যিশাইয় 4:1 - Chakma Bible

¹ সেদিন্যে সাত্‌তো মিলে এক্কো মরদরে ধুরিনে কবাক্, “আমার হানা-উরোনার্ বেবস্থা আমি নিজেই গুরিবোং; বানা তঅ মোক্ বিলিনে যেন আমারে ডাগা অয় সেই অধিকারান্ দে। আমা অসর্মানান্ দূর্ গর্।” ‍‍

যিশাইয় 4:1 Iomraidhean Croise

পত্থম 30:23

সেক্কে রাহেলে পিদিলী অলঅ আর তার্‌ এক্কো পুয়ো অলঅ। সেক্কে তে কলঅ, “গোজেনে মঅ অসর্মানান দূর্‌ গুরিলো।”

২ শমূয়েল 6:23

শৌল ঝি মীখলর মরণ সং তার কনঅ ঝি-পূঅ ন-অলাক্।

যিশাইয় 10:20

সেদিন্যে ইস্রায়েলর বাঁজি থেইয়্যে মানুচ্চুন্, অত্তাৎ যাকোব বংশর বাদ-বাগি মানুচ্চুন্ তারারে আঘাত্ গুরিয়্যেগুনো উগুরে আর্ বিশ্বেজ্ ন-গুরিবাক্, মাত্তর্ লগেপ্রভু উগুরে, ইস্রায়েলর সেই পবিত্র মানুচ্চো উগুরে ঘেচ্চেক্‌গুরি বিশ্বেজ্ গুরিবাক্।

যিশাইয় 13:12

সেক্কে মুই মান্‌জ্যে পেইয়্যে খাটি সোনা পানাত্তুন্অ বেশ্ দরমর গুরিম্, ওফীরোর সোনা পানাত্তুন্অ বেশ্ দরমর গুরিম্।

যিশাইয় 17:7

সেদিন্যে মান্‌জ্যে তারার গোজেন ইন্দি রিনি চেবাক্, ইস্রায়েলর সেই পবিত্র মান্‌জ্য ইন্দি চোগ্ ফিরেবাক্।

যিশাইয় 2:11

বাড়্‌বো গোজ্যে মান্‌জ্যর রিনি চানাগান্ তলে গরা অবঅ আর বার্‌বোগান্ তলে লামা অবঅ। সেদিন্যে বানা লগেপ্রভুরে সর্মান গরা অবঅ।

যিশাইয় 2:17

মান্‌জ্যর্ বাড়্ গরানাগানরে তলে লামেই দিয়্যে অবঅ আর অহংকারানরে ভস্ত গরা অবঅ। সেদিন্যে বানা লগেপ্রভুরে সর্মান গরা অবঅ,

যিশাইয় 3:6

মান্‌জ্যে নিজো বংশর একজনরে ধুরিনে কবাক্, “তর্ কাবড় আঘে, তুই আমার শাজন্‌গুরিয়্যে অ, এই ভস্ত ওই যেইয়্যে দেজর্ ভারান্ লঅ।”

যিশাইয় 54:4

তুই ন-দোরেচ্, কিত্তে তরে লাজ্ দিয়্যে ন-অবঅ। তুই ন-লাজেচ্, কিত্তে তরে অসর্মান্ গরা ন-অবঅ। তর্ গাবুজ্যে জিংকানির লাজানাগান তুই ভুলি যেবে আর তর্ রানিমিলে থানার্ দুন্নামান তুই ইদোত্ ন-রাগেবে।

যিরমিয় 15:8

তারার রানিমিলেগুন মুই সাগর বালুত্‌তুন্‌‍‍অ বেশ্ গুরিম। তুই দঅ যোদ্ধাগুনোর মা, তঅ মানুচ্চনো বিরুদ্ধে দ্বিবুজ্যে অক্তত্ মুই এক্কো ভস্তগুরিয়্যেরে আনিম; মুই তারা উগুরে আদিক্ক্যেনেগুরি পীড়ে আর দর্‌বুক আনিম।‍‍

লূকে লেখ্যে গম্ হবর্ 1:25

“ইয়েন প্রভুর কাম্। মান্‌জ্য ইধু মঅ লাজানাগান্ দূর্ গুরিবাত্তে তে ইক্কিনে মইন্দি রিনি চেইয়্যে।”

লূকে লেখ্যে গম্ হবর্ 21:22

কিয়া এ দিনুন্ অবঅ সাজা পেবার্ দিন, আর ইয়োত্ পবিত্র বোইবোত্ যিয়েনি লেগা আঘে সিয়েনি পূরোণ্ অবঅ।

২ থিষলনীকীয় 3:12

আমা প্রভু যীশু খ্রীষ্টর্ ওইনে আমি এবাবোত্যে মানুচ্চুনোরে উগুম আর উপদেচ্‌ দির্, তারা যেন অলর্ গুরি কাম্ গুরিনে নিজোর্ হানা নিজে জগার গরন্।

১ শমূয়েল 1:6

লগেপ্রভু সিয়েন গোজ্যে বিলিনে তা যাল্লো তারে দেচ্যেয়ে-মেচ্যেয়ে কধা কোইনে তার মনান্‌ যাগুলুক্ গুরি দিলো।