যিশাইয় 37:4 - Chakma Bible

⁴ আসিরিয়ার্ রাজা জেদা গোজেনরে ঠাট্টা-মশ্‌‌‌কারি গুরিবাত্তে রব্‌শাকিরে পাদেয়্যে, মাত্তর্ তর্ গোজেন লগেপ্রভু অয়ত সে কধানি শুনিনে তারে সাজা দিবো। সেনত্তে যিগুনে এজঅ বাঁজি আগন্ তারাত্তে তুই তবনা গর্।”

যিশাইয় 37:4 Iomraidhean Croise

২ শমূয়েল 16:12

অলে লগেপ্রভু মর্‌ এ দুঃখান্‌ দেগিবো, আর এচ্চ্যে মুই যে অভিশাপ্পান্‌ পাঙর্‌ সিয়েনর বদলে মরে ভালেদি গুরিবো।”

২ রাজাবলী 17:18

সেনত্তে ইস্রায়েলর মানুচ্চুনো উগুরে লগেপ্রভু অমকদ বেজার্‌ ওইনে তা মুজুঙোত্তুন্‌ তারারে ধাবেই দিলো। বাদবাগি এলাক্কে বানা যিহূদা-গুট্টিগুন,

২ রাজাবলী 19:4

আসিরিয়ার রাজা জেদা গোজেনরে ঠাট্টা-তামাজা গুরিবাত্তে রব্‌শাকিরে পাদেয়্যে মাত্তর্‌ তর্‌ গোজেন্‌ লগেপ্রভু অয়ত সে কধানি শুনিনে তারে সাজা দিবো। সেনত্তে যিগুনে এজঅ বাঁজি আগন্‌ তারাত্তে তুই তবনা গর্‌।”

২ বংশধর 28:19

রাজা আহসত্তে লগেপ্রভু যিহূদারে তলে ফেলেল, কিত্তে আহসে যিহূদাত্‌ ভান্ন্যেইয়ানি বাড়েবাত্তে দিয়্যে আর নিজে লগেপ্রভু উগুরে অমকদ অবিশ্বেজি ওইয়্যে।

২ বংশধর 34:21

“যে বোইবো পাহ্ যেইয়্যে সিবে ভিদিরে কি লেগা আঘে সিবে তুমি যেইনে মর্‌ আর ইস্রায়েল আর যিহূদার বাদবাগি মানুচ্চুনোত্তে লগেপ্রভুরে পুযোর্‌ গর্‌। আমা পুরোণি মানুচ্চুনে লগেপ্রভুর কধানি ন-পালান্‌ আর এ বোইবোত্‌ যিয়েনি লেগা আঘে সেই মজিম কাম্‌ ন-গরে বিলিনে তার্‌ জদবদে রাগ্‌কান আমা উগুরে পোজ্যে।”

গীতসংহিতা 106:23

সেনত্তে গোজেনে কলঅ তারারে দুনিয়েত্তুন উদেই দিম্; তে সিয়েনোই গুরিদো মাত্তর্ তার বেঈ লোইয়্যে মানুচ্ মোশি তারে মানা গুরিলো, তে যেন তারারে শেজ্ গরানার আদত্তুন্ রাগ্‌কান ফিরেই পারে।

গীতসংহিতা 50:21

ইয়েনি তুই গোজ্যস্, মাত্তর্ মুই মুয়োন ন-খুলোং; তুই মনে গোজ্যস্‌চে মুই তঅ ধোক্ক্যেন এক্কো, মাত্তর্ মুই তর্ দুষ্‌ছান দেগেই দিম আর তর্ বেক্কানি তর্ চোগোর মুজুঙোত্ এক্কান এক্কান গুরি তুলি ধুরিম।

যিশাইয় 1:8

সিয়োন-ঝিবোরে এমন গুরিনে ফেলেই রাগা ওইয়্যে যেনে তে আংগুর খেদর্ চুগিদার-ঘর, যেন খিরে খেদর্ বাজেই-ঘর, যেন শত্রুলোই ঘিজ্যে এক্কান্ শঅর।

