8 জোবত্ হিষ্কিয় কলঅ, “লগেপ্রভুর যে কধাগান্ তুই কলে সিয়েন গম্।” তে এ কধাগান কলঅ, কিত্তে তে মনে গোজ্যদে তা জিংকানিগানত্ তে সুগে শান্দিয়্যে আর গমেডালে থেই পারিবো।
মাত্তর্ যুনি তে কয়, ‘মুই তঅ উগুরে হুজি নয়,’ সালে তে যিয়েন গম্ মনে গরে সিয়েনই মঅ উগুরে গোরোক্।”
সেক্কে হিষ্কিয় তা মনর্ বাড়্বো গরানার্ কধানি বুঝি পারিনে নিজোরে তলে গুরিলো আর যিরূশালেম মানুচ্চুনেয়ো সেধোক্ক্যেন গুরিলাক্। সেনত্তে হিষ্কিয়োর সময়োত্ লগেপ্রভুর রাগ্কান তারা উগুরে লামি ন-এলঅ।
সেনত্তে মুই যাদিমাদি তরে তর্ পূরোণি মানুচ্চুনো ইদু নেযেম্ আর তুই সুগে শান্দিয়্যে গোরান্ পেবে। এ জাগায়ান উগুরে আর যিগুনে ইদু বজত্তি গত্তন্ তারা উগুরে মুই যেদক্কানি দজা আনিম্ তঅ চোখ্কুনে সিয়েনি ন-দেগিবাক্।’ ” তারা হুল্দার জোব্পান লোইনে রাজা ইদু ফিরি গেলাক্।
“মা পেদত্তুন্ মুই লাংটা-বাংটা এচ্ছোং আর লাংটা-বাংটা যেম্। লগেপ্রভুই দিয়্যে আর লগেপ্রভুই নেযেয়্যে; লগেপ্রভুর বাঈনী ওক্।”
মুই জুরো গুরি আগং, মুয়োন ন-খুলিম, কিয়া তুয়ই এ দুঃখানি অবাত্তে দুয়োচ্।
লগেপ্রভুর অমকদ কোচ্পানাত্তে আমি ভস্ত ন-ওর্, কিত্তে তার্ মেয়্যেগান কনদিন্অ শেজ্ ন-অয়;
পাপত্তে সাজা পানার্ পরেদি মান্জ্যে কিত্তেই সিয়েন্দোই আবিত্তি গুরিবাক্?
সেক্কে মোশি হারোণরে কলঅ, “লগেপ্রভু কোইয়্যেদে, ‘যিগুনে মইদু এজন্ তারা যেন মরে পবিত্র বিলিনে মানন্। মানুচ্চুনোর্ চোগোত্ তারা যেন মর্ সর্মান্ তুলি ধরন।’ ” হারোণে জুরো গুরি রলঅ।
এই বেক্ উগুমানি তমাত্তুন্ মানা পুরিবো-তুমি একজন আর একজন ইধু সত্য কধা কবা আর তমা আদালদত্ ন্যায়বিচের্ গুরিবাক্ যেনে মানুচ্চুনো ইধু শান্তি অয়;
চের্, পাচ্, সাত্ আর দশ মাজর্ উবোস্ থানা যিহূদাত্তে ফুত্তি গরানার্, হুজির্ আর ভালেদির পরব্ ওই উদিবো। সেনত্তে তুমি সত্য আর শান্তিগানরে কোচ্পেবা।
সেনত্যে গোজেন খেমতার্ মুজুঙোত্ নিজোরে তলে গরঅ, যেন ঠিগ্ সময়োত্ তমারে অজল্ গরে।
সেক্কে শমূয়েল এলিরে বেক্ কধানি ভাঙি কলঅ, কিচ্ছু ন-লুগেল। সিয়েনি শুনিনে এলি কলঅ, “তেয়ই লগেপ্রভু; তাইদু যিয়েন গম্ লাগে তে সিয়েনই গোরোক্।”