যিশাইয় 39:4 - Chakma Bible

⁴ ভাববাদীবো পুযোর্ গুরিলো, “তারা তর্ রাজঘর ভিদিরে কি কি দেখ্যন্?” হিষ্কিয় কলঅ, “মর্ রাজঘরর্ বেক্কানি তারা দেখ্যন্। মঅ ধনভান্ডালর্ এবাবোত্যে কিজু নেইদ্যে যে যিয়েনি মুই তারারে ন-দেগাং।”

যিশাইয় 39:4 Iomraidhean Croise

ইয়োব 31:33

অন্য মান্‌জ্য ধোক্ক্যেন মুই পাপপানি গুমোর্ গুরি ন-রাগাং আর মঅ মনত্ দুষ্‌ছানি লুগেই ন-রাগাং;

গম্ উপদেজ্ 23:5

ধন-সোম্বোত্তি ইন্দি একবার রিনি চেলে দেগিবে সিয়েনি আর্ নেই, কিয়া সিয়েনিত্ পুয়োর্ গেজেব আর ঈগল ধোক্ক্যেন আগাজত্ উড়ি যেবঅ।

গম্ উপদেজ্ 28:13

যে মানুচ্চো নিজোর পাপ গুমুরোত্ রাগায় তার ভালেদি ন-অয়, মাত্তর্ যে সিয়েনি স্বিগের্ গুরিনে ছাড়ি দে তে দোয়্যে পায়।

যিশাইয় 39:3

পরেদি ভাববাদী যিশাইয় রাজা হিষ্কিয় ইদু যেইনে পুযোর্ গুরিলো, “সেই মানুচ্চুনে কি কলাক্, আর কুত্তুন্ বা তারা এচ্চ্যন্?” হিষ্কিয় কলঅ, “তারা দূরো দেজত্তুন্, বাবিল দেজত্তুন্ এচ্চ্যন্।”

যিশাইয় 39:5

সেক্কে যিশাইয় হিষ্কিয়রে কলঅ, “বেগত্তুন্ খেমতাবলা লগেপ্রভু যিয়েনি কোইয়্যে সিয়েনি তুই শুন্।

যিরমিয় 17:3

ও যিহূদা, তঅ পাপত্তে দেজ ভিদিরে মর্ মুড়োমুড়ি আর তর্ ধন আর তর্ ভান্ডালর পযাপিরানি আর সারা দেজত্ তর্ পুজোর্ অজল জাগায়ানি মুই লুদেয়্যে ইজেবে দি দিম।

যিহোশূয় 7:19

যিহোশূয় সেক্কে আখনরে কলঅ, “বাবা, সত্য কধা কোইনে ইস্রায়েলীয়গুনোর গোজেন লগেপ্রভুরে বাঈনী গর্‌, তার বাঈনী গর্‌; তুই যিয়েনি গোজ্যচ্‌ সিয়েনি মরে কঅ‌, ন-লুগেজ্।”

১ যোহন 1:9

আমি যুনি আমার পাপ্পানি স্বিগের্ গুরিই সালে তে সেক্কেনে আমার পাপ্পানি ক্ষেমা গরে আর বেক্‌ অন্যেয়ত্তুন্ আমারে সিজি গরে, কিয়া তে বিশ্বেজ্‌বলা আর কনদিনঅ অন্যেয় ন-গরে।