যিশাইয় 39:2 - Chakma Bible

² হিষ্কিয় হুজি ওইনে সেই দূত্‌‌তুনোরে গুজি ললঅ আর তার বেক্ ভান্ডালুনোত্ যিয়েনি এলঅ, অত্তাৎ সনা, রূবো, তুম্বাজ্ মজলা, মংগা মংগা তেল্ আর তার আত্যেরানি আর ধনভান্ডালর্ বেক্কানি তারে দেগেল। হিষ্কিয়র রাজঘরত্ বা তার পুরো রেজ্যগানত্ এবাবোত্যে কিজু ন-এলঅ যিয়েনি তে তারারে ন-দেগায়।

যিশাইয় 39:2 Iomraidhean Croise

১ রাজাবলী 10:10

তে রাজারে সাড়ে চের্‌ টনত্তুন্‌অ বেশ্‌ সোনা, ভালোক্কানি তুম্বাজ্‌ মজলা আর মানেক্‌ দিলো। শিবার রাণী রাজা শলোমনরে যেদক্কানি মজলা দিয়্যে সেদক্কানি মজলা আর কনদিনঅ দেজত্‌ আনা ন-অয়।

১ রাজাবলী 10:15

ইয়েনিবাদেয়ো বণিক আর সদাগরুনোর্‌ ইত্তুন্‌, আরবীয় রাজাগুনো ইত্তুন্‌ আর দেজর্‌ শাজন্‌গুরিয়্যেগুনো ইত্তুনঅ সোনা এদঅ।

১ রাজাবলী 10:2

তে ভালোক্কুন্‌ মানুচ্‌ আর উটসুমুত্তো যিরূশালেমত্‌ এইনে লুমিলো। উটতুনোর্‌ পিদিত্‌ এলঅ তুম্বাজ্‌ মজলা, ভালোক্কানি সোনা আর মানেক্‌। তে শলোমন ইদু এইনে তা মনত্‌ যিয়েনি এলঅ সিয়েনি বেক্কানি তারে কলঅ।

১ রাজাবলী 10:25

যিগুনে এদাক্‌ তারা বেক্কুনে কিজু না কিজু বক্‌শিজ্ আনিদাক্‌। সিগুনো ভিদিরে এলদে সোনা-রূবোর পিলে, কাবড়-চুগোড়, আত্যের্, তুম্বাজ্‌ মজলা, ঘোড়া আর খচ্চর। বজরকে বজর্‌ এবাবোত্যেগুরি আনিদাক্।

২ রাজাবলী 20:13

হিষ্কিয় সে দূত্‌তুনোরে গুজি ললঅ আর তার্‌ বেক্‌ ভান্ডালুনোত্‌ যিয়েনি এলঅ, অত্তাৎ সোনা, রূবো, তুম্বাজ্‌ মজলা, মংগা তেল আর তার্‌ আত্যেরানি আর ধনভান্ডাল বেক্কানি তারারে দেগেল। হিষ্কিয়োর রাজঘরত্‌ বা তা গোদা রেজ্যগানত্‌ এন্‌ কিজু বাদ ন-যায় যিয়েনি তে তারারে ন-দেগায়।

২ বংশধর 32:25

মাত্তর্‌ হিষ্কিয়ো মনত্‌ বাড়্‌বো গরানাগান্ দেগা দিলো। তা উগুরে যে বাবোত্যে বর্‌ দিয়্যে ওইয়্যে সেই মজিম্ তে কাম্‌ ন-গরে; সেক্কে তা উগুরে আর যিহূদা আর যিরূশালেম উগুরে লগেপ্রভুর রাগ্‌ অলঅ।

২ বংশধর 32:27

হিষ্কিয়োর বোউত্‌ ধন-সোম্বোত্তি আর সর্মান এলঅ। তার্‌ সোনা-রূবো, মণি-মুক্তো, তুম্বাজ্‌ মজলা, ঢাল আর নানান্‌ বাবোত্যে মংগা পযাপিরা রাগেবাত্তে তে ধনভান্ডাল্‌ বানেল।

২ বংশধর 32:31

দেজত্‌ যে আমক্‌ অবার্‌ চিহ্নোগান্‌ দেগা ওইয়্যে সে পৌইদ্যেনে পুযোর্‌ গুরিবাত্তে যেক্কে বাবিলো নেতাগুনে দূত পাদেয়োন সেক্কে গোজেনে তারে জগা চেবাত্তে তারে ছাড়ি গেলগোই, যেনে তা মনত্‌ কি আঘে সিয়েন্‌ ফগদাঙ্‌ অয়।

২ বংশধর 9:1

শিবা দেজর্‌ রাণী শলোমনর্ সুনাঙ্‌ শুনিনে তারে আগাত্যে প্রশ্ন পুযোর্‌ গুরিনে পোরোক্ষ্যে গুরিবাত্তে যিরূশালেমত্‌ এলঅ। তে ভালোক্কুন্‌ মানুচ্‌ আর উট লোইনে শলোমন ইদু লুমিলো। উদো পিদোত্‌ এলদে তুম্বাজ্‌ মজলা, ভালোক্কানি সোনা আর মণি-মুক্তো। তে শলোমন ইদু এইনে তা মনত্‌ যিয়েনি যিয়েনি এলঅ সিয়েনি বেক্কানি তারে কলঅ।

২ বংশধর 9:9

তে রাজারে চের্‌ আজার পাঁচশ বাওত্তুর্ কেজি বেশ্‌ সোনা, ভালোক্কানি তুম্বাজ্‌ মজলা আর মণি-মুত্তো দিলো। শিবার রাণী রাজা শলোমনরে যে বাবোত্যে মজলা দিয়্যে সে বাবোত্যে মজলা আর কনদিন্‌অ দেজত্‌ দেগা ন-যায়।

ইয়োব 31:25

মঅ নিজো আঢ্‌তোই যে সোম্বোত্তিগানি মুই পেইয়োং সে সোম্বোত্তি গানিলোই যুনি মুই রঙ্গ ফুত্তি গুরি থাং,

গম্ উপদেজ্ 4:23

বেক্কানিত্তুন্ তঅ মনানরে বেশ্ চুগি দিইনে রাগেচ্, কিত্তে মনত্তুন্ তঅ জিংকানিগানর বেক্কানি নিগিলি এজে।

উপদেশক 7:20

পিত্‌থিমীত এবাবোত্যে কনঅ গম্ মানুচ্ নেই যে নিত্য গম্ কাম গরে, কনদিন্অ পাপ ন-গরে।

যিরমিয় 17:9

মনান্ বেগত্তুন্ বেশ ঠগ্, তারে কনঅ বাবদে গম্ গরা ন-যায়। কনজনে মান্‌‍‌‍‍জ্যর্ মনানি বুঝি ন-পারে।

২ করিন্হীয় 12:7

ভালোক্কানি মইধু ফগদাং ওইয়্যে বিলিনে মুই যেন বাড়্‌বো ন-অং, সেই আজায় মরে দুঘ্ দিবাত্যে মর্ কিয়্যেগানত্ এক্কো কাদা, অত্তাৎ শদানর্ দূত দিয়্যে ওইয়্যে।

১ যোহন 1:8

আমি যুনি কোই আমা ভিদিরে পাপ নেই সালে আমি নিজোরে ফাকি দিই। সেক্কে ইয়েনই বুঝো যায় যে, আমা মন ভিদিরে গোজেনর্ সত্যগান নেই।