যিশাইয় 38:3 - Chakma Bible3 “ও লগেপ্রভু, তুই ইদোত্ তুলি চাহ্, মুই তঅ মুজুঙোত্ কেধোক্ক্যেন্ গুরি বিশ্বেজি আর বেক্ মনান্ দিইনে আঢাউদো গোজ্যং আর তঅ চোগেদি যিয়েন ঠিগ্ সিয়েন গোজ্যং।” ইয়েন কোইনে হিষ্কিয় অমকদ কানাকুদি গরা ধুরিলো। Faic an caibideil |
যিশাইয় 38:3
40 Iomraidhean Croise
“আর তুই, মর্ পুয়োবো শলোমন, তুই তঅ বাপ্পো গোজেনরে মুজুঙোত্ রাগেইনে চলিবে আর তঅ মনান্ ঠিগ্ রাগেইনে আর মন আওজে তারে সেবা গুরিবে, কিত্তে লগেপ্রভু পত্তিজনর্ মনানি গমেডালে চায় আর চিদে গরানার্ পত্তিজন উদ্দেশ্যগানি বুঝে। তাহ্ আওজ্সানি জানিবাত্তে চেলে তুই সিয়েনি জানি পারিবে, মাত্তর্ যুনি তুই তারে ছাড়ি যাচ্ সালে তেয়ো তরে উমরত্তে এলাফেলা গুরিবো।
তমার্ যেনে ভালেদি অয় সেনত্যে লগেপ্রভুর চোগোত্ যিয়েনি ঠিগ্ আর গম্ তুমি সিয়েনোই গোজ্য। সেক্কে লগেপ্রভু তমার্ পুরোণি মানুচ্চুনো ইদু শমক্ গুরিনে যে দোল্ দেজ্ছান দিবার কধা এগেম্ গোজ্য, সে দেজত্ যেইনে তুমি সিয়েনি গজক্ গুরিবা আর লগেপ্রভু যেধোক্ক্যেন কোইয়্যে সেধোক্ক্যেন গুরি তমা মুজুঙোত্তুন্ তমার্ শত্রুগুনোরে তুমি ধাবেই দি পারিবা।
Sanasan