যিশাইয় 1:9

বেগত্তুন্ খেমতাবলা লগেপ্রভু আমাত্তে যুনি কয়েক জনরে জেদা ন-রাগেদ সালে আমা অবস্থা সদোম আর ঘমোরা শঅর ধোক্ক্যেন্ অদঅ।

যিশাইয় 10:20

সেদিন্যে ইস্রায়েলর বাঁজি থেইয়্যে মানুচ্চুন্, অত্তাৎ যাকোব বংশর বাদ-বাগি মানুচ্চুন্ তারারে আঘাত্ গুরিয়্যেগুনো উগুরে আর্ বিশ্বেজ্ ন-গুরিবাক্, মাত্তর্ লগেপ্রভু উগুরে, ইস্রায়েলর সেই পবিত্র মানুচ্চো উগুরে ঘেচ্চেক্‌গুরি বিশ্বেজ্ গুরিবাক্।

যিশাইয় 10:22

ও ইস্রায়েল, যুনিয়ো তমা মানুচ্চুন্ সাগর পার ধূল্যেচর ধোক্ক্যেন্ তো বানা কয়েকজন মান্‌জ্যে ফিরি এবাক্। ইস্রায়েলত্তে ভস্ত অনাগান ঠিগ্ গরা আঘে আর সেই পেবার্ সাজাগান তারা উগুরে এবদে এবঅ।

যিশাইয় 11:11

সেদিন্যে তার্ বাঁজি থেইয়্যে মানুচ্চুনোরে আসিরিয়াত্তুন্, মিসর আর পথ্রোষত্তুন, কূশ, এলম, বাবিল, হমাৎ আর দ্বিব্‌পুনোত্তুন্ উদ্ধোর্ গুরি আনিবাত্তে দ্বিবার তা আঢ্‌তান বাড়েই দিবো।‌‌

যিশাইয় 36:13

সে পরেদি রব্‌শাকি থিয়্যেইনে জোরে জোরে ইব্রীয় কধাদি কোইয়্যেদে, তুমি দাঙর্ রাজার্, অত্তাৎ আসিরিয়ার রাজার কধানি শুনো।

যিশাইয় 36:18

“ ‘হিষ্কিয় তমারে ভান্ন্যেই পধেদি চালেবাত্তে যেন ন-কয়, লগেপ্রভু তমারে রোক্ষ্যে গুরিবো। অন্য জাদর্ কনঅ দেবেদা কি আসিরিয়া রাজার আঢত্তুন্ তা দেজ্‌চান রোক্ষ্যে গুরি পাজ্যে?‌‍

যিশাইয় 36:20

এ দেজর বেক্ দেবেদাগুনো ভিদিরেত্তুন্ কন্না মঅ আঢত্তুন্ নিজোর দেজ্‌চানরে রোক্ষ্যে গোজ্যে? সালে লগেপ্রভু কেধোক্ক্যেন্ গুরি মঅ আঢত্তুন্ যিরূশালেমানরে রোক্ষ্যে গুরিবো?‌‍‍’ ” ‌‍‍

যিশাইয় 37:17

ও লগেপ্রভু, কানান্ পাদ্, শুন্; ও লগেপ্রভু, তঅ চোগ্‌কুন খুল্, চাহ্; জেদা গোজেনরে অগমান্ গুরিবাত্তে সন্‌‌হেরীবে যে কধানি কোই পাদেয়্যে সিয়েনি শুন্।

যিশাইয় 37:31

যিহূদা-গুট্টির যে মানুচ্চুনে সেক্কেয়ো বাঁজি থেবাক্ তারা আর একবার ফোলেবাক্। তারা গাজ ধোক্ক্যেন্ তলেদি শিঙোর্ বোজেবাক্ আর উগুরেদি ফল ফোলেবাক্।

যিশাইয় 37:32

বাঁজি থেইয়্যে মানুচ্চুনে যিরূশালেমত্তুন্ এবাক্ আর সিয়োন মুড়োবোত্তুন্ এবাক্ রোক্ষ্যে পেইয়্যে একদল মানুচ্। বেগত্তুন্ খেমতাবলা লগেপ্রভুর আওজ্‌‌‌চানে ইয়েনি গুরিবো।‌

