যিশাইয় 38:15 - Chakma Bible

¹⁵ মাত্তর্ মুই কি কোম্? তে মঅ লগে কধা কোইয়্যে আর নিজে ইয়েন গোজ্যে। মঅ পরাণর এ দুঘ্‌কানত্তে মুই জিংকানির বাদবাগি বেক্ বজরুন নম্র ওইনে চুলিম।‌‍‌‌‌‌

যিশাইয় 38:15 Iomraidhean Croise

১ রাজাবলী 21:27

আহাবে লগেপ্রভুর কধা শুনিনে নিজো কাবড়ান্‌ ফাদি ফেলেইনে বস্তা ফাদা উরিলো আর উবোস্‌ থেলঅ। তে বস্তা ফাদা উরিনে ঘুম্‌ যেদঅ আর নম্রগুরিনে আঢাউদো গুরিদো।

২ রাজাবলী 4:27

মাত্তর্‌ কর্মিল মুড়োবোত্‌ গোজেন মানুচ্চুনোর্‌ ইদু লুমিনে তে তার্‌ টেঙানি আজাবোদে ধুরিলো। গেহসি তারে সোরেই দিবাত্তে এলে গোজেন মানুচ্চো কলঅ, “তারে মানা ন-গোজ্য। তা মনত্‌ অমকদ দুখ্‌, মাত্তর্‌ লগেপ্রভু; মত্তুন্‌ সিয়েন্‌ লুগেই রাগেয়্যে, মরে নঅ-কয়।”

ইষ্রা 9:10

মাত্তর্ ইক্কিনে, ও আমার্ গোজেন, ইয়েনর্ পরেদি আমি কি কোই পারিই? তুই তর্ চাগর্ ভাববাদীগুনোর মাধ্যমে যেদক্কানি উগুম দুয়োচ্ সিয়েন দঅ আমি অগ্রাজ্য গোজ্যেই। তুই কোইয়োচ্চ্যে, যে দেশ্‌‌চান্ তুমি অধিকার গুরিবাত্যে যর্ সিয়েন সিদুগোর্ মানুচ্চুনোর্ অসিজি অনার্ কারনে অসিজি ওইয়োন। তারার্ জঘন্য কাম্‌‌বোই তারা দেজর্ এক দুযিত্তুন্ অন্য দুযি সং অসিজিলোই ভোজ্যে।

ইয়োব 10:1

মর্‌ বাঁজি থানাগানই মুই ঘিনাং, সেনত্তে মঅ দুঘোর্‌ কধানি মুই আভাংপাদারি কোম্‌ আর মঅ পরাণর্‌ তিদে অবস্থাত্তুন্‌ কধা কোম্‌।

ইয়োব 21:25

আরঅ কনজনে কনদিন্‌অ গমানি ভোগ্‌ ন-গরন্‌ তিদে পরাণদোই মুরি যান।

ইয়োব 7:11

সেনত্তে মুই আর্‌ জুরো গুরি ন-থেম্‌। মঅ মনত্‌ দুঘ্‌খো গুরিনে মুই কধা কোম্‌; মঅ তিদে পরাণে মুই তইদু দুঘ্‌খানি ফগদাঙ্‌ গুরিম্‌।

গীতসংহিতা 116:1

মুই লগেপ্রভুরে কোচ্‌পাং, কিত্তে তে মর্ কোজোলীগান শুন্যে।

গম্ উপদেজ্ 31:6

যিগুনে মুরি যাদন্ তারারে মদ্ দে। যিগুনোর মনত্ দুঘ আঘে তারারে আংগুরো-রস দে;

যিশাইয় 38:17

“ঘেচ্চেকগুরি মর্ ভালেদিত্তে মুই এ অমকদ দুঘ্‌‌কানি ভোগ গোজ্যং, মাত্তর্ ভস্তর্ গাদত্তুন তর্ কোচ্‌পানালোই তুই মরে উদ্ধোর্ গোজ্যস্। মর্ বেক পাপ্‌‌‌পানি তুই পিজেদি ফেলেই দুয়োচ্।

যোহন 12:27

“মঅ মনান্ ইক্কিনে ওলোজোলো ওইয়্যে। মুই কি এ কধাগান্ কোম্, ‘বাবা, যে সময়বো এচ্চ্যে সে সময়বোত্তুন্ মরে রোক্ষ্যে গর্’? মাত্তর্ ইয়েনত্যে দঅ মুই এ সময়ান সং এচ্চ্যং।

যিহোশূয় 7:8

ও প্রভু, ইস্রায়েলীয়গুনে শত্রুগুনো ইদু ঊদি যেইনে ধেই এজানার পরেন্দি মত্তুন্‌ আর কবার্ কি আঘে?

১ শমূয়েল 1:10

মনত্‌ দুগে হান্না লগেপ্রভু ইদু অমহদ কানি কানি তবনা গরা ধুরিলো।