যিশাইয় 38:18 - Chakma Bible

¹⁸ মরণ জাগায়ানে দঅ তরে বাঈনী গুরি ন-পারে, আর মরণানেয়ো তর্ নাঙ্-গিনেদে গান গেই ন-পারে। যিগুনে সে গাঢত্ লামন তারা তর্ এগেমর্ ভর্‌‌পুনঙান আজা গুরি ন-পারন্।

যিশাইয় 38:18 Iomraidhean Croise

গীতসংহিতা 28:1

ও লগেপ্রভু, মর্ আশ্রয়-মুড়োবো, মুই তরে ডাগঙর্। তুই মঅ কধালোই কানান্ ঢাগি ন-থেচ্, কিত্যে তুই যুনি জুরো গুরি থাচ্ মাত্তর্ যিগুনে মরণর জাগাত্ লামি যেইয়োন্ তারা ধোক্ক্যেন মর্ দজা অবঅ।

গীতসংহিতা 30:9

“মর্ মরণত্ বা মরণর জাগাত্ যানাগান কি লাভ? ধূল্যেগানে কি তর্ বাঈনী গুরিবো বা তর্ বিশ্বেজ্‌ছান ফগদাং গুরিবো?

গীতসংহিতা 6:5

মুরি গেলে তরে মনত্ গরা ন-যেবঅ; মোজ্যেদে জাগানত্ কন্না তর্ বাঈনী গুরিবো?

গীতসংহিতা 6:6

মুই ফবাদে ফবাদে বল্ পোজ্যে ওই পোজ্যং; সারা রেত্ কানি কানি মুই বিচ্ছোনান্ ভিজেয়োং, চোগো পানিয়ে মঅ খাট্‌‌তান্ ভিজাং।

গম্ উপদেজ্ 14:32

পাজিগুনোর অন্যেয় কামানিয়ে তারারে তলে লামেই দে, মাত্তর্ গোজেন ভক্ত মানুচ্চুনোর মরণর সময়ত্অ আজা থায়।

উপদেশক 9:10

তঅ আঢত্ যে কনঅ কাম্ এদঅ সাৎ সিয়েনি তর্ বেক্ খেমতালোই গুরিবে, কিত্তে তুই যে জাগানত্ যর্ সে গোর জাগানত্ কনঅ কাম্, সল্লা গরানা, বুদ্ধি বা জ্ঞান বিলিনে কিচ্চু নেই।

গণাণা 16:33

তারার যেদক্কানি এলঅ বেক্কানি নেযেইনে তারা জেদা অবস্থায় গোরত্‌ গেলাক্। পরেদি তারা উগুরে সেই ফাদাগান বন্ধ ওই গেলঅ।

মথি লেখ্যে গম্ হবর্ 25:46

সে পরেদি যীশু কলঅ, “এই মানুচ্চুন্ উমরত্তে সাজা পেবাক্, মাত্তর্ সেই গোজেন্ ভক্ত মানুচ্চুনে উমর জিংকানি ভোগ্ গুরিবাত্তে যেবাক্।”

মথি লেখ্যে গম্ হবর্ 8:12

মাত্তর্ যিগুনোর রেজ্যত্ থেবার কধা তারারে বারেদি আন্ধারত্ ফেলে দিয়্যে অবঅ। সিয়েনত্ মানুচ্চুনে কানাকুদি গুরিবাক্ আর যন্ত্রনায় দাত্ কামারা ধুরিবাক্।”