মুড়োবো উগুরে লগেপ্রভুর্‌ মহিমাগান ঠিগ্ ওই রলঅ‌। ছয়দিন সং মুড়োবো মেঘ চাক্কোই ঢাক্কে রলঅ। সে পরেন্দি সাত দিনোত্‌ সেই মেঘ ভিদিরেত্তুন্‌ লগেপ্রভু মোশিরে ডাগিলো।

যাত্রা 26:1

মর্‌ থেবার্‌-তাম্বুলান্‌ দশ কট্টা কাবড়্‌লোই বানেই দিয়্যে পুরিবো। কট্টানি পাগেয়্যে মসীনা সুদো আর য়েল্, বিগুনি আর রাঙা রঙর্‌ সুদোলোই বানেই দিয়্যে পুরিবো। কাবিদেং কালিগর্‌লোই সিয়েনি ভিদিরে করূপ্পুনোর্‌ ফোটু বুনিই নেযেবা।

যাত্রা 26:7

থেবার-তাম্বুল উগুরেন্দিগান্‌ ঢাগি দিবাত্তে ছাগলর্‌ কেশ্‌ছোই বুড়্‌গী ধোক্ক্যেন গুরি এগারবো কট্টা বুনি নেযা পুরিবো।

যিশাইয় 32:18

মঅ মানুচ্চুনে সুগে-শান্দিয়্যে থেবার জাগানত্, গমেডালে ঘর-বাড়ি আর যাগুলুক্ নেইয়্যে জিরেবার্ জাগানত্ বজত্তি গুরিবাক্।

যিশাইয় 33:20

আমার বেক্ পরব্‌পুন পালেয়্যে শঅর্ সিয়োন ইন্দি রিনি চাহ্। তঅ চোগ্‌‌কুনে দেগিবাক্ যিরূশালেমানরে, এক্কান সুগ্-শান্দিয়্যে ভরা থেবার জাগানরে, এক্কান তাম্বুলোরে যিয়েন্ সরা ন-অবঅ। তার খুদোগুন্ কনদিন্অ তুলো ন-অবঅ আর সিয়েনর কনঅ দুড়িয়ো ন-ছিনিবো।

যিশাইয় 37:35

মুই মত্তে আর মঅ চাগর্ দায়ূদোত্তে এ শঅরান্ ঘিরি রাগেনে সিয়েন রোক্ষ্যে গুরিম।’ ”

যিশাইয় 46:13

মর্ নিদ্দোজ্‌চান মুই তমা ইদু আনঙর্; সিয়েন বেশ্ দূরোত নয় আর মর্ উদ্ধোর কামত্অ আর বেশ্ দেরি নেই। মুই সিয়োনানরে উদ্ধোর গুরিনে ইস্রায়েলরে বাঈনী গরানাগান্ দান গুরিম।”

যিশাইয় 60:1

লগেপ্রভু কোইয়্যেদে, ও যিরূশালেম, উঠ্, পহ্‌‌‌র দে, কিত্তে তঅ পহ্‌‌‌রান লুম্মেগি; লগেপ্রভুর মহিমাগানে তরে পহ্‌‌‌র দের্।

যিশাইয় 60:2

চঅ, পিত্‌থিমীগান আন্ধারে নাঢা যেইয়্যে ‌‌ আর জাদ্‌তুনো উগুরে এচ্চ্যে ঘুর্‌‌‌‌গুজ্যে আন্ধার, ‌ মাত্তর্ লগেপ্রভু তঅ উগুরে পহ্‌‌‌র দিবো আর তার মহিমাগান তঅ উগুরে ফগদাং অবঅ।

মথি লেখ্যে গম্ হবর্ 18:20

কিয়া যিয়েনত্ দুই বা তিনজন মঅ নাঙে এগত্তর্ অন্ সিয়েনত্ মুই তারা ভিদিরে থাং।”

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”