যিশাইয় 38:16 - Chakma Bible

¹⁶ ও প্রভু, তঅ কধা আর কাম্‌বোই দঅ মানুচ্ বাঁজি থান্; ইয়েনি ভিদিরে মঅ আত্মাগান জেদা থেবঅ। তুই মঅ কিয়্যেগান ফিরেই দিইনে মরে বাঁজিবাত্তে দিবে।

যিশাইয় 38:16 Iomraidhean Croise

গীতসংহিতা 119:25

মুই ধূল্যেত্ লুদেই পোজ্যং; তর্ কধা মজিম্ মরে নুয়ো গুরি বল্ দে।

গীতসংহিতা 119:71

মুই যে দুঘ্ পেয়োং সিয়েন মত্তে গম ওইয়্যে; সেনত্তে মুই তর্ সুদোমানি শিগি পারঙর্।

গীতসংহিতা 119:75

ও লগেপ্রভু, মুই হবর্ পাং তর্ সুদোমানি অমকদ গম্; তুই বিশ্বেজি বিলিনে মরে দুঘ্ দুয়োচ্।

গীতসংহিতা 30:3

ও লগেপ্রভু, তুই মরে মরণর জাগাত্তুন্ তুলি আন্যচ্; তুয়ই মরে বাঁজে রাগেয়োচ্ যেনে সেই গাত্তোত্ মত্তুন্ লামা ন-পড়ে।

গীতসংহিতা 39:13

মঅ উগুরেত্তুন তর্ চানাগান সোরেই নেযা, যেনে যেবার্ আগেন্দি, শেজ্ ওই যেবার আগেন্দি, আরঅ মুই হুজি ওই পারং।”

গীতসংহিতা 71:20

যুনিয়ো তুই মঅ উগুরে বোউত্ দুঘ্ আর দযা আন্যচ্, তো তুই আরঅ মঅ পরাণান জেদা গুরি দিবে; মাদি তলেত্তুন্ তুলি আনেদে ধোক্ক্যেন গুরি আরঅ তুই মরে তুলি আনিবে।

যিশাইয় 64:5

যিগুনে গোজেনর আওজ্ মজিম কাম গুরিবাত্তে গম্ পান আর তরে ইদোত্ গুরিনে তঅ পধেদি চলন্ তারারে সাহায্য গুরিবাত্তে তুই এই থাচ্; মাত্তর্ আমি পাপ গোজ্যেই আর ভালোক্ দিন ধুরিনে সেই অবস্থাত্ আগিই বিলিনে তুই আমা উগুরে অমদক রাগ গুরি আগচ্। সালে আমি কেধোক্ক্যেন গুরি উদ্ধোর্ পেবং?

মথি লেখ্যে গম্ হবর্ 4:4

যীশু জোবত্ কলঅ, “পবিত্র বোইয়োত্ লেগা আঘে, মানুচ্ বানা রুটিলোই ন-বাজন্, মাত্তর্ গোজেনর্ পত্তি মুয়ো কধালোই বাজন্।”

১ করিন্হীয় 11:32

মাত্তর্ আমা বিচেরান যেক্কে প্রভু গরে সেক্কে তে আমারে শাসন গরে, যাতে জগদর্ বেক্কুনো সমারে আমারে দুষি বিলিনে থির্ গরা ন-অয়।

২ করিন্হীয় 4:17

ইক্কিনে আমি কয়েক দিনোত্যে যে সামান্য দুঘ্ ভুগির্ সিয়েনর্ ফলে আমি উমরত্যে মহিমাগান্ পেবং। এ মহিমাগান্ এদক্ বেশ্ যে, সিয়েন মাবা ন-যায়।

দ্বি’লম্বর বিররণ 8:3

পেত্‌পুড়োনার দুঘ দিইনে আর যে মান্নার্‌ কধা তমারে আর তমার পুরোণি মানুচ্চুনোর্‌ অজানা এলঅ সিয়েন্‌ খাবেইনে তে তমার বাড়্ গরানাগানি ভাঙি দিয়্যে। ইয়েন্দোই তে তমারে এ শিক্ষ্যেগান্‌ দিবাত্তে চেয়্যেদে, মান্‌জ্যে বানা পিদেলোই ন-বাঁজন, মাত্তর্‌ লগেপ্রভুর্‌ মুয়োর্‌ এক্‌ এক্কান কধালোই বাঁজন্‌।

ইব্রীয় 12:9

ইয়েন বাদে আমি দেক্ক্যেই, আমা জগদ বাব্‌পুনে আমারে শাসন গুরিদাক্ আর আমি তারারে সর্মান গুরিদোং। সালে যিবে বেক্ আত্মাগুনোর্ বাপ্ তা অধিনোত্ থানা কি আমার্ আরঅ উজিত্ নয়, যেনে আমি জিংকানি পেই?