যিশাইয় 37:5

রাজা হিষ্কিয়োর কামগুরিয়্যেগুনে যেক্কে যিশাইয় ইদু এলাক্,

যিশাইয় 41:14

ও যাকোব, ও ইস্রায়েল, তুই যুনিয়ো পুগো ধোক্ক্যেন সামান্য তো ন-দোরেচ্; মুই নিজেই তরে সাহায্য গুরিম। মুই লগেপ্রভু তর্ উদ্ধোরগুরিয়্যে ইস্রায়েলর সেই সুদ্ধো-সাংগ মানুচ্চো এ কধাগান কঙর্।

যিশাইয় 46:3

ও যাকোবর বংশ, ইস্রায়েলর বংশর বাঁজি থেইয়্যে মানুচ্চুন্, তুমি মঅ কধাগান শুনো। পেদত্ এবার অক্তত্তুন্ ধুরি আর জর্মর পরেত্তুন্ ধুরি মুই তমা ভারান্ বুয়োঙর্।

যিরমিয় 26:19

যিহূদার রাজা হিষ্কিয় বা যিহূদার অন্য কনজনে কি মীখারে মারে ফেলেয়োন? হিষ্কিয় কি লগেপ্রভুরে ভোক্তিগুরিনে ন-দরায় আর তার দোয়্যে ভিক্ষে ন-গরে? ইয়েনত্ লগেপ্রভু মানুচ্চুনো উগুরে যে দযাগান্ পাদেবার কধা কোইয়্যে সিয়েন আর ন-পাদায়। মাত্তর্ আমি দঅ নিজো উগুরে এক্কান দর্‌‌‌গরেপারা দযা ডাগি আন্ন্যেই‌।”

দানিয়েল 2:18

তে তারারে কোজোলী গুরিলো যেন তারা সেই হবর্ ন-পেইয়্যে বেপারান্ জানিবাত্তে স্বর্গর গোজেন ইধু দোয়্যে ভিক্ষ্যে চেলঅ, যেনে তে আর তা সমাজ্যেগুন বাবিলোর অন্য সল্লাদিয়্যেগুনো লগে মারা ন-পড়ন্।

যোয়েল 2:17

যিগুনে লগেপ্রভুর মুজুঙোত্ সেবা-কাম গরন্ সেই ধর্মগুরুগুনে উবোসনা-ঘরর্ বারান্দা আর পুজোবোর্ সংমোধ্যে কানোদোক্। তারা কোদোক্, “ও লগেপ্রভু, তঅ মানুচ্চুনো উগুরে তুই দোয়্যে গর্। তঅ সোম্বোত্তিগানরে ঈচ্ গরেপারা ন-গুরিচ্, জাদ ভিদিরে তারার্ নাঙানি ঈচ্ গরেপারা কধা অবাত্তে ন-দিচ্। অন্য জাদ মানুচ্চুনে কিত্তে কবাক্, ‘তারার্ গোজেনে কুদু?’ ”

আমোষ 5:15

ভান্ন্যেয়ানরে ঈচ্ গরঅ, গমানরে কোচ্‌পঅ; শঅর গেদোত্ ন্যায়বিচের্ রোক্ষ্যে গরঅ। অয়ত ইস্রয়েলর বাঁজি থেইয়্যে মানুচ্চুনো উগুরে বেগত্তুন্ খেমতাবলা গোজেন লগেপ্রভু দোয়্যে গুরিবো।

আমোষ 7:2

সিগুনে যেক্কে দেজর্ য়্যেল্ গাজ-বাজ্ হেইনে শেজ্ গুরি দিলাক্ সেক্কে মুই কোজোলী গুরিনে কলুং, “ও প্রভু লগেপ্রভু, খেমা গর্। যাকোবে কেধোক্ক্যেন গুরি বাঁজি থেবঅ? তে দঅ অমকদ চিগোন্।”

রোমীয় 9:27

ভাববাদী যিশাইয় ইস্রায়েল জাদ পৌইদ্যেনে কোইয়্যে, “ইস্রায়েলীয়গুন্ যুনিয়ো জনেদি সাগর-পার কোরোলি ধোক্ক্যেন্ তো বানা সিগুনোর্ বিশেষ এক্কো ভাগে উদ্ধোর্ পেবাক্।

