যিশাইয় 37:3 - Chakma Bible

³ তারা যিশাইয়রে কলাক্, “হিষ্কিয় কোইয়্যেদে, এচ্চ্যে দিন্নো অলঅ দুঘোর্, সাজা পেবার আর অসর্মানর দিন। আমা অবস্থা এধোক্ক্যেন ওইয়্যে যেন পুয়ো-ছাগুনে জর্ম অবার মুয়োনত্ এচ্চ্যন্ মাত্তর্ জর্ম দিবার খেমতা নেই।

যিশাইয় 37:3 Iomraidhean Croise

২ রাজাবলী 19:3

তারা যিশাইয়রে কলাক্‌, “হিষ্কিয় কত্তে, এচ্ছ্যে দিন্নো অলঅ দুগোর্‌, সাজা পেবার্‌ আর অসর্মান দিন। আমা কান্ডগান্ এমন্‌ ওইয়্যে যেন পুয়োগুন জর্ম অবার্‌ অক্ত ওইয়্যে মাত্তর্‌ ফুদেবার্‌ বলান্‌ নেই।

২ বংশধর 15:4

মাত্তর্‌ তারার্‌ দুঘোর্ দিনোত্‌ তারা ইস্রায়েলর গোজেন লগেপ্রভুর ইন্দি ফিরিনে তা আওজ্‌চান্ জানিবাত্তে চেইয়োন্‌ আর সিয়েন্‌ জানিয়ো পাজ্যন্‌।

গীতসংহিতা 50:15

তর্ দযার্ দিনুনোত্ তুই মরে ডাগিচ্; মুই তরে উদ্ধোর্ গুরিম আর তুই মরে সর্মান গুরিবে।”

গীতসংহিতা 91:15

তে মরে ডাগিলে মুই তারে শমক্ দিম; দযাত্ মুই তা সমারে থেম্; তারে মুই রোক্ষ্যে গুরিম আর সর্মানর জাগা দিম্।

গীতসংহিতা 95:8

তে কোইয়্যেদে, তমা পুরোণি মানুচ্চুনো ধোক্ক্যেন্ তমা মনানি তুমি দর ন-গোজ্য; তারা ধূল্যেচর-চাগালাত্ মরীবায় আর মঃসায়ত মরে জগা চেইয়োন্। যুনিয়ো তমা পুরোণি মানুচ্চুনে মঅ কামানি দেখ্যন্, তো তারা সিদু মরে বিজিরে চেইয়োন্।

যিশাইয় 22:5

বেগত্তুন্ খেমতাবলা প্রভু লগেপ্রভুত্তুন্ দর্শন-কলগত্ অমকদ দর্‌গরেপারা, টেঙোই মাড়িবার আর যাগুলুগোর এক্কো দিন এচ্চ্যে। সিবে দেবালান্ ভাঙি ফেলেবার আর মুড়ো-মুড়ি ইদু কানিবার্ এক্কো দিন।‍‍

যিশাইয় 25:8

মরণানরে তে উমরত্তে ভস্ত গুরিবো। প্রভু লগেপ্রভু বেক্কুনোর চোগো পানিগান পুজি দিবো আর বেক্ পিত্‌থিমীগানত্তুন্ তা মানুচ্চুনোর অসর্মানান্ দূর গুরিবো। লগেপ্রভু এ কধাগান কোইয়্যেদে।

যিশাইয় 26:16

ও লগেপ্রভু, দুঘো সময় তারা তরে দেখ্যন্; তত্তুন্ সাজা পেবার সময়োত্ তারা ওলোমোত্য ওইনে ফিস্ ফিস্ গুরি তবনা জানেয়োন্।

যিশাইয় 29:2

মাত্তর্ মুই অরীয়েল উগুরে দজা আনিম্। তে দুঘ্ পেবঅ আর আবিলেচ্ গুরিবো; তে মইদু এক্কো অরীয়েল ধোক্ক্যেন্, অত্তাৎ এক্কো পূযো ধোক্ক্যেন্ অবঅ।

যিশাইয় 33:2

ও লগেপ্রভু, আমা উগুরে দোয়্যে গর্; আমি তত্তে বাজ্জেই আগিই। পত্তিদিন বেন্যে অক্তত্ তুই মঅ মানুচ্চুনোর বল্ অ, আর দুঘো সময়োত্ আমার উদ্ধোরগুরিয়্যে অ।

যিশাইয় 66:7

“পুয়ো ফুদোনা-পিড়েগান্ উদিবার আগেদি সিয়োনে পুয়োবোর জর্ম দিয়্যে; তার পিড়ে উদিবার আগেদি তে এক্কো পুয়োর জর্ম দিয়্যে।

যিশাইয় 66:9

মুই তর্ গোজেন লগেপ্রভু কঙর্, ‘জর্মর মুহূর্ত সং উজেই নেযেইনে মুই কি জর্ম দিবাত্তে ন-দিম? মুই যেক্কে জর্ম দিবাত্তে বেবস্থা গোজ্যং সেক্কে কি মুই জর্ম দিবাত্তে ন-দিম?’ ”

যিরমিয় 30:7

হায়, সে দিন্নো কি দর্‌গরেপারা! সেবাবোত্যে আর কনদিন্‌অ ন-অবঅ। সেক্কে অবঅ যাকোবর্ দুঘোর্ সময়, মাত্তর্ সিয়োত্তুন তারে উদ্ধোর্ গরা অবঅ।‍‍

হোশেয় 13:13

মিলেগুনোর্ পুয়ো-পুদোইদ্যে শূলোনী ধোক্ক্যেন্ তারে ধোজ্যে, মাত্তর্ তে দঅ বুদ্ধিনেইয়্যে গুরো; সময় এলে তে পেদ মুয়োত্ ন-এজে।

হোশেয় 5:15

যেদক্ বিলোন্ সং তারা তারার্ দুষচানি স্বীগের্ ন-গরন আর মঅ ইন্দি মনযোগ ন-দুয়োন সেদক্ বিলোন্ সং মুই মর্ নিজো জাগাত্ ফিরি যেইনে সিয়েনত্ থেইম। তারার্ দুঘোত্ তারা আওজ্ গুরিনে মইধু ফিরি এবাক্।”

হোশেয় 5:9

সাজা দিবার দিনোত্ ইফ্রয়িম মানুচ্ নেইয়্যে ওইনে পড়ি থেবঅ। যিয়েন অবঅ ওক্ সিয়েন মুই ইস্রায়েলর গুট্টিগুনো ভিদিরে ফগদাং গরঙর্।

ফগদাং পেইয়্যে 3:19

মুই যিগুনোরে কোচ্‌পাং সিগুনোরে দুষ্ দেগেই দুয়োং আর শাসন গরং। সেনত্যে এ অবস্থাত্তুন্ মনানি ফিরেবাত্যে আওজি অং।