যিশাইয় 39:3 - Chakma Bible

³ পরেদি ভাববাদী যিশাইয় রাজা হিষ্কিয় ইদু যেইনে পুযোর্ গুরিলো, “সেই মানুচ্চুনে কি কলাক্, আর কুত্তুন্ বা তারা এচ্চ্যন্?” হিষ্কিয় কলঅ, “তারা দূরো দেজত্তুন্, বাবিল দেজত্তুন্ এচ্চ্যন্।”

যিশাইয় 39:3 Iomraidhean Croise

২ শমূয়েল 12:1

লগেপ্রভু সেক্কে নাথনরে দায়ূদো ইদু পাদেল। তে দায়ূদো ইদু যেইনে কলঅ, “কনঅ এক্কান্‌ শঅরত্‌ দ্বিজন মানুচ্‌ এলাক্। তারার্‌ একজনে থাগোয়্যে আর অন্যজনে নাঢা।

২ বংশধর 16:7

সে সময়োত্‌ দর্শক হনানি এইনে যিহূদার রাজা আসারে কলঅ, “তঅ গোজেন লগেপ্রভু উগুরে বিশ্বেজ্‌ ন-গুরিনে তুই অরামর রাজা উগুরে বিশ্বেজ্‌ গোজ্যজ্‌ বিলিনে অরামর রাজার সৈন্যদলুন্‌ তর্‌ আঢ্‌ছাড়া ওই গেলাক্‌।

২ বংশধর 19:2

সেক্কে হনানির পুয়ো দর্শক যেহূ নিগিলিনে তাইদু যেইনে কলঅ, “পাজিগুনোরে বল্‌ দেনা আর যিগুনে লগেপ্রভুরে ঘিনান্‌ তারারে কোচ্‌পানা কি তর্‌ উজিত্‌ ওইয়্যে? ইয়েনত্তে লগেপ্রভুর রাগ্‌কান্‌ তঅ উগুরে লামি এচ্ছ্যে।

২ বংশধর 25:15

সেক্কে অমৎসিয় উগুরে লগেপ্রভুর রাগ্‌কান জুলি উদিলো। তে এক্কো ভাববাদীরে তাইদু পাধেই দিলো। সে ভাববাদীবো কলঅ, “সে মানুচ্চুনোরে যে দেবেদাগুনে তঅ আঢত্তুন্‌ তারার্‌ মানুচ্চুনোরে উদ্ধোর্‌ গুরি ন-পারন্‌ তুই কিত্তে তারাত্তুন্‌ বল্‌ চেলে?”

যিশাইয় 38:1

সে অক্তত্ হিষ্কিয় অসুগ্ ওইনে মরেদে ধোক্ক্যেন্ ওইয়্যে। সেক্কে আমোসর পুয়ো ভাববাদী যিশাইয় তাইদু যেইনে কলঅ, “লগেপ্রভু কোইয়্যেদে, তুই যেন তঅ ঘরানর্ বেবস্থা গুরি রাগাজ্, কিত্তে তুই মুরি যেবে, গম্ ন-অবে।”

যিশাইয় 38:5

তুই যেইনে হিষ্কিয়রে কঅ, তার্ পুরোণি মানুচ্ দায়ূদোর গোজেন লগেপ্রভু কোইয়্যেদে, মুই তর্ তবনাগান্ শুন্যং আর তঅ চোগো পানিগান দেখ্যং; মুই তর্ আয়ুগান আরঅ পনর বজর্ বাড়েই দিলুং।

যিশাইয় 39:4

ভাববাদীবো পুযোর্ গুরিলো, “তারা তর্ রাজঘর ভিদিরে কি কি দেখ্যন্?” হিষ্কিয় কলঅ, “মর্ রাজঘরর্ বেক্কানি তারা দেখ্যন্। মঅ ধনভান্ডালর্ এবাবোত্যে কিজু নেইদ্যে যে যিয়েনি মুই তারারে ন-দেগাং।”

যিরমিয় 4:16

জাদ্তুনো ইধু আর যিরূশালেম ইধু এ কধাগান ফগদাং গরঅ, “ঘিরিবাত্তে সৈন্যগুনে দূর দেজত্তুন্ এত্তন্; তারা যিহূদার শঅরানির বিরুদ্ধে যুদ্ধোর্ ডাগ দেদন্।‌

যিরমিয় 5:15

লগেপ্রভু কোইয়্যেদে, “ও ইস্রায়েলীয়গুন, মুই তমা বিরুদ্ধে দূরত্তুন এক্কো জাদরে আনিম্। সিবে এক্কো পুরোণি আর টিগি থেইয়্যে জাদ্; সে মানুচ্চুনোর ভাষা তুমি হবর্ ন-পেবা আর তারা কধানি তুমি ন-বুঝিবে।

যিরমিয় 8:19

দূর দেজত্তুন্ মঅ মানুচ্চুনোর এ গুজুরি গুজুরি কানানা রঅ শুনো যার্, “লগেপ্রভু কি সিয়োনত্ নেই? তার রাজাবো কি আর সিয়েনত্ নেই?” জোবত্ লগেপ্রভু কোইয়্যেদে, “তারা তারার বেক্ মূত্তি আর তারার অপদাত্ত পুজোগুন্দোই কিত্তে মরে কাঙেলেত্যে গরদন্?”

দ্বি’লম্বর বিররণ 28:49

লগেপ্রভু দূরোত্তুন, পিত্‌থিমীর শেজ্‌ দুঝিত্তুন এমন্‌ এক্কো জাদরে তমার বিরুদ্ধে লোই আনিবো যিগুনোর কধানি তুমি ন-বুঝিবা। ঈগল পেগো ধোক্ক্যেন গুরি সে জাত্তো ছোঁ মারিনে তমা উগুরে লামি এবঅ।

যিহোশূয় 9:6

এধোক্ক্যেনগুরি তারা গিল্‌গলত্‌ ইস্রায়েলীয়গুনো তাম্বুলোত্‌ যিহোশূয়র মুজুঙোত্‌ আঝিল্ অলাক্‌। তারা তারে আর ইস্রায়েলীয়গুনোরে কলাক্‌, “আমি বোউত্‌ দূর দেজত্তুন্‌ এচ্ছ্যেই; তুমি আমা লগে আঢ্ মিলো।”

যিহোশূয় 9:9

জোবত্‌ তারা কলাক্‌, “তঅ‌ গোজেন লগেপ্রভুর সুনাং শুনিনে তর্‌ এই চাগরুনে বোউত্‌ দূর দেজত্তুন এচ্চ্যন্‌। তে মিসর দেজত্‌ যিয়েনি গোজ্যে সে হবরানি আমি পেইয়্যেই।