যাকোব 5:16

ইয়েনত্যে তুমি একজন আরেকজন ইধু পাপ স্বীগের্ গরঅ আর একজন আরেক জনত্যে তবনা গরঅ, যেন তুমি গম ওই পারঅ। গোজেনর্ আওজ্ মজিম যে চলে তার তবনাগানির্ জোর্ আঘে বিলিনে সিয়েনে ফল দে।

যিহোশূয় 14:12

ইয়েন যে মুড়ো-মুড়ি চাগালাগান্‌ দিবার এগেম্ লগেপ্রভু মইদু গোজ্যে সিয়েন তুই মরে দে। সে সময়োত্‌ তুই নিজেই শুন্যচ্‌, অনাকীয়গুনে সিয়েনত্‌ বজত্তি গুরিদাক্‌ আর তারার্‌ শঅ‌রানিয়ো বেশ্‌ দাঙর্‌ দাঙর্‌ আরঅ‌ দেবাল্লোই-ঘিজ্যে। মাত্তর্‌ লগেপ্রভু মঅ‌ লগে থেলে তা কধা মজিম মুই তারারে ধাবেই দিম্‌।”

১ শমূয়েল 12:19

বেক্কুনে সেক্কে শমূয়েলরে কলাক্, “তুই তর্‌ গোজেন লগেপ্রভুর ইদু তর্‌ এই চাগরুনোত্তেই তবনা গুরিচ্‌ যেনে আমি মারা ন-পুরিই, কিত্যে রাজাবো চেইনে আমি আমার অন্য বেক্‌ পাপ্পানির লগে এই পাপ্পানিয়ো মিজেয়্যেই।”

১ শমূয়েল 12:23

মুই যেনে কনদিন্অ তমাত্তে তবনা গরানা বন্ধ গুরিনে লগেপ্রভুর বিরুদ্ধে পাপ ন-গরং। মুই তমারে সৎ আর ন্যায়পদেন্দি আদিবাত্তে শিক্ষা দিম্‌।

১ শমূয়েল 14:6

যোনাথনে তার বন্দুক বোইয়্যে গাবুজ্যেবোরে কলদে, “আদঅ, আমি উই পারত্‌ সেই চুনুগুলোবো তনা ন-গোজ্যে মানুচ্চুনোর তাম্বুলোত্‌ যেই। অয়ত লগেপ্রভু আমাত্তে কিজু গুরিবো, কিত্যে তে তার নিজোর মনে মন্‌‌জক্কাগুরি কম মানুচ্চোই ওক্‌ বা বেশ্‌ মানুচ্চোই ওক্‌ জিদি যেই পারে।”

১ শমূয়েল 17:26

যে মানুচ্চুনে কায়-কুরে থিয়্যেইয়োন্‌ দায়ূদে তারারে পুযোর্ গুরিলো, “যে এই পলেষ্টীয়বোরে মারে ফেলেইনে ইস্রায়েলীয়গুনো উগুরেত্তুন্‌ এই অসর্মানান্‌ কাদেই দিবো সিয়েন উগুরে কি গরা অবঅ? এই চুনুগুলোবোর মাদাগান তনা ন-গোজ্যে পলেষ্টীয়বো কন্না, যে জেদা গোজেনর্‌ সৈন্যদলুনোরে ঈচ্ গরে?”

১ শমূয়েল 17:36

সিংহ, ভালুক দ্বিবে তর্‌ এই চাগর্‌‌বো আঢত্‌ মারা পোজ্যন, আর এই চুনুগুলোবোর মাদাগান তনা ন-গোজ্যে পলেষ্টীয়বোর দযাগান্অ সিগুনো ধোক্ক্যেন অবঅ, কিত্যে তে জেদা গোজেনর সৈন্যদল্লোরে ঈচ্ গোজ্যে।”

১ শমূয়েল 7:8

তারা শমূয়েলরে কলাক্, “আমা গোজেন লগেপ্রভু যেনে পলেষ্টীয়গুনোর আঢত্তুন্‌ আমারে উদ্ধোর গরে সেনত্তে লগেপ্রভুর ইদু তুই কানাকুদি গুরিনে থাক্‌।”